ദേ​ശീ​യ​പാ​ത; ഷി​റി​യ​യി​ൽ മേ​ൽ​പാ​ലം ആ​വ​ശ്യ​പ്പെ​ട്ട് പ്ര​ക്ഷോ​ഭ​ത്തി​ന്

കു​മ്പ​ള: ദേ​ശീ​യപാ​ത​ക്ക് കു​റു​കെ ഷി​റി​യ​യി​ൽ മേ​ൽ​പാ​ലം നി​ർ​മി​ക്ക​ണ​മെ​ന്ന ആ​വ​ശ്യ​വു​മാ​യി നാ​ട്ടു​കാ​ർ പ്ര​ക്ഷോ​ഭ​ത്തി​ന്. ഷി​റി​യ വി​ക​സ​ന സ​മി​തി​യു​ടെ നേ​തൃ​ത്വ​ത്തി​ലാ​ണ് സ​മ​രം.

ഇ​തി​​ന്റെ ഭാ​ഗ​മാ​യി വ്യാ​ഴാ​ഴ്ച വൈ​കീ​ട്ട് പ്ര​തി​ഷേ​ധ സം​ഗ​മം സം​ഘ​ടി​പ്പി​ക്കു​മെ​ന്ന് ഭാ​ര​വാ​ഹി​ക​ൾ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു. ദേ​ശീ​യ​പാ​ത​യു​ടെ ഇ​രു​വ​ശ​ത്താ​യി നി​ര​വ​ധി പൊ​തു സ്ഥാ​പ​ന​ങ്ങ​ളാ​ണ് സ്ഥി​തി​ചെ​യ്യു​ന്ന​ത്. നി​ർ​മാ​ണം പൂ​ർ​ത്തി​യാ​ക്കി ദേ​ശീ​യ​പാ​ത തു​റ​ന്നു​കൊ​ടു​ക്കു​ന്ന​തോ​ടെ ഷി​റി​യ കു​ന്നി​ൽ പ്ര​ദേ​ശം തീ​ർ​ത്തും ഒ​റ്റ​പ്പെ​ടു​ന്ന സ്ഥി​തി​യു​ണ്ടാ​കും. ഷി​റി​യ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ, സ്വ​കാ​ര്യ സ്കൂ​ൾ, മ​ദ്റ​സ, അം​ഗ​ൻ​വാ​ടി അ​ട​ക്ക​മു​ള്ള സ്ഥാ​പ​ന​ങ്ങ​ളും വി​വി​ധ ആ​രാ​ധ​നാ​ല​യ​ങ്ങ​ളും ഇ​വി​ടെ​യു​ണ്ട്. ദേ​ശീ​യ പാ​ത നി​ർ​മാ​ണം കു​ട്ടി​ക​ളു​ടെ സ്കൂ​ൾ പ​ഠ​ന​ത്തെത​ന്നെ ബാ​ധി​ച്ചേ​ക്കു​മെ​ന്ന ആ​ശ​ങ്ക​യി​ലാ​ണ് നാ​ട്ടു​കാ​ർ.

ഭൂ​മിശാ​സ്ത്ര​പ​ര​മാ​യി അ​ടി​പ്പാ​ത അ​നു​വ​ദി​ക്കാ​ൻ നി​ർ​വാ​ഹ​മി​ല്ലാ​ത്ത​തി​നാ​ൽ കി​ഴ​ക്ക് - പ​ടി​ഞ്ഞാ​റ് പ്ര​ദേ​ശം റെ​യി​ൽ​വേ ലൈ​ൻ അ​ട​ക്കം ഉ​ൾ​പ്പെ​ടു​ത്തി മേ​ൽ​പാ​ലം നി​ർ​മി​ക്ക​ണ​മെ​ന്ന് നാ​ട്ടു​കാ​ർ ദേ​ശീ​യ പാ​ത സ്ഥ​ല​മേ​റ്റ​ടു​പ്പ് ഘ​ട്ട​ത്തി​ൽത​ന്നെ ആ​വ​ശ്യ​പ്പെ​ട്ടി​രു​ന്നു. ദേ​ശീ​യ പാ​ത ഉ​ൾ​പ്പെ​ടു​ത്തി​യു​ള്ള മേ​ൽ​പാ​ല നി​ർ​മാ​ണം റെ​യി​ൽ​വേ മ​ന്ത്രാ​ല​യ​ത്തി​ന്റെ സ​ജീ​വ പ​രി​ഗ​ണ​ന​യി​ലു​മു​ണ്ടാ​യി​രു​ന്നു. കേ​ന്ദ്ര ഉ​പ​രി​ത​ല ഗ​താ​ഗ​ത വ​കു​പ്പ് മ​ന്ത്രി നി​യോ​ഗി​ച്ച പ്ര​ത്യേ​ക സം​ഘം വ​ർ​ഷ​ങ്ങ​ൾ​ക്ക് മു​മ്പ് സ്ഥ​ലം സ​ന്ദ​ർ​ശി​ച്ചി​രു​ന്നു. വി​ഷ​യ​ത്തി​ൽ ജ​ന​പ്ര​തി​നി​ധി​ക​ൾ വേ​ണ്ട​ത്ര ഇ​ട​പെ​ട​ൽ ന​ട​ത്താ​ത്ത​തിനാൽ ആ​വ​ശ്യം പ​രി​ഗ​ണി​ക്കാ​തെ പോ​യ​താ​യി സ​മി​തി കു​റ്റ​പ്പെ​ടു​ത്തി.

മം​ഗ​ൽ​പ്പാ​ടി പ​ഞ്ചാ​യ​ത്തി​ലെ 14, 15 വാ​ർ​ഡു​ക​ളി​ലാ​യി ഷി​റി​യ വി​ല്ലേ​ജി​ൽ കി​ഴ​ക്കുപടി​ഞ്ഞാ​റാ​യി വ്യാ​പി​ച്ച് കി​ട​ക്കു​ന്ന​താ​ണ് ഷി​റി​യ പ്ര​ദേ​ശം. കാ​ല​ങ്ങ​ളാ​യി ആ​ളു​ക​ൾ റെ​യി​ൽ​പാ​ളം മു​റി​ച്ചു​ക​ട​ക്കാ​നു​പ​യോ​ഗി​ച്ചി​രു​ന്ന വ​ഴി​ക​ൾ സ​മീ​പ ഭാ​വി​യി​ൽ റെ​യി​ൽ​വേ അ​ട​ക്കു​ന്ന​തോ​ടെ പ​ടി​ഞ്ഞാ​റു​ഭാ​ഗ​ത്തു​ള്ള​വ​ർ കി​ലോ​മീ​റ്റ​റു​ക​ൾ ചു​റ്റി​ക്ക​റ​ങ്ങി ദേ​ശീ​യ​പാ​ത​യി​ൽ എ​ത്തേ​ണ്ട സാ​ഹ​ച​ര്യ​മു​ണ്ടാ​കും. വാ​ർ​ത്ത​സ​മ്മേ​ള​ന​ത്തി​ൽ ഷി​റി​യ വി​ക​സ​ന സ​മി​തി ചെ​യ​ർ​മാ​ൻ കെ.​എം. അ​ബ്ബാ​സ് ഓ​ണ​ന്ത, ഷി​റി​യ സ്കൂ​ൾ പി.​ടി.​എ പ്ര​സി​ഡ​ന്റ് ഷാ​ഫി സ​അ​ദി ഷി​റി​യ, വി​ക​സ​ന സ​മി​തി ട്ര​ഷ​റ​ർ ഹ​നീ​ഫ് ഷി​റി​യ, വൈ​സ് ചെ​യ​ർ​മാ​ൻ മ​ഹ്മൂ​ദ് ഹാ​ജി, ക​ൺ​വീ​ന​ർ മ​ഷൂ​ദ് ഷി​റി​യ, വൈ​സ് ചെ​യ​ർ​മാ​ൻ ജ​ലീ​ൽ ഷി​റി​യ എ​ന്നി​വ​ർ സം​ബ​ന്ധി​ച്ചു.