കഴിഞ്ഞരാത്രിയില് കടത്തിയ ചന്ദനമരത്തിന്റെ ചുവടും ചില്ലകളും
കുളത്തൂപ്പുഴ: കഴിഞ്ഞരാത്രിയില് സമീപ പ്രദേശങ്ങളിലെ വീട്ടുവളപ്പുകളിൽനിന്നിരുന്ന ചന്ദനമരങ്ങള് മോഷ്ടാക്കള് മുറിച്ചു കടത്തി. കുളത്തൂപ്പുഴ ചോഴിയക്കോട് അരുണ് വിലാസം വീട്ടില് ചന്ദ്രിക, കിലോമീറ്റര് അകലെ അരിപ്പ പ്രസന്നവിലാസംവീട്ടില് പ്രിയദര്ശിനി എന്നിവരുടെ പുരയിടങ്ങളില്നിന്നിരുന്ന ചന്ദന മരങ്ങളാണ് മോഷ്ടാക്കള് കടത്തിയത്.
പുലര്ച്ചെ മരച്ചില്ലകള് കണ്ട് സമീപവാസികള് തിരക്കിയപ്പോഴാണ് വീട്ടുകാര് വിവരമറിയുന്നത്. ഇരുപതിലധികംവര്ഷം പഴക്കമുള്ള ചന്ദനമരമാണ് നഷ്ടമായതെന്ന് പ്രിയദര്ശിനി പറഞ്ഞു. വണ്ണമുള്ള ഭാഗങ്ങള് മുറിച്ചുകടത്തുകയും മരത്തിന്റെ ശിഖരങ്ങള് പ്രദേശത്ത് ഉപേക്ഷിക്കുകയും ചെയ്തു.
കുളത്തുപ്പുഴ വനം-വന്യജീവി വകുപ്പ് ഉദ്യോഗസ്ഥരും പൊലീസും പ്രദേശത്ത് മുമ്പ് നടന്നിട്ടുള്ള സമാനകേസുകളില് ഉള്പ്പെട്ടവരെ സംബന്ധിച്ചും പാതയോരങ്ങളിലെ നിരീക്ഷണ ക്യാമറ ദൃശ്യങ്ങള് ശേഖരിച്ചും അന്വേഷണം ആരംഭിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.