തെയ്യത്തുംകടവ് തോണി അപകടത്തിന് 42 വയസ്സ്

കൊ​ടി​യ​ത്തൂ​ർ: മൂ​ന്നു​പേ​രു​ടെ ജീ​വ​ൻ ന​ഷ്ട​പ്പെ​ടു​ത്തി ഒ​രു നാ​ടി​നെ​യും നാ​ട്ടു​കാ​രെ​യും ക​ണ്ണീ​രി​ലാ​ഴ്ത്തി​യ തോ​ണി അ​പ​ക​ട​ത്തി​ന് ഇ​ന്ന് 42 വ​യ​സ്സ്. 1982 ജൂ​ലൈ 15ന് ​കൊ​ടി​യ​ത്തൂ​ർ തെ​യ്യ​ത്തും​ക​ട​വി​ൽ ഇ​രു​വ​ഴി​ഞ്ഞി​പ്പു​ഴ​യി​ലാ​യി​രു​ന്നു ദാ​രു​ണ സം​ഭ​വം. കൊ​ടി​യ​ത്തൂ​രി​ൽ​നി​ന്ന് ചേ​ന്ദ​മം​ഗ​ല്ലൂ​രി​ലേ​ക്ക് നീ​ങ്ങു​ക​യാ​യി​രു​ന്ന തോ​ണി വ​ഴി​യി​ൽ​വെ​ച്ച് മ​റി​യു​ക​യാ​യി​രു​ന്നു. അ​പ​ക​ട​ത്തി​ൽ സാം​സ്കാ​രി​ക നാ​യ​ക​നാ​യ ബി.​പി. മൊ​യ്തീ​നും എ.​എം. ഉ​സ്സ​ൻ​കു​ട്ടി​യും പി​ഞ്ചു​ബാ​ല​നാ​യ അം​ജ​ദ് മോ​നും മ​രി​ച്ചു.

ബി.​പി. മൊ​യ്തീ​ന് നീ​ന്ത​ൽ വ​ശ​മു​ണ്ടാ​യി​ട്ടും അ​പ​ക​ട​ത്തി​ൽ​പെ​ട്ട സ​ഹ​യാ​ത്രി​ക​രെ ര​ക്ഷ​പ്പെ​ടു​ത്താ​നു​ള്ള ശ്ര​മ​ത്തി​ൽ ഒ​ഴു​ക്കി​ൽ​പെ​ട്ട് മു​ങ്ങി​പ്പോ​വു​ക​യാ​യി​രു​ന്നു. തോ​ണി അ​പ​ക​ട​ത്തി​ൽ​പ്പെ​ട്ട​വ​രെ ര​ക്ഷി​ച്ച​തി​ന് ധീ​ര​ത​ക്കു​ള്ള രാ​ഷ്ട്ര​പ​തി​യു​ടെ മ​ര​ണാ​ന​ന്ത​ര ബ​ഹു​മ​തി​യും അ​ദ്ദേ​ഹ​ത്തി​ന് ല​ഭി​ച്ചി​ട്ടു​ണ്ട്.

മു​ക്ക​ത്തെ ബ​ലി​യ​മ്പ്ര ത​റ​വാ​ട്ടി​ൽ പി​റ​ന്ന മൊ​യ്തീ​ൻ മു​ക്ക​ത്തെ​യും കോ​ഴി​ക്കോ​ട്ടെ​യും സാ​മൂ​ഹി​ക സാം​സ്കാ​രി​ക രം​ഗ​ങ്ങ​ളി​ൽ നി​റ​സാ​ന്നി​ധ്യ​മാ​യി​രു​ന്നു. സി​നി​മ -സാം​സ്കാ​രി​ക മേ​ഖ​ല​ക​ളി​ലെ പ​ങ്കാ​ളി​ത്ത​വും കാ​ഞ്ച​ന​മാ​ല​യു​മാ​യു​ള്ള പ്ര​ണ​യ​വും മൊ​യ്തീ​നെ ശ്ര​ദ്ധേ​യ​മാ​ക്കി​യി​രു​ന്നു.

മൊ​യ്തീ​ന്റെ ഓ​ർ​മ​ക്കാ​യി തെ​യ്യ​ത്തും​ക​ട​വി​ൽ ബി.​പി. മൊ​യ്തീ​ൻ പാ​ർ​ക്കും ന​ഗ​ര​സ​ഭ സ്ഥാ​പി​ച്ചി​ട്ടു​ണ്ട്. വി​വി​ധ​ത​രം ചെ​ടി​ക​ളും പേ​ര​മ​ര​വും ഇ​രി​പ്പി​ട​വും ഇ​വി​ടെ സ​ജ്ജീ​ക​രി​ച്ചി​ട്ടു​ണ്ട്. ബി.​പി. മൊ​യ്തീ​ന്റെ ചി​ത്ര​വും സം​ക്ഷി​പ്ത ജീ​വ​ച​രി​ത്ര​വും ഇ​വി​ടെ കാ​ണാം.