സഹപാഠിക്കായി ജെ.ഡി.ടി വിദ്യാർഥികളുടെ നേതൃത്വത്തിൽ നിർമ്മിച്ച വീട്
വെള്ളിമാടുകുന്ന്: വീടെന്നത് സ്വപ്നം മാത്രമായിരുന്ന കൂട്ടുകാരിക്കും കുടുംബത്തിനും വീട് നിർമിച്ചു നൽകി ജെ.ഡി.ടി ഇസ്ലാം ഹൈസ്കൂൾ വിദ്യാർഥികൾ. പാഠപുസ്തകങ്ങളിൽ നിന്ന് പഠിച്ച നന്മയുടെ നല്ല പാഠങ്ങൾ ജീവിതത്തിൽ പ്രാവർത്തികമാക്കിയാണ് സ്കൂളിൽ ആവിഷ്കരിച്ച സാന്ത്വനതീരം പദ്ധതിയുടെ ഭാഗമായി വിദ്യാർഥികളും പി.ടി.എയും മാനേജ്മെൻറും ചേർന്ന് വീട് നിർമിച്ചു നൽകിയത്. വിദ്യാർഥികൾ മുന്നിട്ടിറങ്ങിയപ്പോൾ നിരവധിപേർ വീട് നിർമാണത്തിന് സഹകരിച്ചു.
ജെ.ഡി.ടി ഇസ്ലാം പ്രസിഡൻറ് സി.പി. കുഞ്ഞുമുഹമ്മദ് വീടി‍െൻറ താക്കോൽ കുടുംബത്തിന് കൈമാറി. ചടങ്ങിൽ സ്കൂൾ ഹെഡ്മാസ്റ്റർ ഇ. അബ്ദുൽ ഗഫൂർ, പി.ടി.എ പ്രസിഡൻറ് അബ്ദുൽ ജബ്ബാർ, അധ്യാപകരായ കെ. അഷ്റഫ്, കെ.കെ. അബ്ദുൽ മജീദ്, പി. ഹാരിസ് എന്നിവർ സംബന്ധിച്ചു. മുഖ്യമന്ത്രി, വിദ്യാഭ്യാസ മന്ത്രി, മറ്റു ജനപ്രതിനിധികൾ, വിദ്യാഭ്യാസ വകുപ്പ് ഉദ്യോഗസ്ഥർ തുടങ്ങിയവർ ഓൺലൈനായി ആശംസകൾ നേർന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.