പാരിപ്പള്ളി: പൊലീസ് പട്രോളിങ് സംഘത്തെ ആക്രമിക്കുകയും ഭീകരാന്തരീക്ഷം സൃഷ്ടിക്കുകയും ചെയ്തവർ അറസ്റ്റിൽ. കല്ലുവാതുക്കൽ മേവനക്കോണം ഓമനമന്ദിരത്തിൽ ആർ. അജി (29), അജിഭവനത്തിൽ എ. അജിത് (29), ശ്രീനു ഭവനത്തിൽ എസ്. ശ്രീനു (28) എന്നിവരാണ് പാരിപ്പള്ളി പൊലീസിന്റെ പിടിയിലായത്.
കഴിഞ്ഞ ദിവസം രാത്രി 11ന് റോഡിൽ അലക്ഷ്യമായി കാർ പാർക്ക് ചെയ്തത് ചോദ്യം ചെയ്തതിന്‍റെ വിരോധത്താലാണ് ആക്രമിച്ചത്. പാരിപ്പള്ളി ഇൻസ്പെക്ടർ അൽജബാറിന്‍റെ നേതൃത്വത്തിൽ സി.പി.ഒ സലാവുദ്ദീൻ, സുജിത്ലാൽ, നൗഷാദ് എന്നിവരടങ്ങിയ സംഘം മൂന്ന് പ്രതികളെ സംഭവസ്ഥലത്തുനിന്ന് അറസ്റ്റ് ചെയ്യുകയായിരുന്നു. പൊലീസിനെ ആക്രമിച്ച രണ്ടു പ്രതികൾ ഒളിവിലാണ്. ഇവരെ ഉടൻ അറസ്റ്റ്ചെയ്യുമെന്ന് പാരിപ്പള്ളി പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.