കാലിക്കറ്റ് സർവകലാശാല ഇൻറർ സോൺ ഫുട്ബാൾ ജേതാക്കളായ ഫാറൂഖ് കോളജ് ടീം
കോഴിക്കോട്: കാലിക്കറ്റ് സർവകലാശാല ഇൻറർ സോൺ ഫുട്ബാൾ ചാമ്പ്യൻഷിപ്പിൽ കിരീടം നിലനിർത്തി ഫാറൂഖ് കോളജ്. ദേവഗിരി കോളജ് ഗ്രൗണ്ടിൽ നടന്ന ഫൈനലിൽ മറുപടിയില്ലാത്ത ഒരു ഗോളിന് എം.ഇ.എസ് കോളജ് മമ്പാടിനെ തോൽപിച്ചാണ് ഫാറൂഖ് ടീം ജേതാക്കളായത്.
ആദ്യ പകുതിയിൽ സുഹൈലാണ് ഗോൾനേടിയത്. സമാപന ചടങ്ങിൽ ദേവഗിരി കോളജ് പ്രിൻസിപ്പൽ ഡോ. സാബു. കെ തോമസ് അധ്യക്ഷതവഹിച്ചു. സിൻഡിക്കേറ്റ് അംഗങ്ങളായ ടോം കെ. ജോസ്, വിനോദ് കുമാർ എന്നിവർ ട്രോഫികൾ വിതരണം ചെയ്തു.
ഫിസിക്കൽ എജുക്കേഷൻ ഡയറക്ടർ ഡോ. വി.പി. സക്കിർഹുസൈൻ സർവകലാശാല ടീമിലേക്കുള്ള കോച്ചിങ് ക്യാമ്പിലേക്ക് തിരഞ്ഞെടുക്കപ്പെട്ട കളിക്കാരുടെ പേരുകൾ പ്രഖാപിച്ചു.
മുൻ ഇന്ത്യൻ കോച്ച് സതീവൻ ബാലൻ, എ.ഐ.എഫ്.എഫ് റഫറീസ് അസസർ സജേഷ്, ഇന്ത്യൻ ആംബ്യൂട്ട്ടി ഫുട്ബാൾ ടീം ക്യാപ്റ്റൻ എസ്.ആർ. വൈശാഖ് എന്നിവർ വിശിഷ്ടാതിഥികളായി. ഫാദർ ബോണി അഗസ്റ്റിൻ സ്വാഗതവും നിയാസ് റഹ്മാൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.