മുൻവൈരാഗ്യം: സി.പി.എം ബ്രാ‍ഞ്ച് സെക്രട്ടറിയുടെ ഓട്ടോ കത്തിച്ചു

ച​ങ്ങ​നാ​ശ്ശേ​രി: മു​ൻ​വൈ​രാ​ഗ്യ​ത്തെ തു​ട​ർ​ന്ന് സി.​പി.​എം ബ്രാ‍ഞ്ച് സെ​ക്ര​ട്ട​റി​യു​ടെ ഓ​ട്ടോ ക​ത്തി​ച്ചു. മാ​ട​പ്പ​ള്ളി ബ്ലോ​ക്ക് പ​ടി ബ്രാ​ഞ്ച് സെ​ക്ര​ട്ട​റി പൊ​യ്ന്താ​നം​കു​ന്ന് കോ​ട്ട​പ്പു​റം എ​സ്. രാ​ജേ​ഷി​ന്‍റെ ഓ​ട്ടോ​യാ​ണ് ക​ത്തി​ച്ച​ത്. വെ​ള്ളി​യാ​ഴ്ച പു​ല​ർ​ച്ച 3.30നാ​യി​രു​ന്നു സം​ഭ​വം. വീ​ടി​ന്​ സ​മീ​പം നി​ർ​ത്തി​യി​ട്ട ഓ​ട്ടോ​യാ​ണ് ക​ത്തി​ച്ച​ത്.

തീ​പി​ടി​ക്കു​ന്ന​തി​നി​ടെ വ​യ​റു​ക​ൾ ഷോ​ർ​ട്ടാ​യി ഓ​ട്ടോ ത​നി​യെ സ്റ്റാ​ർ​ട്ടാ​യി ഹോ​ൺ മു​ഴ​ങ്ങു​ന്ന​ത് കേ​ട്ട് ഉ​റ​ക്ക​മെ​ണീ​റ്റ് നോ​ക്കു​മ്പോ​ഴാ​ണ് രാ​ജേ​ഷ് സം​ഭ​വ​മ​റി​യു​ന്ന​ത്. വീ​ട്ടി​ലേ​ക്കു​ള്ള സ​ർ​വീ​സ് വ​യ​ർ ക​ട്ട് ചെ​യ്ത്​ വൈ​ദ്യു​തി​ബ​ന്ധം വി​ച്ഛേ​ദി​ച്ച ശേ​ഷ​മാ​ണ് ഓ​ട്ടോ​ക്ക്​ തീ​യി​ട്ട​ത്. ആ​ക്ര​മ​ണം ന​ട​ത്തി​യ യു​വാ​വ്​ ക​ഴി​ഞ്ഞ​ദി​വ​സ​ങ്ങ​ളി​ൽ ത​നി​ക്കെ​തി​രെ വ​ധ​ഭീ​ഷ​ണി മു​ഴ​ക്കി​യി​രു​ന്ന​താ​യും രാ​ജേ​ഷ് പ​റ​ഞ്ഞു. ഓ​ട്ടോ പൂ​ർ​ണ​മാ​യും ക​ത്തി​ന​ശി​ച്ചു. തൃ​ക്കൊ​ടി​ത്താ​നം പൊ​ലീ​സി​ൽ പ​രാ​തി ന​ൽ​കി.