‘ഹായ്’ പറഞ്ഞു തുടങ്ങും, ‘ബൈ’ പറഞ്ഞവസാനിക്കുമ്പോഴേക്കും നഷ്ടമാവുന്നത് കോടികൾ; ശ്ര​ദ്ധി​ച്ചാ​ൽ... ദുഃ​ഖി​ക്കേ​ണ്ട...

ഈ വർഷം ജില്ലയിൽ അഞ്ചുകോടി രൂപയുടെ വരെ തട്ടിപ്പ്, കേസുകളുടെ എണ്ണവും കൂടി... ‘ഹായ്’ പറഞ്ഞുതുടങ്ങുന്ന മൊബൈൽ ചാറ്റ് ‘ബൈ’ പറഞ്ഞവസാനിക്കുമ്പോഴേക്കും അക്കൗണ്ടിലെ പണം കാലിയാവുന്നത് തുടർക്കഥ...

കോ​ഴി​ക്കോ​ട്: ഓ​ൺ​ലൈ​ൻ സാ​മ്പ​ത്തി​ക ഇ​ട​പാ​ടു​ക​ൾ വ​ർ​ധി​ച്ച​തി​നു​പി​ന്നാ​ലെ സൈ​ബ​ർ ത​ട്ടി​പ്പ് കേ​സു​ക​ൾ വ​ലി​യ​തോ​തി​ൽ വ​ർ​ധി​ക്കു​ന്നു. അ​ഞ്ചു​കോ​ടി​യോ​ളം രൂ​പ​യു​ടെ വ​രെ ത​ട്ടി​പ്പു​ക​ളി​ലാ​ണ് ഈ ​വ​ർ​ഷം ജി​ല്ല​യി​ൽ കേ​സു​ക​ൾ ര​ജി​സ്റ്റ​ർ ചെ​യ്ത​ത്.

സി​റ്റി, റൂ​റ​ൽ സൈ​​ബ​ർ ക്രൈം ​പൊ​ലീ​സ് സ്റ്റേ​ഷ​നു​ക​ളി​ലും ലോ​ക്ക​ൽ സ്റ്റേ​ഷ​നു​ക​ളി​ലു​മാ​ണ് കേ​സു​ക​ൾ. നേ​ര​ത്തേ സൈ​ബ​ർ പൊ​ലീ​സ് മാ​ത്ര​മാ​ണ് ഇ​ത്ത​രം കേ​സു​ക​ൾ ര​ജി​സ്റ്റ​ർ ചെ​യ്ത​തെ​ങ്കി​ൽ പ​രാ​തി​ക്കാ​രു​ടെ എ​ണ്ണം വ​ർ​ധി​ച്ച​തോ​ടെ ലോ​ക്ക​ൽ സ്റ്റേ​ഷ​നു​ക​ളി​ലും നി​ര​വ​ധി കേ​സു​ക​ളാ​ണ് ര​ജി​സ്റ്റ​ർ ചെ​യ്യു​ന്ന​ത്.

സി​റ്റി സൈ​ബ​ർ ക്രൈം ​സ്റ്റേ​ഷ​നി​ൽ ഈ ​വ​ർ​ഷം ഇ​തു​വ​രെ 45 കേ​സു​ക​ൾ ര​ജി​സ്റ്റ​ർ ചെ​യ്തു. ഇ​വ​യി​ൽ ര​ണ്ടെ​ണ്ണം നാ​ലു​കോ​ടി രൂ​പ​ക്ക് മു​ക​ളി​ലു​ള്ള ത​ട്ടി​പ്പാ​ണ്. ജി​ല്ല​യി​ൽ സേ​വ​ന​മ​നു​ഷ്ഠി​ക്കു​ന്ന ഡോ​ക്ട​റി​ൽ നി​ന്ന് 4.08 കോ​ടി രൂ​പ ത​ട്ടി​യ​താ​ണ് ഒ​രു​കേ​സ്. ഇ​തി​ൽ മ​ധ്യ​പ്ര​ദേ​ശ് സ്വ​ദേ​ശി​ക​ളാ​യ ര​ണ്ടു​പേ​രും രാ​ജ​സ്ഥാ​ൻ സ്വ​ദേ​ശി​ക​ളാ​യ ര​ണ്ടു​പേ​രു​മു​ൾ​പ്പെ​ടെ നാ​ലു​പ്ര​തി​ക​ൾ അ​റ​സ്റ്റി​ലാ​യി. ​

ട്രേ​ഡിങ്ങി​ലൂ​ടെ വ​ൻ സാ​മ്പ​ത്തി​ക നേ​ട്ടം വാ​ഗ്ദാ​നം ​ചെ​യ്ത് 4.80 കോ​ടി രൂ​പ ത​ട്ടി​യ​താ​ണ് മ​റ്റൊ​രു കേ​സ്. ഇ​ത​ര സം​സ്ഥാ​ന സം​ഘം ന​ട​ത്തി​യ ത​ട്ടി​പ്പി​ന്റെ ഭാ​ഗ​മാ​യി പ്ര​വ​ർ​ത്തി​ച്ച്, പ​ണം ബാ​ങ്ക് അ​ക്കൗ​ണ്ട് വ​ഴി എ​ടു​ത്തു​ന​ൽ​കി​യ ആ​ല​പ്പു​ഴ സ്വ​ദേ​ശി​ക​ളാ​യ വി​ദ്യാ​ർ​ഥി​ക​ൾ ഈ ​കേ​സി​ൽ പി​ടി​യി​ലാ​യി. ര​ണ്ടു​കേ​സി​ലും പൊ​ലീ​സ് അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്.

വാ​ട്‌​സ് ആ​പ് അ​ക്കൗ​ണ്ട് ഹാ​ക്ക് ചെ​യ്ത് കോ​ഴി​ക്കോ​ട് സ്വ​ദേ​ശി​യാ​യ ഡോ​ക്ട​റു​ടെ ര​ണ്ടു​ല​ക്ഷം രൂ​പ ക​വ​ർ​ന്ന​താ​ണ് ന​ഗ​ര​ത്തി​ലെ അ​വ​സാ​ന സൈ​ബ​ർ ത​ട്ടി​പ്പ് കേ​സ്. സം​ഭ​വ​ത്തി​ൽ പ​ണം പി​ൻ​വ​ലി​ച്ച​ത് രാ​ജ​സ്ഥാ​നി​ലെ ജോ​ധ്പൂ​ർ ജി​ല്ല​യി​ലു​ള്ള എ.​ടി.​എം കൗ​ണ്ട​റി​ൽ നി​ന്നാ​ണെന്ന് ന​ട​ക്കാ​വ് പൊ​ലീ​സ് ക​ണ്ടെ​ത്തി​യി​ട്ടു​ണ്ട്.

റൂ​റ​ൽ സൈ​ബ​ർ ക്രൈം ​സ്റ്റേ​ഷ​നി​ൽ മാ​ത്രം19 കേ​സു​ക​ളാ​ണ് ഈ ​വ​ർ​ഷം ര​ജി​സ്റ്റ​ർ ചെ​യ്ത​ത്. ഇ​വ​ക്കു​പു​റ​മെ​യാ​ണ് ലോ​ക്ക​ൽ സ്റ്റേ​ഷ​നു​ക​ളി​ലെ കേ​സു​ക​ൾ. സൈ​ബ​ർ ത​ട്ടി​പ്പ് കേ​സു​ക​ളി​ല്ലാ​ത്ത സ്റ്റേ​ഷ​നു​ക​ൾ ജി​ല്ല​യി​ലി​ല്ല. ആ​ർ​ട്ടി​ഫി​ഷ​ൽ ഇ​ന്റ​ലി​ജ​ൻ​സ് (എ.​ഐ) സാ​​ങ്കേ​തി​ക വി​ദ്യ ഉ​പ​യോ​ഗി​ച്ച് ഡീ​പ് ​ഫേ​ക്കി​ലൂ​ടെ​യു​ള്ള ത​ട്ടി​പ്പി​ൽ രാ​ജ്യ​ത്താ​ദ്യം കേ​സ് ര​ജി​സ്റ്റ​ർ ​ചെ​യ്ത​തും കോ​ഴി​ക്കോ​ട്ടാ​ണ്. ഓ​ൺ​ലൈ​ൻ ലോ​ട്ട​റി​യി​ലൂ​ടെ കോ​ടി​ക​ൾ സ​മ്മാ​നം കി​ട്ടും, പാ​ഴ്സ​ലി​ൽ ല​ഹ​രി​വ​സ്തു ക​ണ്ടെ​ത്തി, ന​ഗ്ന​ത​യു​ടെ​യും ലൈം​ഗി​ക ചേ​ഷ്ട​ക​ളു​ടെ​യും തെ​ളി​വ് പു​റ​ത്തു​വി​ടും എ​ന്നെ​ല്ലാം പ​റ​ഞ്ഞു​വി​ശ്വ​സി​പ്പി​ച്ചും ഭീ​ഷ​ണി​പ്പെ​ടു​ത്തി​യു​മാ​ണ് പ്ര​ധാ​ന​മാ​യും ത​ട്ടി​പ്പ്. 

ശ്ര​ദ്ധി​ച്ചാ​ൽ... ദുഃ​ഖി​ക്കേ​ണ്ട...

• ബാ​ങ്ക് അ​ക്കൗ​ണ്ട് ന​മ്പ​ർ, എ.​ടി.​എം കാ​ർ​ഡ് ന​മ്പ​ർ, ഒ.​ടി.​പി, പി​ൻ, ജ​ന​ന തീ​യ​തി, പാ​സ്‌​പോ​ർ​ട്ട്, ആ​ധാ​ർ കാ​ർ​ഡ്, ബാ​ങ്ക് സ്റ്റേ​റ്റ്മെ​ന്റ് വി​വ​ര​ങ്ങ​ൾ എ​ന്നി​വ അ​പ​രി​ചി​ത​ർ​ക്ക് ന​ൽ​ക​രു​ത്.
• ഓ​ഹ​രി വി​പ​ണി​യി​ൽ നി​ക്ഷേ​പി​ക്കും മു​മ്പ് സ്ഥാ​പ​നം സെ​ബി​യി​ൽ റ​ജി​സ്റ്റ​ർ ചെ​യ്ത​താ​ണെ​ന്നു​റ​പ്പാ​ക്ക​ണം.
• രാ​ജ്യ​ദ്രോ​ഹം, ല​ഹ​രി അ​ട​ക്കമുള്ള കേ​സു​ക​ളി​ൽ ഒ​രു എ​ൻ​ഫോ​ഴ്സ്മെ​ന്റ് ഏ​ജ​ൻ​സി​യും പ​ണം ന​ൽ​കാ​ൻ ആ​വ​ശ്യ​പ്പെ​ടാ​റി​ല്ല.
• ഇ​ന്ത്യ​ൻ നീ​തി​ന്യാ​യ വ്യ​വ​സ്ഥ​യി​ൽ വെ​ർ​ച്വ​ൽ കോ​ട​തി​യും വെ​ർ​ച്വ​ൽ അ​റ​സ്റ്റും ഇ​​ല്ല.
• അ​പ​രി​ചി​ത​രു​മാ​യു​ള്ള ഓ​ൺ​ലൈ​ൻ സാ​മ്പ​ത്തി​ക ഇ​ട​പാ​ട് ഒ​ഴി​വാ​ക്കു​ക, അ​ത്ത​ര​ക്കാ​ർ നി​ർ​ദേ​ശി​ക്കു​ന്ന ആ​പ്പു​ക​ൾ ഇ​ൻ​സ്റ്റാ​ൾ ചെ​യ്യ​രു​ത്.
• നി​യ​മാ​നു​സൃ​ത​മു​ള്ള ബാ​ങ്കു​ക​ളി​ൽ നി​ന്നേ വാ​യ്പ​യെ​ടു​ക്കാ​വൂ, ഈ​ടി​ല്ലാ​ത്ത വാ​യ്പ അ​പ​ക​ട​ക്കെ​ണി​യാ​ണ്, ബാ​ങ്ക് അ​ക്കൗ​ണ്ട് വാ​ട​ക​ക്ക് ന​ൽ​ക​രു​ത്.
• അ​ഡ്വാ​ൻ​സ് പേമെ​ന്റ് ന​ൽ​കി​യു​ള്ള സ​മ്മാ​ന വാ​ഗ്ദാ​നം വ​ഞ്ച​ന​യാ​ണ്, ഒ​രു ലോ​ട്ട​റി​യും സ​മ്മാ​ന തു​ക കി​ട്ടാ​ൻ മു​ൻ​കൂ​റാ​യി പ​ണം ഈ​ടാ​ക്കാ​റി​ല്ല.
• സേ​വ​ന ദാ​താ​വി​ന്റെ അം​ഗീ​കൃ​ത വെ​ബ്സൈ​റ്റു​ക​ളി​ൽ നി​ന്നു​മാ​ത്ര​മേ ക​സ്റ്റ​മ​ർ സ​പ്പോ​ർ​ട്ട് തേ​ടാ​വൂ.
• അ​ജ്ഞാ​ത ന​മ്പ​റു​ക​ളി​ൽ നി​ന്നു​ള്ള വീ​ഡി​യോ കാ​ളു​ക​ൾ ഒ​ഴി​വാ​ക്ക​ണം, ലി​ങ്കു​ക​ളി​ലൂ​ടെ ല​ഭി​ക്കു​ന്ന എ.​പി.​കെ ഫ​യ​ലു​ക​ൾ ഇ​ൻ​സ്റ്റാ​ൾ ചെ​യ്യ​രു​ത്.

ഉ​ട​ൻ പ​രാ​തി ന​ൽ​കു​ക

സൈ​ബ​ർ ത​ട്ടി​പ്പി​നി​ര​യാ​യാ​ൽ ഉ​ട​ൻ പ​രാ​തി ന​ൽ​കു​ക​യാ​ണ് ആ​ദ്യം വേ​ണ്ട​ത്. 1930 എ​ന്ന ടോ​ൾ ഫ്രീ ​ന​മ്പ​റി​ല്‍ ബ​ന്ധ​പ്പെ​ടു​ക​യോ www.cybercrime.gov.in എ​ന്ന വെ​ബ്സൈ​റ്റി​ൽ ര​ജി​സ്റ്റ​ർ ചെ​യ്യു​ക​യോ ആ​വാം.