ആ​ശു​പ​ത്രി​യി​ൽ നി​ന്ന് ര​ക്ഷ​പ്പെ​ട്ട പ്ര​തി നാ​ല് വ​ർ​ഷ​ത്തിനു ശേ​ഷം പി​ടി​യി​ൽ

കാ​ഞ്ഞ​ങ്ങാ​ട്: കാ​ഞ്ഞ​ങ്ങാ​ട് ജി​ല്ല ആ​ശു​പ​ത്രി​യി​ൽ നി​ന്നും കാ​വ​ലി​ലു​ണ്ടാ​യി​രു​ന്ന പൊ​ലീ​സു​കാ​രു​ടെ ക​ണ്ണ് വെ​ട്ടി​ച്ച് ജ​നാ​ല വ​ഴി ചാ​ടി ര​ക്ഷ​പ്പെ​ട്ട പ്ര​തി നാ​ല് വ​ർ​ഷ​ത്തി​നു​ശേ​ഷം അ​റ​സ്റ്റി​ൽ. കു​മ്പ​ള കൈ​ക​മ്പ​യി​ലെ ബം​ഗ്ലാ കോ​മ്പൗ​ണ്ടി​ൽ ആ​ദം​ഖാ​നെ​യാ​ണ് (24) മ​ഞ്ചേ​ശ്വ​രം പൊ​ലീ​സ് വീ​ട് വ​ള​ഞ്ഞ് പി​ടി​കൂ​ടി​യ​ത്.

2020 ലെ ​വ​ധ​ശ്ര​മ​ക്കേ​സി​ൽ മ​ഞ്ചേ​ശ്വ​രം പൊ​ലീ​സ് അ​റ​സ്റ്റ് ചെ​യ്ത് റി​മാ​ൻ​ഡി​ലാ​യആ​ദം​ഖാ​നെ കോ​വി​ഡ് ബാ​ധി​ച്ച​തി​നെ തു​ട​ർ​ന്ന് കാ​ഞ്ഞ​ങ്ങാ​ട് ജി​ല്ല ജ​യി​ലി​ൽ നി​ന്ന് ജി​ല്ല ആ​ശു​പ​ത്രി സെ​ല്ലി​ലേ​ക്ക് മാ​റ്റി​യ​പ്പോ​ഴാ​യി​രു​ന്നു ര​ക്ഷ​പ്പെ​ട്ട​ത്.

ക്വാ​റ​​ന്റൈ​നി​ൽ ക​ഴി​യ​വെയാണ്​ ര​ണ്ടാം നി​ല​യി​ൽ നി​ന്ന് പു​ല​ർ​ച്ച പു​റ​ത്തേ​ക്ക് ചാ​ടി ര​ക്ഷ​പ്പെ​ട്ട​ത്. ക​ർ​ണാ​ട​ക, ആ​ന്ധ്ര​യി​ലും ഒ​ളി​വി​ൽ ക​ഴി​ഞ്ഞ പ്ര​തി നാ​ട്ടി​ൽ എ​ത്തി​യി​ട്ടു​ണ്ടെ​ന്ന​റി​ഞ്ഞ പൊ​ലീ​സ് ക​ഴി​ഞ്ഞ ദി​വ​സം വീ​ട് വ​ള​ഞ്ഞ് പി​ടി​കൂ​ടു​ക​യാ​യി​രു​ന്നു. വ​ധ​ശ്ര​മം, മോ​ഷ​ണം, ക​ഞ്ചാ​വ് ഉ​ൾ​പ്പെ​ടെ കേ​ര​ള​ത്തി​ന് അ​ക​ത്തും പു​റ​ത്തു​മാ​യി ഇയാൾക്ക് നി​ര​വ​ധി കേ​സു​ക​ളു​ണ്ടെ​ന്ന് പൊ​ലീ​സ് പ​റ​ഞ്ഞു.

കാ​ഞ്ഞ​ങ്ങാ​ട്ടും പ്ര​തി​ക്കെ​തി​രെ കേ​സു​ണ്ട്. ജി​ല്ല പൊ​ലീ​സ് മേ​ധാ​വി ഡി. ​ശി​ൽ​പ​യു​ടെ നി​ർ​ദേ​ശ പ്ര​ക​രം ഡി​വൈ.​എ​സ്.​പി സി.​കെ. സു​നി​ൽ കു​മാ​ർ ആ​ദം​ഖാ​നെ ക​ണ്ടെ​ത്താ​ൻ നേ​തൃ​ത്വം ന​ൽ​കി. സ​ബ് ഇ​ൻ​സ്പെ​ക്ട​ർ അ​നൂ​പ് കു​മാ​ർ, സ​ബ് ഇ​ൻ​സ്പെ​ക്ട​ർ ര​തീ​ഷ് ഗോ​പി, പൊ​ലീ​സു​കാ​രാ​യ വി​ജ​യ​ൻ, അ​നീ​ഷ് കു​മാ​ർ, സ​ന്ദീ​പ്, ഭ​ക്ത ശൈ​വ​ൽ എ​ന്നി​വ​രാ​ണ് പി​ടി​കൂ​ടി​യ​ത്.

പ്ര​തി ര​ക്ഷ​പ്പെ​ട്ട സം​ഭ​വ​ത്തി​ൽ അ​ന്ന് പൊ​ലീ​സു​കാ​ർ​ക്കെ​തി​രെ ന​ട​പ​ടി വ​ന്നി​രു​ന്നു. കോ​വി​ഡ് വ്യാ​പി​ച്ച സ​മ​യ​മാ​യ​തി​നാ​ൽ അ​ന്ന് അ​ന്വേ​ഷ​ണം ന​ട​ത്താ​നാ​യി​ല്ല. ക​ഴി​ഞ്ഞ ഏ​താ​നും മാ​സ​ങ്ങ​ളാ​യി ക​ണ്ടെ​ത്താ​നു​ള്ള ശ്ര​മ​ത്തി​ലു​മാ​യി​രു​ന്നു പൊ​ലീ​സ്. റി​മാ​ൻ​ഡ് ത​ട​വി​ൽ നി​ന്ന് ചാ​ടി ര​ക്ഷ​പ്പെ​ട്ട സം​ഭ​വ​ത്തി​ലും പ്ര​തി​ക്കെ​തി​രെ ഹോ​സ്ദു​ർ​ഗ് പൊ​ലീ​സി​ൽ കേ​സു​ണ്ട്.