ചുഴലിക്കാറ്റും കടലാക്രമണവും ; കരയിടിഞ്ഞു, ​വള്ളം മുങ്ങി, വീടുകൾക്ക് ഭീഷണി

കോ​ഴി​ക്കോ​ട്: വെ​ള്ളി​യാ​ഴ്ച പു​ല​ർ​ച്ച ക​ട​ലി​ലു​ണ്ടാ​യ ചു​ഴ​ലി​ക്കാ​റ്റി​ൽ വെ​ള്ള​യി​ൽ ഹാ​ർ​ബ​റി​ൽ നി​ർ​ത്തി​യി​ട്ട വ​ലി​യ മീ​ൻ​പി​ടി​ത്ത വ​ള്ളം മ​റി​ഞ്ഞു. സൗ​ത്ത് ബീ​ച്ച്, ചാ​പ്പ​യി​ൽ ഭാ​ഗ​ങ്ങ​ളി​ൽ തി​ര​മാ​ല​ക​ൾ അ​ടി​ച്ചു​ക​യ​റി വീ​ടു​ക​ളി​ൽ വെ​ള്ളം ക​യ​റി. സൗ​ത്ത് ബീ​ച്ച് തു​ട​ങ്ങു​ന്ന ഭാ​ഗം ഇ​ടി​ഞ്ഞ് ക​ട​ലി​ൽ താ​ഴ്ന്നു. കോ​ന്നാ​ട് ഭാ​ഗ​ത്ത് ക​ട​ൽ ക​ര​യി​ലേ​ക്ക് അ​ടി​ച്ചു​ക​യ​റി. പു​തി​യാ​പ്പ -വെ​ള്ള​യി​ൽ ഹാ​ർ​ബ​റു​ക​ൾ​ക്ക് ഇ​ട​യി​ലു​ള്ള മൂ​ന്ന് കി​ലോ​മീ​റ്റ​റോ​ളം നീ​ള​ത്തി​ൽ 250ഓ​ളം വീ​ടു​ക​ൾ​ക്കാ​ണ് ഭീ​ഷ​ണി​യു​ള്ള​ത്. ഈ ​മേ​ഖ​ല​യി​ൽ ക​ട​ലോ​ര​ത്ത് ര​ണ്ടാ​യി​ര​ത്തോ​ളം വീ​ടു​ള്ള​തി​ൽ ക​ട​ലി​നോ​ട് ചേ​ർ​ന്നു​ള്ള കോ​ന്നാ​ട്, ഭ​ട്ട് റോ​ഡ്, തോ​പ്പ​യി​ൽ മേ​ഖ​ല​യി​ലെ വീ​ടു​ക​ൾ​ക്കാ​ണ് ഭീ​തി. എ​പ്പോ​ഴും ക​ട​ലെ​ടു​ക്കു​മെ​ന്ന പേ​ടി​യി​ലാ​ണ് ക​ഴി​യു​ന്ന​തെ​ന്ന് വീ​ട്ടു​കാ​ർ പ​റ​ഞ്ഞു.

ക​ട​ൽ ഭി​ത്തി​യി​ൽ കൂ​റ്റ​ൻ തി​ര​യ​ടി​ച്ച് വീ​ടു​ക​ളി​ലേ​ക്കെ​ത്തു​ക​യാ​ണ്. കോ​ന്നാ​ട് ബീ​ച്ചി​ൽ ക​ട​ൽ ഭി​ത്തി​യോ​ട് ചേ​ർ​ന്ന് ക​ട​ലി​ന് സ​മാ​ന്ത​ര​മാ​യു​ള്ള റോ​ഡും ക​ട​ന്നാ​ണ് വെ​ള്ള​മെ​ത്തി​യ​ത്. ഈ ​ഭാ​ഗ​ങ്ങ​ളി​ൽ ക​ട​ൽ ഭി​ത്തി നി​ര​ന്ത​രം തി​ര​യ​ടി​ച്ച് അ​ടി​ഭാ​ഗം താ​ണു​പോ​യ​താ​ണ് പ്ര​ശ്ന​മെ​ന്ന് സ്ഥ​ല​ത്തെ​ത്തി​യ കോ​ർ​പ​റേ​ഷ​ൻ കൗ​ൺ​സി​ല​ർ സി.​പി. സു​ലൈ​മാ​ൻ പ​റ​ഞ്ഞു. അ​ടി​യ​ന്ത​ര ഘ​ട്ട​ത്തി​ൽ മാ​റ്റി​പ്പാ​ർ​പ്പി​ക്കു​ന്ന​ത​ട​ക്ക​മു​ള്ള കാ​ര്യ​ങ്ങ​ൾ​ക്ക് ന​ട​പ​ടി​യാ​യി​ട്ടു​ണ്ട്. പു​തി​യാ​പ്പ​യി​ലും വെ​ള്ള​യി​ലും പു​ലി​മു​ട്ടു​ക​ൾ വ​ന്ന​തോ​ടെ​യാ​ണ് ഈ ​ഭാ​ഗ​ത്ത് ക​ട​ൽ അ​ക​ത്തേ​ക്ക് ക​യ​റു​ന്ന​തെ​ന്ന് പ​റ​യു​ന്നു. ക​ട​പ്പു​റ​ത്തു​നി​ന്ന് സ്ഥി​ര​മാ​യി മാ​റി​ത്താ​മ​സി​ക്കാ​നു​ള്ള പ​ദ്ധ​തി​യി​ൽ ഈ ​ഭാ​ഗ​ത്ത് 80ഓ​ളം പേ​ർ നേ​ര​ത്തേ അ​പേ​ക്ഷ ന​ൽ​കി​യി​രു​ന്നു. ക​ട​ൽ ഭി​ത്തി​യി​ല്ലാ​ത്ത കോ​ന്നാ​ട്, കാ​മ്പു​റം ഭാ​ഗ​ങ്ങ​ളി​ൽ വെ​ള്ളി​യാ​ഴ്ച രാ​വി​ലെ തി​ര​ക​ൾ വ​ള​രെ​യ​ധി​കം ഇ​ര​ച്ചു​ക​യ​റി​യ​താ​യും സ​മീ​പ വാ​സി​ക​ൾ പ​റ​ഞ്ഞു. സൗ​ത്ത് ബീ​ച്ചി​ൽ മോ​ടി​പി​ടി​പ്പി​ച്ച കു​റെ ഭാ​ഗം മ​ഴ തു​ട​ങ്ങി​യ​പ്പോ​ൾ താ​ഴ്ന്നി​രു​ന്നു. അ​വി​ടെ​നി​ന്ന് വ​ട​ക്കോ​ട്ട് മാ​റി​യാ​ണ് ഇ​പ്പോ​ൾ ക​ട​ലെ​ടു​ത്ത​ത്.

ഒ​രു​കോ​ടി​യി​ലേ​റെ ന​ഷ്ടം

തോ​പ്പ​യി​ൽ സ്വ​ദേ​ശി​ക​ളാ​യ ഹ​നീ​ഫ, ശി​ഹാ​ബ് എ​ന്നി​വ​രു​ടെ മ​ദ്ഹ് എ​ന്ന വ​ള്ള​മാ​ണ് മു​ങ്ങി​യ​ത്. ഒ​രു കോ​ടി​യി​ലേ​റെ ന​ഷ്ട​മു​ള്ള​താ​യി ക​രു​തു​ന്നു. ക​ട​ലി​ൽ​നി​ന്ന് തി​രി​ച്ചെ​ത്തി വ്യാ​ഴാ​ഴ്ച വൈ​കീ​ട്ട് അ​​ഞ്ചോ​ടെ ന​ങ്കൂ​ര​മി​ട്ട ഫൈ​ബ​ർ വ​ള്ളം രാ​ത്രി​യ​ടി​ച്ച ക​ന​ത്ത ചു​ഴ​ലി​യി​ൽ കീ​ഴ്മേ​ൽ മ​റി​ഞ്ഞ് താ​ഴു​ക​യാ​യി​രു​ന്നു. 50ലേ​റെ പേ​ർ​ക്ക് ക​യ​റാ​വു​ന്ന ഇ​ൻ​ബോ​ർ​ഡ് വ​ള്ള​മാ​ണ് അ​പ​ക​ട​ത്തി​ൽ​പെ​ട്ട​ത്. ര​ണ്ട് സെ​റ്റ് വ​ല​യും എ​ൻ​ജി​നും സോ​ളാ​ർ ലൈ​റ്റു​ക​ളു​മെ​ല്ലാ​മ​ട​ക്ക​മാ​ണ് മു​ങ്ങി​യ​ത്. ഹാ​ർ​ബ​റി​ൽ ആ​ഴം കു​റ​ഞ്ഞ​തി​നാ​ൽ ക​ര​യി​ൽ അ​ടി ത​ട്ടി​യാ​ണ് വ​ള്ളം പെ​ട്ടെ​ന്ന് ത​ല​കീ​ഴാ​യി മ​റി​ഞ്ഞ​തെ​ന്ന് ക​രു​തു​ന്നു. സ​മ​യ​ത്ത് മ​ണ്ണെ​ടു​ത്ത് നീ​ക്കാ​ത്ത​ത് ഹാ​ർ​ബ​റി​ൽ വ​ള്ള​ങ്ങ​ള​ടു​പ്പി​ക്കാ​ൻ ബു​ദ്ധി​മു​ട്ടു​ണ്ടാ​ക്കു​ന്നു​വെ​ന്ന് മ​ത്സ്യ​ത്തൊ​ഴി​ലാ​ളി ഫെ​ഡ​റേ​ഷ​ൻ ജി​ല്ല സെ​ക്ര​ട്ട​റി റ​ഹീം പു​തി​യ​ക​ട​വ് പ​റ​ഞ്ഞു.