പണി തുടങ്ങിയിട്ട് ഒമ്പതു കൊല്ലം, പാതിവഴിയിൽ പാർക്കിങ്​ പ്ലാസ

കോ​ഴി​ക്കോ​ട്​: ഗ​താ​ഗ​ത​ക്കു​രു​ക്ക​ഴി​ക്കാ​ൻ മാ​നാ​ഞ്ചി​റ​ക്കും സ്റ്റേ​ഡി​യ​ത്തി​നു​മ​ടു​ത്ത് പാ​ർ​ക്കി​ങ്​ പ്ലാ​സ പ​ണി​യാ​ൻ കോ​ർ​പ​റേ​ഷ​ൻ ന​ട​പ​ടി​ക​ൾ പു​രോ​ഗ​മി​ക്കു​​ന്ന​തി​നി​ടെ റെ​യി​ൽ​വേ സ്റ്റേ​ഷ​ൻ ലി​ങ്ക്​​ റോ​ഡി​ലെ ന​ഗ​ര​ത്തി​ലെ ആ​ദ്യ പാ​ർ​ക്കി​ങ്​ പ്ലാ​സ​യു​ടെ പ​ണി നി​ല​ച്ചു. പ​ണി നി​ന്നി​ട്ട് വ​ർ​ഷ​ങ്ങ​ളാ​യെ​ങ്കി​ലും ഇ​നി​യെ​ന്തെ​ന്ന കാ​ര്യ​ത്തി​ൽ നി​ശ്ച​യ​മി​ല്ലാ​ത്ത അ​വ​സ്ഥ​യി​ലാ​ണ് അ​ധി​കൃ​ത​ർ. ഏ​റ്റ​വു​മൊ​ടു​വി​ൽ നി​ശ്ചി​ത സ​മ​യ​ത്തി​നു​ള്ളി​ൽ തീ​ർ​ക്കാ​ത്ത​തി​ന് ക​രാ​റു​കാ​ർ​ക്ക് പി​ഴ​യി​ട്ടി​രി​ക്കു​ക​യാ​ണ് കോ​ർ​പ​റേ​ഷ​നി​പ്പോ​ൾ.

ബി.​ഒ.​ടി അ​ടി​സ്​​ഥാ​ന​ത്തി​ൽ പ​ത്തു​നി​ല പാ​ർ​ക്കി​ങ് സ​മു​ച്ച​യം പ​ണി​യാ​ണ്​ അ​നി​ശ്ചി​ത​മാ​യി നീ​ളു​ന്ന​ത്. സ്വ​ന്ത​മാ​യി പാ​ർ​ക്കി​ങ് ന​യ​രേ​ഖ​യു​ള്ള സം​സ്​​ഥാ​ന​ത്തെ ആ​ദ്യ ന​ഗ​ര​മാ​യി പ്ര​ഖ്യാ​പി​ച്ച കോ​ഴി​ക്കോ​​ട്ടെ ആ​ദ്യ പാ​ർ​ക്കി​ങ്​ പ്ലാ​സ​യാ​ണ് പാ​തി​വ​ഴി​യി​ൽ. ന​ഗ​ര​സ​ഭ​യു​ടെ കു​ട്ടി​ക​ൾ​ക്കു​ള്ള പാ​ർ​ക്ക്​ സ്​​ഥാ​പി​ച്ചി​രു​ന്ന 24 സെൻറ്​ സ്​​ഥ​ല​ത്താ​ണ്​ പാ​ർ​ക്കി​ങ്​ പ്ലാ​സ നി​ർ​മാ​ണം. 2008ൽ ​കോ​ർ​പ​റേ​ഷ​ൻ കൗ​ൺ​സി​ൽ അം​ഗീ​കാ​രം ന​ല്‍കി 2015ല്‍ ​പ​ണി തു​ട​ങ്ങി​യ പ്ലാ​സ 2019 ഡി​സം​ബ​റി​ല്‍ പ​ണി പൂ​ര്‍ത്തി​യാ​ക്ക​ണ​മെ​ന്ന് ക​ര്‍ശ​ന​നി​ര്‍ദേ​ശം ന​ല്‍കി​യി​രു​ന്നു. ഗ്രൗ​ണ്ട്​ ഫ്ലോ​റ​ട​ക്കം അ​ഞ്ചു​നി​ല​ക​ളു​ടെ നി​ർ​മാ​ണം പൂ​ർ​ത്തി​യാ​യെ​ങ്കി​ലും ഇ​തി​ന്​ മു​ക​ളി​ൽ കാ​റു​ക​ൾ നി​ർ​ത്താ​നു​ള്ള ഇ​രു​മ്പി​ൽ​ തീ​ർ​ത്ത 10 നി​ല​ക​ളു​ടെ പ​ണി​യാ​ണ്​ നി​ന്നു​പോ​യ​ത്.

ക​രാ​റു​കാ​ർ പ​ണി പൂ​ർ​ത്തി​യാ​ക്കാ​ത്ത​താ​ണ്​ പ്ര​ശ്നം. തി​രു​വ​ന​ന്ത​പു​രം കൊ​ച്ചു​വേ​ളി​യി​ൽ ഒ​ന്നി​ച്ചു​കൂ​ട്ടി​ച്ചേ​ർ​ത്ത ശേ​ഷം അ​വി​ടെ​നി​ന്ന്​ അ​ഴി​ച്ചെ​ടു​ത്ത്​ വി​വി​ധ ഭാ​ഗ​ങ്ങ​ൾ ​ലി​ങ്ക്​ റോ​ഡി​ലെ​ത്തി​ച്ച്​ വീ​ണ്ടും ഒ​ന്നി​പ്പി​ക്കാ​നാ​ണ്​ പ​ദ്ധ​തി. എ​ന്നാ​ൽ, പ​ല​ത​വ​ണ ആ​വ​ശ്യ​പ്പെ​ട്ടി​ട്ടും പൂ​ർ​ത്തി​യാ​ക്കാ​നാ​യി​ല്ല. 90 കാ​റു​ക​ൾ നി​ർ​ത്താ​ൻ സൗ​ക​ര്യ​മു​ള്ള ഇ​രു​മ്പ്​ കൊ​ണ്ടു​ള്ള 10 നി​ല​ക​ൾ തി​രു​വ​ന​ന്ത​പു​ര​ത്ത്​ ത​യാ​റാ​യ​താ​യി ക​രാ​റു​കാ​ർ പ​റ​ഞ്ഞി​രു​ന്നു. ഇ​വ കോ​ഴി​ക്കോ​​ട്ടെ​ത്തി​ച്ച്​ നി​ർ​മാ​ണം തീ​ർ​ന്ന നാ​ല്​ കോ​ൺ​ക്രീ​റ്റ്​ നി​ല​ക​ൾ​ക്ക്​ ന​ടു​വി​ൽ സ്​​ഥാ​പി​ക്കു​ന്ന ജോ​ലി​യാ​ണ്​ ന​ട​ക്കേ​ണ്ട​ത്​.

‘ഓ​ട്ടോ​മാ​റ്റ​ഡ്​ മ​ൾ​ട്ടി ലെ​വ​ൽ മോ​ഡു​ല​ർ കാ​ർ പാ​ർ​ക്കി​ങ്​’ എ​ന്ന ന​വീ​ന സാ​​​ങ്കേ​തി​ക വി​ദ്യ​യാ​ണി​ത്​. തി​രു​വ​ന​ന്ത​പു​രം ടെ​ക്​​നോ പാ​ർ​ക്കി​ൽ ഇ​ത്​ പ​രീ​ക്ഷി​ച്ച്​ വി​ജ​യ​മെ​ന്ന്​ തെ​ളി​ഞ്ഞ​താ​യി ക​രാ​റു​കാ​ർ അ​വ​കാ​ശ​പ്പെ​ട്ടി​രു​ന്നു. ഗ്രൗ​ണ്ട്​ ഫ്ലോ​റി​ൽ​നി​ന്ന്​ വാ​ഹ​നം ലി​ഫ്റ്റി​ലെ​ന്ന​പോ​ലെ പൊ​ക്കി​യെ​ടു​ത്ത്​ മു​ക​ൾ നി​ല​യി​ൽ അ​ടു​ക്കി​വെ​ക്കു​ന്ന​താ​ണ്​ രീ​തി. 15 മീ​റ്റ​റോ​ളം വ്യാ​സ​മു​ള്ള സ്​​ഥ​ല​ത്ത്​ 10 നി​ല​ക​ളി​ലാ​യി 90 കാ​റു​ക​ൾ അ​ടു​ക്കി​വെ​ക്കാ​നാ​വു​മെ​ന്നാ​യി​രു​ന്നു അ​ന്ന് പ​റ​ഞ്ഞ​ത്.