കൂത്തുപറമ്പ്: കണ്ണവം പൊലീസ് തൊടിക്കളം ശിവക്ഷേത്രത്തിന് സമീപം സ്ഥാപിച്ച സി.സി.ടി.വി കാമറ സാമൂഹിക വിരുദ്ധർ നശിപ്പിച്ചു. വ്യാഴാഴ്ച രാത്രിയോടെയാണ് സംഭവം. സംഭവത്തിൽ അന്വേഷണം ആരംഭിച്ചു.
കഴിഞ്ഞ ദിവസങ്ങളിലും ഈ ഭാഗത്ത് അനിഷ്ട സംഭവങ്ങൾ അരങ്ങേറിയിരുന്നു. എൻ.ഇ. ബലറാം സ്മാരകത്തിന്റെ കൈവരികൾ തകർക്കുകയും സമീപത്തായി സി.പി.ഐ, സി.പി.എം പാർട്ടി പ്രവർത്തകർ സ്ഥാപിച്ച ബാനറുകളും കൊടികളും നശിപ്പിക്കുകയും ചെയ്തിട്ടുണ്ട്. കൊടികളും ബാനറുകളും കീറിയശേഷം സമീപത്ത് ഉപേക്ഷിച്ചനിലയിലാണുള്ളത്.
കണ്ണവം പൊലീസ്, ഡോഗ്സ്ക്വാഡ്, ബോംബ്സ്ക്വാഡ് എന്നിവരുടെ നേതൃത്വത്തിൽ സ്ഥലത്ത് പരിശോധന നടത്തി. കണ്ണവം എസ്.ഐ സുനിൽകുമാർ, ബോംബ് സ്ക്വാഡ് എസ്.ഐ സി. അശോകൻ, എസ്.ഐ സി.പി. ബിനീഷ്, സി.പി.ഒമാരായ കെ.ജി. ജിൻരാജ്, വിശ്വനാഥൻ തുടങ്ങിയവർ പരിശോധനക്ക് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.