കാഞ്ഞങ്ങാട്-പാണത്തൂര്‍ സംസ്ഥാനപാത വികസനം ഇഴയുന്നു

കാ​ഞ്ഞ​ങ്ങാ​ട്: പ​ണി തു​ട​ങ്ങി​ വ​ര്‍ഷം പൂ​ര്‍ത്തി​യാ​യി​ട്ടും കാ​ഞ്ഞ​ങ്ങാ​ട്-​പാ​ണ​ത്തൂ​ര്‍ സം​സ്ഥാ​ന​പാ​ത വി​ക​സ​നം ഇ​ഴ​ഞ്ഞുനീ​ങ്ങു​ന്ന​ത് ദു​രി​ത​മാ​കു​ന്ന​ു. ക​രാ​റു​കാ​ര​ന്‍റെ അ​നാ​സ്ഥ​ക്കെ​തി​രെ നാ​ട്ടു​കാ​ര്‍ വീ​ണ്ടും സ​മ​ര​ത്തി​നൊരുങ്ങുകയാണ്. പൂ​ടം​ക​ല്ല് മു​ത​ല്‍ പാ​ണ​ത്തൂ​ര്‍ ചി​റം​ക​ട​വ് വ​രെ 18 കി.​മീ​റ്റ​ര്‍ റോ​ഡ് വീ​തി കൂ​ട്ടി വ​ള​വ് നി​ക​ത്തി മെ​ക്കാ​ഡം ടാ​റി​ങ് ന​ട​ത്തു​ന്ന​തി​ന് സം​സ്ഥാ​ന സ​ര്‍ക്കാ​ര്‍ കി​ഫ്ബി​യി​ല്‍ ഉ​ള്‍പ്പെ​ടു​ത്തി 60 കോ​ടി രൂ​പ അ​നു​വ​ദി​ച്ച് പ്ര​വൃ​ത്തി ആരം​ഭി​ച്ചെ​ങ്കി​ലും ക​രാ​റു​കാ​ര​ന്‍റെ അ​നാ​സ്ഥ കാ​ര​ണം 12 മാ​സ​ത്തി​ന​കം ടാ​റി​ങ്​ പൂ​ര്‍ത്തി​യാ​ക്കി​യ​ത് നാ​ല് കി.​മീ​റ്റ​ര്‍ മാ​ത്ര​മാ​ണ്. പ​ല സ്ഥ​ല​ങ്ങ​ളി​ലും റോ​ഡ് വീ​തി കൂ​ട്ടാ​തെ​യും വ​ള​വ് നി​ക​ത്താ​തെ​യു​മാ​ണ് പ​ണി പൂ​ർ​ത്തി​യാ​ക്കി​യ​ത്. ടാ​റി​ങ്​ ക​ഴി​ഞ്ഞ സ്ഥ​ല​ങ്ങ​ളി​ല്‍ കോ​ണ്‍ക്രീ​റ്റ് ഓ​ട ഇ​തു​വ​രെ നി​ര്‍മി​ച്ചി​ട്ടി​ല്ല.

ഒ​രു​വ​ര്‍ഷം മു​മ്പ് ആ​രം​ഭി​ച്ച ക​ലു​ങ്ക് നി​ര്‍മാ​ണം പൂ​ര്‍ത്തി​യാ​യി​ട്ടി​ല്ല. പ​ല​യി​ട​ത്തും റോ​ഡ് പൊ​ളി​ച്ച​തു കാ​ര​ണം വാ​ഹ​ന​യാ​ത്ര ദു​ഷ്‍ക​ര​മാ​ണ്. മ​ഴ​യി​ൽ റോ​ഡ് ച​ളി​ക്കു​ള​മാ​യി മാ​റും. റോ​ഡ​രി​കി​ലെ മ​ര​ങ്ങ​ൾ മു​റി​ച്ചു​മാ​റ്റി​യെ​ങ്കി​ലും സം​സ്ഥാ​ന​പാ​ത​യി​ലെ വ​ള​വു​ക​ള്‍ നി​ക​ത്തി പു​റ​മ്പോ​ക്ക് ഭൂ​മി​യെ​ടു​ത്ത് വീ​തി കൂ​ട്ട​ണ​മെ​ന്ന ആ​വ​ശ്യം പ​രി​ഗ​ണി​ക്ക​പ്പെ​ട്ടി​ല്ല. വൈ​ദ്യു​തി തൂ​ണ്‍ മാ​റ്റിസ്ഥാ​പി​ച്ച​തി​ലും പ​രാ​തി ഉ​യ​ർ​ന്നു. റോ​ഡ് വ​ക്കി​ലേ​ക്ക് ത​ന്നെ വൈ​ദ്യു​തി തൂ​ണ്‍ വീ​ണ്ടും മാ​റ്റി​യെ​ന്ന് ആ​ക്ഷേ​പ​വു​മു​ണ്ട്. പ​ണി വൈ​കി​യാ​ല്‍ സ​മ​രം ആ​രം​ഭി​ക്കാ​നു​ള്ള തീ​രു​മാ​ന​ത്തി​ലാ​ണ് നാ​ട്ടു​കാ​ർ.

റോ​ഡ് പ​ണി വേ​ഗ​ത്തി​ൽ പൂ​ർ​ത്തി​യാ​ക്ക​ണം -സി.​പി.​എം

കാ​ഞ്ഞ​ങ്ങാ​ട്: കാ​ഞ്ഞ​ങ്ങാ​ട്-​പാ​ണ​ത്തൂ​ര്‍ സം​സ്ഥാ​ന​പാ​ത വി​ക​സ​നം വേ​ഗ​ത്തി​ല്‍ പൂ​ര്‍ത്തി​യാ​ക്ക​ണ​മെ​ന്ന് സി.​പി.​എം രാ​ജ​പു​രം ലോ​ക്ക​ല്‍ ക​മ്മി​റ്റി ആ​വ​ശ്യ​പ്പെ​ട്ടു. നാ​ടി​ന്‍റെ വി​ക​സ​ന സ്വ​പ്ന​ങ്ങ​ള്‍ക്ക് ശ​ക്തി​പ​ക​രു​ന്ന​തി​ന്‍റെ ഭാ​ഗ​മാ​യാ​ണ് സം​സ്ഥാ​ന സ​ര്‍ക്കാ​ര്‍ കി​ഫ്ബി​യി​ല്‍ ഉ​ൾ​പെ​ടു​ത്തി 60 കോ​ടി രൂ​പ അ​നു​വ​ദി​ച്ച​ത്. സി.​പി.​എം ഉ​ൾ​പെ​ടെ ശ​ക്ത​മാ​യ ഇ​ട​പെ​ട​ല്‍ ന​ട​ത്തി​യാ​ണ് റോ​ഡ് പ്ര​വൃ​ത്തി ആ​രം​ഭി​ച്ച​ത്.

എ​ന്നാ​ല്‍, ക​രാ​റു​കാ​ര​ന്‍ ഉ​ദാ​സീ​ന​ത കാ​ണി​ക്കു​ക​യാ​ണ്. ഇ​തു​മൂ​ലം സം​സ്ഥാ​ന സ​ര്‍ക്കാ​റി​നെ​യും മ​റ്റും ക​രി​വാ​രി​ത്തേ​ക്കാ​നു​ള്ള ശ്ര​മ​മാ​ണ് ന​ട​ക്കു​ന്ന​ത്. ടാ​റി​ങ്​ കു​ത്തി​പ്പൊ​ളി​ച്ചു ടാ​ര്‍ ചെ​യ്യാ​ന്‍ ബാ​ക്കി​യു​ള്ള മൂ​ണ്ടോ​ട്ട് മു​ത​ല്‍ ക​ള്ളാ​ര്‍ വ​രെ​യു​ള്ള ഭാ​ഗ​ങ്ങ​ളി​ല്‍ മ​ഴ മാ​റി​യ​യു​ട​ന്‍ ടാ​റി​ങ്​ ആ​രം​ഭി​ക്ക​ണം. റോ​ഡി​ന് ആ​വ​ശ്യ​മാ​യ വീ​തി കൂ​ട്ടി വൈ​ദ്യു​തി തൂ​ണു​ക​ള്‍ പു​റ​മ്പോ​ക്ക് സ്ഥ​ല​ത്തി​ന്‍റെ അ​തി​ര്‍ത്തി​യി​ല്‍ മാ​റ്റി​യി​ട​ണം. ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ര്‍ ഇ​തു സം​ബ​ന്ധി​ച്ചു ശ​ക്ത​മാ​യ ഇ​ട​പെ​ട​ല്‍ ന​ട​ത്ത​ണം. ഇ​ല്ലെ​ങ്കി​ല്‍ പൊ​തു​ജ​ന​ങ്ങ​ളെ അ​ണി​നി​ര​ത്തി സ​മ​ര​ത്തി​ന് നേ​തൃ​ത്വം ന​ല്‍കു​മെ​ന്ന് ലോ​ക്ക​ല്‍ സെ​ക്ര​ട്ട​റി എ.​കെ. രാ​ജേ​ന്ദ്ര​ന്‍ പ​റ​ഞ്ഞു.