സ്വ​ന്തം കെ​ട്ടി​ട​വും സ്ഥി​രം ന്യാ​യാ​ധി​കാ​രി​യു​മി​ല്ലാ​തെ കു​റ്റ്യാ​ടി ഗ്രാ​മ ന്യാ​യാ​ല​യ

കു​റ്റ്യാടി: സ്വ​ന്തം കെ​ട്ടി​ട​വും സ്ഥി​രം ന്യാ​യാ​ധി​കാ​രി​യു​മി​ല്ലാ​തെ കു​റ്റ്യാ​ടി ഗ്രാ​മ ന്യാ​യാ​ല​യ. 2016ൽ ​സ്ഥാ​പി​ത​മാ​യ ഇ​വി​ടെ ആ​ദ്യ കാ​ല​ത്ത്​ മാ​ത്ര​മാ​ണ്​ സ്​​ഥി​രം ന്യാ​യാ​ധി​കാ​രി ഉ​ണ്ടാ​യി​രു​ന്ന​ത്.​ ഇ​പ്പോ​ൾ പേ​രാ​മ്പ്ര മു​ൻ​സി​ഫ്​ മ​ജി​സ്​​ട്രേ​റ്റി​നാ​ണ്​ ചു​മ​ത​ല. മാ​സം ര​ണ്ടു ദി​വ​സം മാ​ത്ര​മാ​ണ്​ സി​റ്റി​ങ്. ആ​ദ്യ ശ​നി​യാ​ഴ്ച​യും മൂ​ന്നാം ശ​നി​യാ​ഴ്ച​യും. സ്ഥി​രം ന്യാ​യാ​ധി​കാ​രി ഉ​ണ്ടെ​ങ്കി​ൽ എ​ല്ലാ പ്ര​വൃ​ത്തി ദി​ന​ങ്ങ​ളി​ലും കേ​സു​ക​ൾ എ​ടു​ക്കാം. ഇ​പ്പോ​ൾ മു​ന്നൂ​റോ​ളം കേ​സു​ക​ളി​ൽ തീ​ർ​പ്പു​ക​ൽ​പി​ക്കാ​നു​ണ്ട്.

സ്​​ഥി​രം ന്യാ​യാ​ധി​കാ​രി​യെ നി​യ​മി​ച്ചാ​ൽ സ്ഥാ​ന​ക്ക​യ​റ്റം കി​ട്ടു​ന്ന​തോ​ടെ സ്​​ഥ​ലം​മാ​റി​പ്പോ​കു​ന്ന സ്​​ഥി​തി​യാ​ണ്. പി​ന്നീ​ട്​ പ​രി​സ​ര​ങ്ങ​ളി​ലെ മ​ജി​സ്​​ട്രേ​റ്റ്​ കോ​ട​തി​ക​ളി​ലെ​യോ മു​ൻ​സി​ഫ്​ കോ​തി​ക​ളി​ലെ​യോ മ​ജി​സ്​​ട്രേ​റ്റു​മാ​ർ​ക്ക്​ ചാ​ർ​ജ്​ ന​ൽ​ക​ലാ​യി​രി​ക്കും സ്ഥി​തി. ഇ​വി​ടെ​യു​ള്ള ജീ​വ​ന​ക്കാ​രും സ്ഥി​ര​ക്കാ​ര​ല്ല. മ​റ്റ്​ കോ​ട​തി​ക​ളി​ൽ നി​ന്ന്​ മാ​റ്റ​പ്പെ​ട്ട​വ​രാ​ണ്. അ​വ​രു​ടെ ശ​മ്പ​ളം ഇ​വി​ടെ​യാ​ണെ​ങ്കി​ലും സ​ർ​വി​സ്​ കാ​ര്യ​ങ്ങ​ൾ മാ​തൃ ഓ​ഫി​സു​ക​ളി​ലാ​ണ്​ കൈ​കാ​ര്യം ചെ​യ്യു​ന്ന​ത്.

ജി​ല്ല​യി​ൽ കു​റ്റ്യാ​ടി​യി​ലും കൊ​ടു​വ​ള്ളി​യി​ലു​മാ​ണ്​ ഗ്രാ​മ​ന്യാ​യാ​ല​യ​ങ്ങ​ളു​ള്ള​ത്. കൊ​ടു​വ​ള്ളി ന്യാ​യാ​ല​യ താ​മ​ര​ശ്ശേ​രി കോ​ട​തി​യോ​ട​നു​ബ​ന്ധി​ച്ചാ​ണ്​ പ്ര​വ​ർ​ത്തി​ക്കു​ന്ന​ത്. എ​ന്നാ​ൽ, കു​റ്റ്യാ​ടി​യി​ലേ​ത്​ തു​ട​ക്കം മു​ത​ൽ പു​രാ​വ​സ്​​തു വ​കു​പ്പി​ന്റെ അ​ധീ​ന​ത​യി​ലു​ള്ള സം​ര​ക്ഷി​ത സ്മാ​ര​ക​മാ​യ പ​ഴ​യ സ​ബ്​ ര​ജി​സ്ട്രാ​ർ ഓ​ഫി​സ്​ കെ​ട്ടി​ട​ത്തി​ലാ​ണ്​. കെ​ട്ടി​ടം പോ​റ​ലേ​ൽ​ക്കാ​തെ സൂ​ക്ഷി​ക്ക​ണം. ചു​മ​രി​ൽ ആ​ണി​യ​ടി​ക്കാ​ൻ പോ​ലും പാ​ടി​ല്ല. കു​ടി​യൊ​ഴി​പ്പി​ക്ക​ൽ ഭീ​ഷ​ണി​യി​ലു​മാ​ണ്.

എ​ട്ടു വ​ർ​ഷ​മാ​യി​ട്ടും സ്വ​ന്തം കെ​ട്ടി​ട​മു​ണ്ടാ​ക്കു​ന്ന​തി​ന് സ്ഥ​ലം ക​ണ്ടെ​ത്തു​ന്ന​തി​ന്​ ഗ്രാ​മ​പ​ഞ്ചാ​യ​ത്തി​ന്​ ക​ഴി​ഞ്ഞി​ട്ടി​ല്ല. സ​ർ​ക്കാ​ർ സ്ഥാ​പ​ന​ങ്ങ​ൾ പ​രി​മി​ത​മാ​യ കു​റ്റ്യാ​ടി​യി​ൽ​നി​ന്ന്​ ഗ്രാ​മ​ന്യാ​യാ​ല​യ​വും ന​ഷ്ട​പ്പെ​ടു​ന്ന സ്ഥി​തി​യാ​ണെ​ന്ന്​ നാ​ട്ടു​കാ​ർ ആ​ശ​ങ്ക​പ്പെ​ടു​ന്നു. സാ​മൂ​ഹി​ക കാ​ര​ണ​ങ്ങ​ളാ​ൽ ഒ​രു പൗ​ര​നും നീ​തി ല​ഭി​ക്കു​ന്ന​തി​നു​ള്ള അ​വ​സ​ര​ങ്ങ​ൾ നി​ഷേ​ധി​ക്കു​ന്നി​ല്ലെ​ന്ന്​ ഉ​റ​പ്പു​വ​രു​ത്താ​നാ​ണ്​ താ​ഴെ​ത്ത​ട്ടി​ൽ ന്യാ​യാ​ല​യ​ങ്ങ​ൾ സ്ഥാ​പി​ക്കു​ന്ന​ത്. മൂ​ന്നു വ​ർ​ഷം​വ​രെ ത​ട​വു ല​ഭി​ക്കു​ന്ന കേ​സു​ക​ളാ​ണ്​ ഈ ​കോ​ട​തി​യി​ൽ പ​രി​ഗ​ണി​ക്കു​ന്ന​ത്. ദ​മ്പ​തി​മാ​ർ ത​മ്മി​ലു​ള്ള കേ​സു​ക​ളും ഇ​വി​ടെ കേ​ൾ​ക്കു​ന്നു. കു​ന്നു​മ്മ​ൽ ബ്ലോ​ക്കി​ലെ ഏ​ഴു പ​ഞ്ചാ​യ​ത്തു​ക​ൾ കു​റ്റ്യാ​ടി ന്യാ​യാ​ല​യ​യു​ടെ പ​രി​ധി​യി​ൽ വ​രും.