ഇരിക്കൂർ: കാറിൽ മാരകമായ മയക്കുമരുന്ന് കടത്തുന്നതിനിടെ പെരുവളത്ത് പറമ്പിൽ രണ്ട് യുവാക്കളെ ശ്രീകണ്ഠപുരം റേഞ്ച് എക്സൈസ് അറസ്റ്റ് ചെയ്തു.
ഇരിക്കൂർ പെരുവളത്ത് പറമ്പിലെ മഠത്തിൽ ഹൗസിൽ പി.പി. അബ്ദുൽ ഹമീദ് (42), പഴയങ്ങാടി മുട്ടത്തെ സി. അനീസ് (36) എന്നിവരെയാണ് ഇൻസ്പെക്ടർ സി. രഞ്ജിത്തി‍െൻറ നേതൃത്വത്തിൽ അറസ്റ്റ് ചെയ്തത്.
ഇവരിൽനിന്ന് 20 ഗ്രാം എം.ഡി.എം.എ പിടിച്ചെടുത്തു. മയക്കുമരുന്ന് കടത്തിയ കാറും കസ്റ്റഡിയിലെടുത്തു.ഉത്തര മേഖല സ്‌ക്വാഡ് എക്സൈസ് ഇൻസ്പെക്ടർ എം. ദിലീപ്, സിവിൽ എക്സൈസ് ഓഫിസർ പി.പി. രജിരാഗ് എന്നിവർക്ക് ലഭിച്ച രഹസ്യ വിവരത്തി‍െൻറ അടിസ്ഥാനത്തിലാണ് യുവാക്കളെ പിടികൂടിയത്.
ജില്ലയിലെ ലഹരി കടത്ത് സംഘത്തിലെ പ്രധാനികളാണ് ഇവരെന്ന് എക്സൈസ് പറഞ്ഞു. രഹസ്യവിവരം ലഭിച്ചതിനെത്തുടർന്ന് യുവാക്കൾ നിരീക്ഷണത്തിലായിരുന്നു.
ന്യൂ ജെൻ മയക്കുമരുന്ന് വിഭാഗത്തിൽപെട്ട എം.ഡി .എം.എ യുവതലമുറയിൽ വ്യാപകമാകുന്നുവെന്ന് കണ്ടെത്തിയിരുന്നു.
ഇതി‍െൻറ അടിസ്ഥാനത്തിൽ എക്സൈസ് സംഘം സംസ്ഥാനത്തുടനീളം പരിശോധന ശക്തമാക്കിയിരുന്നു. യുവാക്കളെ ചോദ്യം ചെയ്തതിൽനിന്ന് ലഹരി കടത്ത് സംഘത്തെ കുറിച്ച് നിർണായക വിവരം ലഭിച്ചിട്ടുണ്ട്.
പ്രതികളെ തളിപ്പറമ്പ് ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കും. തുടർനടപടികൾ വടകര എൻ.ഡി.പി.എസ് കോടതിയിൽ നടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.