ന​ഗ്ന​ത പ്ര​ദ​ർ​ശ​നം: ഹോ​ട്ട​ൽ ജീ​വ​ന​ക്കാ​ര​ൻ അ​റ​സ്റ്റി​ൽ

കാ​ഞ്ഞ​ങ്ങാ​ട്: ഹോ​ട്ട​ലി​ൽ ഭ​ക്ഷ​ണം ക​ഴി​ക്കാ​നെ​ത്തി​യ 10 വ​യ​സ്സു​കാ​രി​ക്ക് നേ​രെ ന​ഗ്ന​ത പ്ര​ദ​ശ​നം. ഹോ​ട്ട​ൽ ജീ​വ​ന​ക്കാ​ര​നാ​യ പ്ര​തി​യെ പൊ​ലീ​സ് അ​റ​സ്റ്റ് ചെ​യ്തു. ഹോ​സ്ദു​ർ​ഗ് ലി​റ്റി​ൽ ഫ്ല​വ​ർ സ്കൂ​ളി​ന​ടു​ത്തു​ള്ള ഹോ​ട്ട​ലി​ൽ മാ​താ​വി​നൊ​പ്പം ഭ​ക്ഷ​ണം ക​ഴി​ക്കാ​നെ​ത്തി​യ കു​ട്ടി​ക്ക് നേ​രെ​യാ​ണ് അ​തി​ക്ര​മ​മു​ണ്ടാ​യ​ത്. ബ​ദി​യ​ഡു​ക്ക സ്വ​ദേ​ശി ഷാ​ഫി​യാ​ണ് (28) അ​റ​സ്റ്റി​ലാ​യ​ത്. അ​സു​ഖ​ബാ​ധി​ത​യാ​യ കു​ട്ടി​യെ ആ​ശു​പ​ത്രി​യി​ലേ​ക്ക് കൊ​ണ്ടു​വ​ന്ന​താ​യി​രു​ന്നു. ഡോ​ക്ട​റെ ക​ണ്ട് വീ​ട്ടി​ലേ​ക്ക് മ​ട​ങ്ങു​ന്ന​തി​നി​ടെ ഹോ​ട്ട​ലി​ൽ ക​യ​റി​യ​താ​യി​രു​ന്നു.

മാ​താ​വി​ന്റെ പി​റ​കു​വ​ശ​ത്ത് നി​ന്ന പ്ര​തി ന​ഗ്ന​താ​പ്ര​ദ​ർ​ശ​നം ന​ട​ത്തി​യെ​ന്നാ​ണ് പ​രാ​തി. ഭ​ക്ഷ​ണം ക​ഴി​ക്കാ​തെ​യാ​യ​പ്പോ​ൾ കാ​ര്യ​മ​ന്വേ​ഷി​ച്ച​ മാ​താ​വി​നോ​ട് പ​റ​യു​ക​യാ​യി​രു​ന്നു. കു​ട്ടി​യു​ടെ ബ​ന്ധു​ക്ക​ൾ ഹോ​ട്ട​ലി​ലെ​ത്തി ബ​ഹ​ള​മു​ണ്ടാ​ക്കി​യ​തോ​ടെ പ്ര​തി ഹോ​ട്ട​ലി​ൽ​നി​ന്ന് ഇ​റ​ങ്ങി​യോ​ടി. പെ​ൺ​കു​ട്ടി​യു​ടെ മൊ​ഴി​പ്ര​കാ​രം പോ​ക്സോ ചു​മ​ത്തി പൊ​ലീ​സ് കേ​സെ​ടു​ത്തു. മൊ​ബൈ​ൽ ട​വ​ർ ലൊ​ക്കേ​ഷ​ൻ ക​ണ്ടെ​ത്തി പ്ര​തി​യെ ത​ളി​പ്പ​റ​മ്പി​ലെ ബ​ന്ധു​വീ​ട്ടി​ൽ​നി​ന്ന് അ​റ​സ്റ്റ് ചെ​യ്യു​ക​യാ​യി​രു​ന്നു. പ്ര​തി​യെ ഹോ​സ്ദു​ർ​ഗ് കോ​ട​തി റി​മാ​ൻ​ഡ് ചെ​യ്തു.