വാഹനാപകടത്തിൽ പരിക്കേറ്റ യുവാവിന് രക്ഷകരായി കെ.എസ്.ആർ.ടി.സി ജീവനക്കാർ

മു​ണ്ട​ക്ക​യം: അ​പ​ക​ട​ത്തി​ൽ പ​രി​ക്കേ​റ്റു​കി​ട​ന്ന യു​വാ​വി​ന്​ ര​ക്ഷ​ക​രാ​യി കെ.​എ​സ്.​ആ​ർ.​ടി.​സി ബ​സ് ജീ​വ​ന​ക്കാ​ർ. ദേ​ശീ​യ​പാ​ത​യി​ൽ ചോ​റ്റി നി​ർ​മ്മ​ലാ​ര​ത്ത് തി​ങ്ക​ളാ​ഴ്ച രാ​വി​ലെ ഒ​മ്പ​തി​നാ​യി​രു​ന്നു അ​പ​ക​ടം. വ​ണ്ടി​പ്പ​രി​യാ​ർ സ്വ​ദേ​ശി​യാ​യ കൂ​ട​ത്തി​ൽ അ​ഭി​ജി​ത്ത് ഓ​ടി​ച്ച ബൈ​ക്ക് ചോ​റ്റി നി​ർ​മ്മാ​ല​ത്ത് ഓ​ട്ടോ​റി​ക്ഷ​യി​ലും സ്കൂ​ട്ട​റി​ലും ഇ​ടി​ക്കു​ക​യാ​യി​രു​ന്നു.

ഗു​രു​ത​ര പ​രി​ക്കേ​റ്റ യു​വാ​വി​നെ ര​ക്ഷി​ക്കാ​ൻ ആ​രും ത​യാറാ​യി​ല്ല. വാ​ഹ​ന​യാ​ത്രി​ക​ർ പ​ല​രും കാ​ഴ്​​ച​ക്കാ​രാ​യി നി​ന്നു. ആ​ശു​പ​ത്രി​യി​ൽ എ​ത്തി​ക്കു​ന്ന​തി​നാ​യി ക​ട​ന്നു​പോ​യ വാ​ഹ​ന​ങ്ങ​ൾ​ക്ക് കൈ​കാ​ണി​ച്ചെ​ങ്കി​ലും ആ​രും തയാറാ​യി​ല്ല. ഇ​തി​നി​ട​യി​ലാ​ണ് കെ.​എ​സ്.​ആ​ർ.​ടി.​സി ബ​സ് നി​റ​യെ യാ​ത്ര​ക്കാ​രു​മാ​യി എ​ത്തി​യ​ത്. ഗു​രു​ത​ര പ​രി​ക്കേ​റ്റ യു​വാ​വി​നെ ര​ക്തം​വാ​ർ​ന്ന് ജീ​വ​ൻ അ​പ​ക​ട​ത്തി​ലാ​കു​മെ​ന്ന അ​വ​സ്ഥ​യി​ലാ​യി​രു​ന്നു.

ഇ​ത് മ​ന​സ്സി​ലാ​ക്കി​യ ക​ണ്ട​ക്ട​റും ഡ്രൈ​വ​റും ചേ​ർ​ന്ന് അ​ഭി​ജി​ത്തി​നെ കെ.​എ​സ്.​ആ​ർ.​ടി.​സി ബ​സി​ൽ മു​ണ്ട​ക്ക​യം മെ​ഡി​ക്ക​ൽ ട്ര​സ്റ്റ് ആ​ശു​പ​ത്രി​യി​ലേ​ക്ക്​ കു​തി​ക്കു​ക​യാ​യി​രു​ന്നു. ആ​ശു​പ​ത്രി വ​ള​പ്പി​ൽ ബ​സ് എ​ത്തി​യ​ത്​ ക​ണ്ട ആ​ശു​പ​ത്രി ജീ​വ​ന​ക്കാ​ർ ഉ​ട​നെ സ്ട്ര​ക്​​ച്ച​റു​മാ​യി ഓ​ടി​യെ​ത്തി അ​ഭി​ജി​ത്തി​നെ അ​ത്യാ​ഹി​ത വി​ഭാ​ഗ​ത്തി​ലെ​ത്തി​ച്ച്​ ചി​കി​ത്സ ന​ൽ​കി.

ബ​സ് ക​ണ്ട​ക്ട​ർ കൂ​രോ​പ്പ​ട സ്വ​ദേ​ശി ആ​ലു​ങ്ക​ൽ പ​റ​മ്പി​ൽ ജെ​യിം​സ് കു​ര്യ​ൻ, ഡ്രൈ​വ​ർ ചെ​റു​വ​ള്ളി സ്വ​ദേ​ശി ഉ​തി​ര കു​ള​ത്ത് കെ.​ബി. രാ​ജേ​ഷ് എ​ന്നി​വ​രാ​ണ് സ​ഹ​ജീ​വി സ്നേ​ഹ​ത്തി​ൽ മാ​തൃ​ക​യാ​യ​ത്.