സനില കുമാരി
ഇരിക്കൂർ: ജോലിക്കായി ഓഫിസിലേക്ക് പോവുകയായിരുന്ന യുവതിയുടെ ഇടപെടലിൽ ഒഴിവായത് വൻദുരന്തം. കഴിഞ്ഞദിവസം വൈകീട്ട് 3.45 നാണ് സംഭവം.
പെരുമണ്ണ് ഹരിത നിവാസിൽ എൻ. സനിലകുമാരി കൂത്തുപറമ്പിലെ കോഓപറേറ്റിവ് ആശുപത്രിയിലേക്ക് ജോലിക്കുപോകവെ പെരുമണ്ണ് സ്മൃതി മണ്ഡപത്തിനു സമീപത്തെ റോഡിൽ വൈദ്യുതി കമ്പി പൊട്ടി വീണുകിടക്കുന്നത് കാണുകയായിരുന്നു.
യുവതി ഉടൻ ഇരു ഭാഗത്തുനിന്നും വരുന്ന വാഹനങ്ങളെയും കാൽനടയാത്രക്കാരെയും നിർത്തിച്ചു. ഇരിക്കൂർ കെ.എസ്.ഇ.ബി സെക്ഷൻ ഓഫിസിൽ വിളിച്ചറിയിക്കുകയും ചെയ്തു.
തുടർന്ന് ജീവനക്കാർ എത്തി ലൈൻ ഓഫാക്കി അപകടാവസ്ഥ ഒഴിവായി എന്ന ഉറപ്പുകിട്ടിയശേഷമാണ് യുവതി യാത്രയായത്. യുവതിയെ നാട്ടുകാരും കെ.എസ്.ഇ.ബി ജീവനക്കാരും അഭിനന്ദിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.