യു​വ​തി​യു​ടെ​യും ഗ​ർ​ഭ​സ്ഥ ശി​ശു​വി​ന്റെ​യും മ​ര​ണം; ആ​ശു​പ​ത്രി​ക്ക് മു​ന്നി​ൽ റി​ലേ സ​ത്യ​ഗ്ര​ഹം ന​ട​ത്തു​മെ​ന്ന് ആ​ക്ഷ​ൻ ക​മ്മി​റ്റി

എ​ക​രൂ​ൽ: പ്ര​സ​വ​ത്തി​നി​ടെ ഗ​ർ​ഭ​സ്ഥ ശി​ശു​വും അ​മ്മ​യും മ​രി​ക്കാ​നി​ട​യാ​യ സം​ഭ​വ​ത്തി​ന് കാ​ര​ണ​ക്കാ​ർ ചി​കി​ത്സി​ച്ച ഡോ​ക്ട​ർ​മാ​രാ​ണെ​ന്നാ​രോ​പി​ച്ച് യു​വ​തി​യു​ടെ ബ​ന്ധു​ക്ക​ളു​ടെ​യും നാ​ട്ടു​കാ​രു​ടെ​യും യു​വ​ജ​ന സം​ഘ​ട​ന​ക​ളു​ടെ​യും നേ​തൃ​ത്വ​ത്തി​ൽ രൂ​പ​വ​ത്ക​രി​ച്ച ആ​ക്ഷ​ൻ ക​മ്മി​റ്റി റി​ലേ സ​ത്യ​ഗ്ര​ഹ​ത്തി​ന് ഒ​രു​ങ്ങു​ന്നു.

എ​ക​രൂ​ൽ ക​ല്ലാ​രം​കെ​ട്ടി​ൽ വി​വേ​കി​ന്റെ ഭാ​ര്യ പാ​ലം​ത​ല​ക്ക​ൽ ആ​റ​പ്പ​റ്റ​കു​ന്നു​മ്മ​ൽ അ​ശ്വ​തി​യും (35) ഗ​ർ​ഭ​സ്ഥ ശി​ശു​വു​മാ​ണ് മൊ​ട​ക്ക​ല്ലൂ​ർ മ​ല​ബാ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ സി​സേ​റി​യ​നെ​ത്തു​ട​ർ​ന്ന് മ​രി​ച്ച​ത്. സെ​പ്റ്റം​ബ​ർ ഏ​ഴി​ന് ആ​ശു​പ​ത്രി​യി​ൽ പ്ര​വേ​ശി​പ്പി​ച്ച അ​ശ്വ​തി​യു​ടെ ഗ​ർ​ഭ​സ്ഥ​ശി​ശു സെ​പ്റ്റം​ബ​ർ 12നും ​ഗു​രു​ത​രാ​വ​സ്ഥ​യി​ലാ​യ അ​ശ്വ​തി കോ​ഴി​ക്കോ​ട് സ്വ​കാ​ര്യ ആ​ശു​പ​ത്രി​യി​ൽ സെ​പ്റ്റം​ബ​ർ 13നു​മാ​ണ്‌ മ​രി​ച്ച​ത്. ചി​കി​ത്സാ​പി​ഴ​വാ​രോ​പി​ച്ച് ഭ​ർ​ത്താ​വ് വി​വേ​ക് അ​ത്തോ​ളി പൊ​ലീ​സി​ൽ പ​രാ​തി ന​ൽ​കു​ക​യും മൃ​ത​ദേ​ഹ​വു​മാ​യി ആ​ശു​പ​ത്രി​ക്ക് മു​ന്നി​ൽ പ്ര​തി​ഷേ​ധ സ​മ​രം ന​ട​ത്തു​ക​യും ചെ​യ്തി​രു​ന്നു.

പൊ​ലീ​സും ആ​ശു​പ​ത്രി അ​ധി​കൃ​ത​രും ന​ട​ത്തി​യ ച​ർ​ച്ച​യെ​ത്തു​ട​ർ​ന്ന് പ്ര​തി​ഷേ​ധം അ​വ​സാ​നി​പ്പി​ച്ചി​രു​ന്നെ​ങ്കി​ലും ച​ർ​ച്ച​യി​ൽ ഉ​ന്ന​യി​ച്ച കാ​ര്യ​ങ്ങ​ൾ ന​ട​പ്പാ​ക്കാ​ത്ത​തി​നാ​ലാ​ണ് നാ​ട്ടു​കാ​ർ ആ​ക്ഷ​ൻ ക​മ്മി​റ്റി രൂ​പ​വ​ത്ക​രി​ച്ച് പ്ര​ക്ഷോ​ഭ സ​മ​ര പ​രി​പാ​ടി​ക​ളു​മാ​യി രം​ഗ​ത്തി​റ​ങ്ങി​യ​ത്. ഈ ​മാ​സം 26 മു​ത​ൽ നീ​തി ല​ഭി​ക്കു​ന്ന​തു വ​രെ അ​നി​ശ്ചി​ത​കാ​ല സ​മ​ര​വു​മാ​യി മു​ന്നോ​ട്ടു പോ​കാ​നാ​ണ് ആ​ക്ഷ​ൻ ക​മ്മി​റ്റി​യു​ടെ തീ​രു​മാ​നം. ഇ​തി​നു മു​ന്നോ​ടി​യാ​യി വെ​ള്ളി​യാ​ഴ്ച വൈ​കീ​ട്ട് നാ​ലി​ന് എ​ക​രൂ​ൽ അ​ങ്ങാ​ടി​യി​ൽ വി​ശ​ദീ​ക​ര​ണ പൊ​തു​യോ​ഗം ന​ട​ത്തു​മെ​ന്നും ആ​ക്ഷ​ൻ ക​മ്മി​റ്റി ഭാ​ര​വാ​ഹി​ക​ൾ അ​റി​യി​ച്ചു.