കോഴിക്കോട്: മെഡി. കോളജ് കാമ്പസിൽ തെരുവുനായ് ഡോക്ടറെ ആക്രമിച്ചു. അനാട്ടമി വിഭാഗത്തിലെ ഡോക്ടർക്ക് നേരെയാണ് ശനിയാഴ്ച രാവിലെ ആക്രമണമുണ്ടായത്. ഡോക്ടർ കാറിൽനിന്നിറങ്ങി ആശുപത്രിയിലേക്ക് വരുകയായിരുന്നു. ആക്രമണത്തിൽ ഡോക്ടറുടെ വസ്ത്രം കീറി. കാർ പാർക്കിങ് ഏരിയയിൽ നായ്ക്കളുടെ താവളമാണ്. ഇതിനുമുമ്പും മെഡി. കോളജ് കാമ്പസിൽ ഡോക്ടർമാർക്കും ജീവനക്കാർക്കും നേരെ നായ്ക്കളുടെ ആക്രമണം ഉണ്ടായിട്ടുണ്ട്. നായ്ക്കളുടെ ആക്രമണത്തിനെതിരെ അനാട്ടമി വിഭാഗം മേധാവി ഡോ. ആശാലത മെഡി. കോളജ് സൂപ്രണ്ട് ഡോ. ഇ.വി. ഗോപിക്ക് പരാതി നൽകി. സൂപ്രണ്ട് കോർപറേഷന് പരാതി നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.