യുവാവ് പെട്രോൾ ഒഴിച്ച് അഗ്നിക്കിരയാക്കിയ കൊളത്തറയിലെ വീട്ടുമുറ്റത്ത് നിര്‍ത്തിയിട്ട വാഹനങ്ങള്‍
ഫറോക്ക്: കൊളത്തറയില്‍ വീട്ടുമുറ്റത്ത് നിര്‍ത്തിയിട്ടിരുന്ന വാഹനങ്ങള്‍ തീയിട്ട് നശിപ്പിച്ചു. കൊളത്തറ വല്ലിക്കാട് ആനന്ദകുമാറിന്റെ വീട്ടുമുറ്റത്ത് നിര്‍ത്തിയിട്ടിരുന്ന കാറും ഇരുചക്ര വാഹനവുമാണ് പെട്രോളൊഴിച്ച് കത്തിച്ചത്. ഞായറാഴ്ച പുലര്‍ച്ചെയായിരുന്നു സംഭവം.
വീട്ടുവളപ്പില്‍ കയറിയ യുവാവ് വാഹനങ്ങള്‍ പെട്രോളൊഴിച്ച് കത്തിക്കുന്ന ദൃശ്യങ്ങള്‍ വീട്ടിലെ സി.സി.ടി.വി കാമറയില്‍ പതിഞ്ഞിട്ടുണ്ട്. പെട്രോള് കുപ്പികളുമായി യുവാവ് നടന്നുവരുന്നതും തുടര്‍ന്ന് വാഹനങ്ങളില്‍ പെട്രോളൊഴിക്കുകയും തീകൊളുത്തുന്നതും ശേഷം ഓടിരക്ഷപ്പെടുന്നതുമാണ് ദൃശ്യങ്ങളിലുള്ളത്.
ഈ ദൃശ്യങ്ങള്‍ കേന്ദ്രീകരിച്ച് പൊലീസ് അന്വേഷണം തുടങ്ങി. വീട്ടുമുറ്റത്ത് തീ ആളിപ്പടരുന്നതുകണ്ട വഴിയാത്രക്കാരാണ് അഗ്നിരക്ഷാസേനയെ വിവരമറിയിച്ചത്. സമയോചിത ഇടപെടല്‍ കാരണം വീട്ടിലേക്ക് തീപടരാതെ രക്ഷപ്പെട്ടു. ബന്ധുക്കളുമായി നേരത്തെ സ്വത്തുതര്‍ക്കമുണ്ടായിരുന്നതായും കഴിഞ്ഞയാഴ്ച വീടിനുനേരെ ആക്രമണം നടന്നിരുന്നതായും ആനന്ദകുമാര്‍ നല്ലളം പൊലീസിന് മൊഴിനല്‍കിയിട്ടുണ്ട്. ഇതുസംബന്ധിച്ചും പൊലീസ് അന്വേഷണം നടത്തുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.