കിളികൊല്ലൂര്‍: കായികാധ്യാപകന്‍ പോക്‌സോ കേസില്‍ പിടിയില്‍. കിളികൊല്ലൂര്‍ കല്ലുംതാഴം ആലുവിള സുജിത്ത് ഭവനില്‍ സുജിത്ത് (29) ആണ് പിടിയിലായത്. കായിക പരിശീലനം നടത്തിയിരുന്ന എട്ടാം ക്ലാസ് വിദ്യാർഥിനിയെ പീഡിപ്പിക്കാന്‍ ശ്രമിച്ച കേസിലാണ് അറസ്റ്റ്.
സ്കൂൾ മൈതാനത്തുവെച്ച് പീഡിപ്പിക്കാന്‍ ശ്രമിച്ചതായാണ് പരാതി. കുട്ടി മറ്റ് അധ്യാപകരോട് വിവരം പറഞ്ഞതിനെതുടര്‍ന്ന് പൊലീസില്‍ പരാതി നല്‍കുകയായിരുന്നു. വ്യാഴാഴ്ച വൈകീട്ടോടെ ഒളിവില്‍ താമസിച്ചിടത്തുനിന്ന് പൊലീസ് ഇയാളെ പിടികൂടി. കിളികൊല്ലൂര്‍ എസ്.എച്ച്.ഒ വിനോദിന്‍റെ നേതൃത്വത്തില്‍ എസ്.ഐമാരായ അനീഷ്, സ്വാതി, പ്രൊബേഷന് എസ്.ഐ ശ്രീലാല്‍, എ.എസ്.ഐ സന്തോഷ്‌കുമാര്‍, സി.പി.ഒമാരായ അനീഷ്, പ്രശാന്ത്, മണികണ്ഠന്‍ എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.