മണിമലയാറ്റിൽ ജലനിരപ്പുയർന്നു: ചെക്ക്ഡാം തുറക്കാതെ അധികൃതർ

മു​ണ്ട​ക്ക​യം: മ​ണി​മ​ല​യാ​റ്റി​ലെ ജ​ല​നി​ര​പ്പ് ഉ​യ​ർ​ന്നി​ട്ടും വെ​ള്ള​നാ​ടി​യി​ൽ സ്ഥാ​പി​ച്ചി​രി​ക്കു​ന്ന ഷ​ട്ട​റു​ക​ൾ തു​റ​ക്കു​വാ​ൻ ന​ട​പ​ടി​യി​ല്ലാ​ത്ത​ത് മേ​ഖ​ല​യി​ൽ അ​പ​ക​ട​ഭീ​ഷ​ണി ഉ​യ​ർ​ത്തു​ന്നു. വേ​ന​ൽ​ക്കാ​ല​ത്ത് ജ​ലം സം​ഭ​രി​ക്കാ​ൻ സ്ഥാ​പി​ച്ച ഷ​ട്ട​റു​ക​ളാ​ണ്​ മ​ഴ​ക്കാ​ല​മാ​യി​ട്ടും തു​റ​ക്കാ​ത്ത​ത്. ഇ​തു​മൂ​ലം കോ​സ്​​വേ ജ​ങ്​​ഷ​ൻ മു​ത​ൽ വെ​ള്ള​നാ​ടി ചെ​ക്ക് ഡാം ​വ​രെ​യു​ള്ള അ​ര​ക്കി​ലോ​മീ​റ്റ​റോ​ളം ദൂ​ര​ത്തി​ൽ മ​ണി​മ​ല​യാ​റ്റി​ൽ ജ​ല​നി​ര​പ്പ് ഉ​യ​ർ​ന്നു​നി​ൽ​ക്കു​ക​യാ​ണ്. ഒ​രു മ​ഴ​പെ​യ്താ​ൽ പോ​ലും കോ​സ്​​വേ​ക്ക് സ​മീ​പ​മു​ള്ള വ്യാ​പാ​ര​സ്ഥാ​പ​ന​ങ്ങ​ളി​ലും മു​പ്പ​ത്തി​നാ​ലാം മൈ​ൽ-​എ​രു​മേ​ലി റോ​ഡി​ലും വെ​ള്ളം ഇ​ര​ച്ചു​ക​യ​റും.

ചെ​ക്ക്ഡാ​മി​ന്‍റെ ഷ​ട്ട​റു​ക​ൾ അ​ട​ഞ്ഞു​കി​ട​ക്കു​ന്ന​ത്​ മാ​ലി​ന്യ​വും മ​ണ​ലും വ​ന്ന​ടി​യാ​നും കാ​ര​ണ​മാ​കു​ന്നു. മ​ണ​ൽ അ​ടി​ഞ്ഞ്​ സം​ര​ക്ഷ​ണ​ശേ​ഷി​യു​ടെ പ​കു​തി​ഭാ​ഗം നി​റ​ഞ്ഞ അ​വ​സ്ഥ​യി​ലാ​ണ്. ചെ​റി​യ മ​ഴ​യ​ത്തു​പോ​ലും ഇ​ത് മ​ണി​മ​ല​യാ​റ്റി​ൽ ജ​ല​നി​ര​പ്പ് ഉ​യ​രു​വാ​ൻ കാ​ര​ണ​മാ​കും. മു​ൻ വ​ർ​ഷ​ങ്ങ​ളി​ൽ മ​ഴ​ക്കാ​ലം ആ​രം​ഭി​ക്കു​മ്പോ​ൾ ത​ന്നെ ചെ​ക്ക് ഡാ​മി​ന്‍റെ ഷ​ട്ട​റു​ക​ൾ നീ​ക്കി ജ​ല​നി​ര​പ്പ് താ​ഴ്ത്താ​റു​ണ്ട്. പ​രി​സ​ര​പ്ര​ദേ​ശ​ത്തെ വീ​ടു​ക​ളി​ൽ വെ​ള്ളം ക​യ​റു​മെ​ന്ന​തി​നാ​ൽ അ​ടി​യ​ന്ത​ര ന​ട​പ​ടി​ക്കാ​യി കാ​ത്തി​രി​ക്കു​ക​യാ​ണ് പ്ര​ദേ​ശ​വാ​സി​ക​ൾ.