അപകടം നടക്കണോ നവീകരിക്കാൻ? ഭീഷണിയായി കൽവർട്ടുകൾ

പ​യ്യ​ന്നൂ​ർ: കാ​ല​പ്പ​ഴ​ക്ക​ത്തി​ൽ ത​ക​ർ​ന്ന് നാ​ശ​ത്തി​ന്റെ വ​ക്കി​ലാ​യ ക​ട​ന്ന​പ്പ​ള്ളി -പാ​ണ​പ്പു​ഴ പ​ഞ്ചാ​യ​ത്തി​ലെ ര​ണ്ട് ക​ൽവ​ർ​ട്ടു​ക​ൾ അ​പ​ക​ട​ഭീ​ഷ​ണി​യാ​കു​ന്നു. ക​ട​ന്ന​പ്പ​ള്ളി കു​റ്റ്യാ​ട്ടും താ​ഴെ പാ​ട​ശേ​ഖ​ര​ത്തി​ലൂ​ടെ ക​ട​ന്നു​പോ​കു​ന്ന റോ​ഡി​ലെ ര​ണ്ട് ക​ൽവ​ർ​ട്ടു​ക​ളാ​ണ് അ​പ​ക​ട​ഭീ​തി​യാ​കു​ന്ന​ത്. 

  വ​ർ​ഷ​ങ്ങ​ൾ പ​ഴ​ക്ക​മു​ള്ള​തി​നാ​ൽ ക​മ്പി​ക​ൾ ദ്ര​വി​ച്ച് കോ​ൺ​ക്രീ​റ്റു​ക​ൾ ഇ​ള​കി​യ നി​ല​യി​ലാ​ണ്. ച​ന്ത​പ്പു​ര ഭാ​ഗ​ത്തു​നി​ന്ന് വി​ള​യാ​ങ്കോ​ട്ടേ​ക്കും നി​ര​വ​ധി ആ​രാ​ധ​നാ​ല​യ​ങ്ങ​ളി​ലേ​ക്കും ക​ട​ന്നു പോ​വു​ന്ന റോ​ഡാ​ണി​ത്. ക​ട​ന്ന​പ്പ​ള്ളി തെ​ക്കെ​ക്ക​ര എ​ൽ.​പി, ക​ട​ന്ന​പ്പ​ള്ളി യു.​പി, ഹൈ​സ്കൂ​ൾ തു​ട​ങ്ങി​യ വി​ദ്യാ​ല​യ​ങ്ങ​ളി​ലേ​ക്കു​ള്ള കു​ട്ടി​ക​ൾ ഉ​ൾ​പ്പെ​ടെ നി​ര​വ​ധി വാ​ഹ​ന​ങ്ങ​ളും ക​ട​ന്നു​പോ​കു​ന്ന റോ​ഡി​ലാ​ണ് ഈ ​അ​പ​ക​ട​ക്കെ​ണി.

ക​ട​ന്ന​പ്പ​ള്ളി ജു​മാ മ​സ്ജി​ദ്, കു​റ്റ്യാ​ട്ട് പു​ലി​യൂ​ർ കാ​ളി ക്ഷേ​ത്രം, മു​ച്ചി​ലോ​ട് ഭ​ഗ​വ​തി ക്ഷേ​ത്രം, ചി​റ്റ​ന്നൂ​ർ ശ്രീ​കൃ​ഷ്ണ ക്ഷേ​ത്രം, മം​ഗ​ല​ശ്ശേ​രി ധ​ർ​മ​ശാ​സ്താ ക്ഷേ​ത്രം, കെ​ക്കോ​ട്ട​മ്പ​ലം എ​ന്നി​വി​ട​ങ്ങ​ളി​ലേ​ക്കും പ​ഞ്ചാ​യ​ത്ത് ആ​സ്ഥാ​ന​മാ​യ ച​ന്ത​പ്പു​ര​യി​ലേ​ക്കും ക​ട​ന്നു​പോ​കു​ന്ന പാ​ത​യി​ലാ​ണ് ഈ ​ചെ​റു​പാ​ല​ങ്ങ​ളു​ള്ള​ത്.

 പാ​ല​ത്തി​ന്റെ അ​ടി​ഭാ​ഗം ക​മ്പി​ക​ൾ തു​രു​മ്പെ​ടു​ത്ത് ന​ശി​ച്ചു. ഇ​തോ​ടെ കോ​ൺ​ക്രീ​റ്റ് ബ​ല​ക്ഷ​യ​ത്തി​ലാ​ണ്. ക​ൽവ​ർ​ട്ടി​ന്റെ ക​രി​ങ്ക​ല്ലു​ക​ൾ കൊ​ണ്ടു​ണ്ടാ​ക്കി​യ ഭി​ത്തി​യും ത​ക​ർ​ന്നി​ട്ടു​ണ്ട്. ശോ​ച്യാ​വ​സ്ഥ​യി​ലാ​യ ക​ൽവ​ർ​ട്ടു​ക​ൾ പു​തു​ക്കി​പ്പ​ണി​യണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ടു​ന്നു.