മെഡിക്കൽ കോളജിലെ ലിഫ്റ്റുകൾ പണിമുടക്കിൽ; ദുരിതപടവുകൾ താണ്ടി രോഗികൾ

പ​യ്യ​ന്നൂ​ർ: നീ​ണ്ടു​പോ​കു​ന്ന അ​റ്റ​കു​റ്റ​പ്പ​ണി​ക​ൾ​ക്കി​ടെ ജ​ന​ങ്ങ​ളെ ദു​രി​ത​പ്പ​ടി​ക​ൾ ക​യ​റ്റി ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ ലി​ഫ്റ്റു​ക​ളും. പു​തു​താ​യി സ്ഥാപി​ച്ച ര​ണ്ട് ലി​ഫ്റ്റു​ക​ൾ ഉ​ൾ​പ്പെ​ടെ​യു​ള്ള​വ​യു​ടെ പ്ര​വ​ർ​ത്ത​നം നി​ല​ച്ച​താ​ണ് രോ​ഗി​ക​ൾ ദു​രി​ത​ത്തി​ലാ​വാ​ൻ കാ​ര​ണം. ക​ഴി​ഞ്ഞ ദി​വ​സ​മാ​ണ് പു​തി​യ ലി​ഫ്റ്റു​ക​ൾ പ​ണി​മു​ട​ക്കി​യ​ത്. മി​ന്ന​ലാ​ണ് ലി​ഫ്റ്റ് പ​ണി​മു​ട​ക്കാ​ൻ കാ​ര​ണ​മെ​ന്ന് ആ​ശു​പ​ത്രി അ​ധി​കൃ​ത​ർ പ​റ​യു​ന്നു. എ​ന്നാ​ൽ, കോ​ള​ജി​ന്‍റെ തു​ട​ക്കം മു​ത​ൽ പ്ര​വ​ർ​ത്തി​ച്ചി​രു​ന്ന ലി​ഫ്റ്റു​ക​ൾ വ​ലി​യ മി​ന്ന​ലു​ക​ളെ അ​തി​ജീ​വി​ച്ച​വ​യാ​യി​രു​ന്നു. കാ​ല​പ്പ​ഴ​ക്കം മാ​ത്ര​മാ​ണ് ഇ​വ​യു​ടെ പ്ര​വ​ർ​ത്ത​നം ത​ട​സ്സപ്പെ​ടാ​ൻ കാ​ര​ണം.

ന​വീ​ക​ര​ണ​ത്തി​ന്റെ ഭാ​ഗ​മാ​യി മാ​സ​ങ്ങ​ൾ​ക്ക്​ മു​മ്പാ​ണ് പു​തി​യ ലി​ഫ്റ്റു​ക​ൾ സ്ഥാ​പി​ച്ച​ത്. ഇ​വ​യാ​ണ് മി​ന്ന​ലി​ൽ ച​ത്ത​ത്. റേ​ഡി​യോ തെ​റ​പ്പി യൂ​നി​റ്റു ഭാ​ഗ​ത്തെ ഒ​രു​ ലി​ഫ്റ്റ് മാ​ത്ര​മാ​ണ് ഇ​പ്പോ​ൾ പ്ര​വ​ർ​ത്തി​ക്കു​ന്ന​ത്. ഇ​തും പ​ല​പ്പോ​ഴും പ​ണി​മു​ട​ക്കു​ന്ന സ്ഥി​തി​യു​ണ്ട്. കാ​ല​പ്പ​ഴ​ക്ക​ത്താ​ൽ പ​ണിമു​ട​ക്കു​ന്ന ലി​ഫ്റ്റു​ക​ൾ മാ​റ്റി പു​തി​യ ലി​ഫ്റ്റ് സ്ഥാ​പി​ക്കു​ന്ന​ത് പൂ​ർ​ത്തീ​ക​രി​ക്കാ​ത്ത​ത് രോ​ഗി​ക​ൾ​ക്കും കൂ​ട്ടി​രി​പ്പു​കാ​ർ​ക്കും ദു​രി​ത​മാ​കു​ന്നു. അ​ത്യാ​ഹി​ത വി​ഭാ​ഗം, ശ​സ്ത്ര​ക്രി​യ മു​റി, ലേ​ബ​ർ റൂം ​എ​ന്നി​വ പ്ര​വ​ർ​ത്തി​ക്കു​ന്ന കെ​ട്ടി​ട​ത്തി​ലെ ലി​ഫ്റ്റ് പ​ണി​മു​ട​ക്കു​ന്ന​ത് ഏ​റെ ദു​രി​ത​മാ​കു​ന്നു. രോ​ഗി​ക​ൾ​ക്ക് പ​രി​ശോ​ധ​ന​ക​ൾ​ക്കാ​യി പ​ല​നി​ല​ക​ൾ ക​യ​റി​യി​റ​ങ്ങ​ണം. ഡോ​ക്ട​ർ​മാ​ർ, രോ​ഗി​ക​ൾ, കൂ​ട്ടി​രി​പ്പു​കാ​ർ, സ​ന്ദ​ർ​ശ​ക​ർ, ജീ​വ​ന​ക്കാ​ർ എ​ന്നി​വ​ർ​ക്ക് ലി​ഫ്റ്റ് വേ​ർ​തി​രി​ച്ചാ​ണ് അ​നു​വ​ദി​ച്ചി​രു​ന്ന​ത്. തി​ര​ക്ക് ഒ​ഴി​വാ​ക്കാ​നാ​ണി​ത്. അ​തി​നാ​ൽ ഒ​ന്നു​കേ​ടാ​യാ​ൽ​ത​ന്നെ വ​ലി​യ തി​ര​ക്ക് അ​നു​ഭ​വ​പ്പെ​ടു​ന്നു. സ​ർ​ക്കാ​ർ ഏ​റ്റെ​ടു​ത്ത​തി​നുശേ​ഷം ആ​ശു​പ​ത്രി​യി​ൽ 50 കോ​ടി രൂ​പ​യു​ടെ ന​വീ​ക​ര​ണം മൂ​ന്നു​വ​ർ​ഷം മു​മ്പ് തു​ട​ങ്ങി​യി​രു​ന്നു. ഇ​ത് ഇ​പ്പോ​ഴും തു​ട​രു​ക​യാ​ണ്. ഇ​തി​ന്‍റെ ഭാ​ഗ​മാ​യാ​ണ് പു​തി​യ ര​ണ്ട് ലി​ഫ്റ്റ്​ സ്ഥാ​പി​ച്ച​ത്. മ​റ്റു​ള്ള​വ മാ​റ്റി സ്ഥാ​പി​ക്കു​ന്ന പ​ണി പാ​തി​വ​ഴി​യി​ലാ​ണ്.

അ​ത്യാ​ഹി​ത വി​ഭാ​ഗ​ത്തി​ലും വാ​ർ​ഡി​ലും എ​ത്തേ​ണ്ട രോ​ഗി​ക​ൾ ലി​ഫ്​​റ്റി​ന്​ മു​ന്നി​ൽ കാ​ത്തി​രി​ക്കു​ന്ന​ത് പ​തി​വു കാ​ഴ്ച​യാ​ണ്. ഇ​തു​മൂ​ലം യ​ഥാ​സ​മ​യം പ​രി​ശോ​ധ​ന ന​ട​ത്താ​നും കൂ​ട്ടി​രി​പ്പു​കാ​ർ​ക്ക് മ​രു​ന്നും മ​റ്റും വാ​ങ്ങി​വ​രാ​നും പ്ര​യാ​സ​മാ​കു​ന്ന​താ​യി പ​രാ​തി​യു​ണ്ട്. ലി​ഫ്റ്റി​ന്​ ത​ക​രാ​ർ സം​ഭ​വി​ക്കു​ന്ന സ​ന്ദ​ർ​ഭ​ങ്ങ​ളി​ൽ അ​ടി​യ​ന്ത​ര ചി​കി​ത്സ വേ​ണ്ട രോ​ഗി​ക​ൾ എ​ത്തി​യാ​ൽ ചി​കി​ത്സ സ​മ​യ​ത്തി​നു ന​ൽ​കാ​ൻ സാ​ധി​ക്കാ​ത്ത സ്ഥി​തി​യാ​വും. സ്കാ​നി​ങ് ഉ​ൾ​പ്പെ​ടെ​യു​ള്ള​വ​യു​ടെ ന​വീ​ക​ര​ണ​ത്തി​നാ​യി ഡെൻറ​ൽ കോ​ള​ജി​ലെ ലി​ഫ്റ്റും അ​ട​ച്ചി​ട്ടി​രു​ന്നു. പ്ര​ധാ​ന കെ​ട്ടി​ട​ത്തി​ലെ പ​രി​ശോ​ധ​ന​ക​ൾ താ​ഴ​ത്തെ ര​ണ്ടു​നി​ല​ക​ളി​ലാ​യ​തി​നാ​ൽ ഒ.​പി​യി​ലെ​ത്തു​ന്ന​വ​ർ​ക്ക് വ​ലി​യ പ്ര​യാ​സ​മി​ല്ല.

എ​ന്നാ​ൽ, അ​ഞ്ചു മു​ത​ൽ എ​ട്ടു​വ​രെ നി​ല​ക​ളി​ൽ ക​ഴി​യു​ന്ന​വ​ർ​ക്കാ​ണ് കൂ​ടു​ത​ൽ ദു​രി​തം. കാ​ർ​ഡി​യോ​ള​ജി വാ​ർ​ഡ് ഉ​ൾ​പ്പെ​ടെ മു​ക​ളി​ൽ പ്ര​വ​ർ​ത്തി​ക്കു​ന്നു​ണ്ട്. അ​തു​കൊ​ണ്ടു​ത​ന്നെ ലി​ഫ്റ്റു​ക​ൾ എ​ല്ലാം പ്ര​വ​ർ​ത്ത​ന​ക്ഷ​മ​മാ​ക്കാ​ൻ ന​ട​പ​ടി വേ​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ടു​ന്നു.

ജൂണിൽ 10 ലിഫ്റ്റുകൾ പ്രവർത്തനസജ്ജമാക്കും -എം.എൽ.എ

പ​യ്യ​ന്നൂ​ർ: ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ ലി​ഫ്റ്റു​ക​ളു​ടെ ത​ക​രാ​ർ പ​രി​ഹ​രി​ക്കാ​ൻ ഇ​ട​പെ​ട്ട് എം. ​വി​ജി​ൻ എം.​എ​ൽ.​എ. വ്യാ​ഴാ​ഴ്ച കോ​ള​ജി​ലെ​ത്തി​യ എം.​എ​ൽ.​എ ലി​ഫ്റ്റ് സ്ഥാ​പി​ച്ച ക​മ്പ​നി അ​ധി​കൃ​ത​രു​മാ​യും കോ​ള​ജ് എ​ൻ​ജി​നീ​യ​റി​ങ് വി​ഭാ​ഗ​വു​മാ​യും സം​സാ​രി​ച്ചു. ഇ​തി​നു ശേ​ഷം മാ​ധ്യ​മ പ്ര​വ​ർ​ത്ത​ക​രോ​ട് സം​സാ​രി​ച്ച എം.​എ​ൽ.​എ 10 ലി​ഫ്റ്റു​ക​ളും ജൂ​ണി​ൽ പ്ര​വ​ർ​ത്ത​ന​ക്ഷ​മ​മാ​ക്കു​മെ​ന്ന് അ​റി​യി​ച്ചു.