ഓച്ചിറ: ഇരുകൂട്ടര്‍ തമ്മില്‍ സംഘര്‍ഷം നടക്കുന്നത് കണ്ട് പിടിച്ചുമാറ്റാന്‍ ശ്രമിച്ചയാളെ തലക്കടിച്ച് കൊലപ്പെടു ത്താന്‍ ശ്രമിച്ച യുവാവ് പിടിയില്‍. അഴീക്കല്‍ തലസ്ഥാനം കടയില്‍ കിഴക്കതില്‍ കിരണ്‍ (27) ആണ് ഓച്ചിറ പൊലീസിന്‍റെ പിടിയിലായത്. വലിയഴീക്കല്‍ പാലത്തിന് സമീപം കിരണും മറ്റു ചിലരും തമ്മില്‍ വാക്കേറ്റവും അടിപിടിയും നടക്കുന്നത് കണ്ട ആലപ്പാട് കുഴിത്തുറ മുറിയില്‍ തങ്കയ്യത്തു വീട്ടില്‍ സ്മിജേഷ് ഇവരെ പിടിച്ച് മാറ്റാന്‍ ശ്രമിച്ചു.
ഇതിന്‍റെ വിരോധത്തില്‍ കിരണ്‍ സ്മിജേഷിനെ അസഭ്യം പറയുകയും കമ്പിവടി കൊണ്ട് തലക്കടിച്ച് കൊലപ്പെടുത്താന്‍ ശ്രമിക്കുകയുമായിരുന്നു. സ്മിജേഷിന് ഗുരുതര പരിക്കേല്‍ക്കുകയും ചെയ്തു. തുടര്‍ന്ന് സ്മിജേഷ് ഓച്ചിറ പൊലീസ് സ്റ്റേഷനില്‍ നല്‍കിയ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്ത് പ്രതിയെ അറസ്റ്റ് ചെയ്യുകയായിരുന്നു. കിരണിനെതിരെ ഓച്ചിറ പൊലീസ് സ്റ്റേഷനിലും തിരുവനന്തപുരം റെയിൽവേ പൊലീസ് സ്റ്റേഷനിലും വേറെയും കേസുകള്‍ നിലവിലുണ്ട്.
ഓച്ചിറ പൊലീസ് ഇന്‍സ്പെക്ടര്‍ നിസാമുദ്ദീന്‍, എസ്.ഐമാരായ നിയായസ്, മുന്തിരി സ്വാമിനാഥ്, ഷരീഫ്, എ.എസ്.ഐമാരായ സന്തോഷ്, സുനില്‍, എസ്.സി.പി.ഒ കനീഷ്, സി.പി.ഒ വിനോദ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.