മരട് ഗവ. ഹയർ സെക്കൻഡറി സ്കൂൾ കെട്ടിടം ശോച്യാവസ്ഥയിൽ

മ​ര​ട്: മാ​ങ്കാ​യി​ൽ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ കെ​ട്ടി​ടം ശോ​ച്യാ​വ​സ്ഥ​യി​ൽ. കാ​ല​വ​ർ​ഷം ശ​ക്തി​പ്പെ​ട്ട​തോ​ടെ കെ​ട്ടി​ടം ചോ​ർ​ന്നൊ​ലി​ക്കാ​ൻ തു​ട​ങ്ങി. സ്കൂ​ൾ അ​ധി​കൃ​ത​രു​ടെ നി​ര​ന്ത​ര സ​മ്മ​ർ​ദ​ത്തെ തു​ട​ർ​ന്ന് ന​ഗ​ര​സ​ഭ കെ​ട്ടി​ട​ത്തി​ന്റെ മേ​ൽ​ക്കൂ​ര​ക്ക്​ മു​ക​ളി​ൽ വി​രി​ക്കാ​ൻ ടാ​ർ​പോ​ളി​ൻ വാ​ങ്ങി ന​ൽ​കി​യെ​ങ്കി​ലും വ​ലി​ച്ചു​കെ​ട്ടാ​ൻ അ​ധ്യാ​പ​ക​ർ മു​ക​ളി​ൽ ക​യ​റേ​ണ്ടി വ​ന്നു. നി​ല​വി​ൽ ടാ​ർ​പോ​ളി​ൻ വ​ലി​ച്ചു​കെ​ട്ടി​യാ​ണ് അ​ധ്യ​യ​നം ന​ട​ത്തു​ന്ന​ത്.

ക്ലാ​സ് മു​റി​യി​ലെ സീ​ലി​ങ്ങു​ക​ൾ പ​ല​തും നി​ലം​പ​തി​ക്കാ​റാ​യി. ക്ലാ​സ് മു​റി​ക​ളി​ൽ പ്ര​വേ​ശി​ക്കു​ന്ന മ​ര​പ്പ​ട്ടി​ക​ൾ മ​ല​മൂ​ത്ര വി​സ​ർ​ജ​നം ചെ​യ്ത് മു​റി​ക​ൾ വൃ​ത്തി​കേ​ടാ​ക്കി​യി​രി​ക്കു​ക​യാ​ണ്. ന​ഗ​ര​സ​ഭ​യു​ടെ അ​നാ​സ്ഥ​യെ തു​ട​ർ​ന്നാ​ണ് സ്കൂ​ൾ കെ​ട്ടി​ടം ശോ​ച്യാ​വ​സ്ഥ​യി​ലാ​യ​തെ​ന്ന് എ​ൽ.​ഡി.​എ​ഫ് ആ​രോ​പി​ച്ചു. അ​റ്റ​കു​റ്റ​പ്പ​ണി​ക്കാ​യി അ​ഞ്ചു​ല​ക്ഷം രൂ​പ വ​ക​യി​രു​ത്തി​യെ​ങ്കി​ലും പ്ര​വൃ​ത്തി​ക​ൾ പൂ​ർ​ത്തീ​ക​രി​ക്കാ​ൻ ക​ഴി​ഞ്ഞി​ട്ടി​ല്ല.

ആ​വ​ശ്യ​മാ​യ ഇ​ട​പെ​ട​ൽ ന​ട​ത്താ​ൻ എം.​എ​ൽ.​എ​യു​ടെ ഭാ​ഗ​ത്തു​നി​ന്നു ന​ട​പ​ടി ഉ​ണ്ടാ​യി​ട്ടി​ല്ല. ശോ​ച്യാ​വ​സ്ഥ പ​രി​ഹ​രി​ക്കാ​ൻ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് സ്കൂ​ൾ സ​ന്ദ​ർ​ശി​ച്ച എ​ൽ.​ഡി.​എ​ഫ് കൗ​ൺ​സി​ല​ർ​മാ​ർ ആ​വ​ശ്യ​പ്പെ​ട്ടു. പാ​ർ​ല​മെ​ന്റ​റി പാ​ർ​ട്ടി ലീ​ഡ​ർ സി.​ആ​ർ. ഷാ​ന​വാ​സ്, കൗ​ൺ​സി​ല​ർ​മാ​രാ​യ ദി​ഷ പ്ര​താ​പ​ൻ, ഇ.​പി. ബി​ന്ദു, ഉ​ഷ സ​ഹ​ദേ​വ​ൻ, സി.​ടി. സു​രേ​ഷ്, ശാ​ലി​നി അ​നി​ൽ​രാ​ജ് എ​ന്നി​വ​ർ പ​ങ്കെ​ടു​ത്തു.