ഗുഡ്സ് ട്രെയിൻ നൂണ്ടുകയറിയുള്ള വിദ്യാർഥികളുടെ മുറിച്ചുകടക്കൽ
എലത്തൂർ: റെയിൽവേ ഗേറ്റിൽ നിർത്തിയിട്ട ഗുഡ്സ് ട്രെയിൻ നൂണ്ടുകയറിയുള്ള വിദ്യാർഥികളുടെ പാളം മുറിച്ചുകടക്കൽ അപകടം വിളിച്ചുവരുത്തുന്നു. എലത്തൂർ റെയിൽവേ ഗേറ്റിലാണ് അപകടകരമായ വിദ്യാർഥികളുടെ യാത്ര. ബുധനാഴ്ച വൈകീട്ട് സ്കൂൾ വിട്ട വേളയിൽ റെയിൽപാളത്തിൽ ഗുഡ്സ് നിർത്തിയിട്ടിരുന്നു. റെയിലിനു കിഴക്കുഭാഗത്തേക്ക് പോവേണ്ട വിദ്യാർഥികൾ ഉൾപ്പെടെയുള്ളവർ ബോഗികൾക്കിടയിലൂടെ നൂണ്ടുകടന്നുപോവുകയായിരുന്നു.
റെയിൽവേ ജീവനക്കാർ സമീപത്ത് നോക്കിനിൽക്കെയായിരുന്നു സംഭവം. ഗുഡ്സ് ട്രെയിനുകൾ നിർത്തിയിടുമ്പോൾ വിദ്യാർഥികൾ ഉൾപ്പെടെയുള്ളവർ ഇത്തരത്തിൽ പാളം മുറിച്ചുകടക്കുന്നത് സ്ഥിരം കാഴ്ചയാണെന്ന് സമീപത്തുള്ളവർ പറയുന്നു. എച്ച്.പി.സിയിലേക്കുള്ള ഓയിൽ ടാങ്കറുകൾ നിർത്തിയിടുമ്പോൾ വിദ്യാർഥികൾ മറികടക്കുന്നത് ശ്രദ്ധിക്കാതെ സിഗ്നൽ നൽകിയാൽ വൻ ദുരന്തമുണ്ടാകുമെന്ന് നാട്ടുകാർ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.