കോഴിക്കോട്-ബംഗളൂരു സ്വിഫ്റ്റ് സർവിസിന് തുടക്കം

കോഴിക്കോട്: കോഴിക്കോട്-ബംഗളൂരു റൂട്ടിൽ കെ.എസ്.ആർ.ടി.സിയുടെ സ്വിഫ്റ്റ് സർവിസിന് തുടക്കം. ചൊവ്വാഴ്ച ഉച്ചക്ക് 12 മണിക്കും രാത്രി ഏഴു മണിക്കുമാണ് ആദ്യ ദിനം സർവിസ് നടത്തിയത്. ഉച്ചക്ക് നാലു പേരും രാത്രി അഞ്ചു പേരുമായാണ് സർവിസ് നടത്തിയത്.

നിലവിലുള്ള കെ.എസ്.ആർ.ടി.സിയുടെ ബംഗളൂരു സർവിസിനൊപ്പം തന്നെയാണ് ആദ്യദിനസ്വിഫ്റ്റ് സർവിസുമെന്നതിനാലാണ് ആളുകൾ കുറഞ്ഞത് എന്നാണ് അധികൃതരുടെ വിശദീകരണം. വരും ദിവസങ്ങളിൽ കൂടുതൽ സ്വിഫ്റ്റ് ബസുകൾ കോഴിക്കോട്ടുനിന്ന് ബംഗളൂരുവിലേക്ക് സർവിസ് നടത്തും. നിലവിൽ ദിവസേന നാല് എ.സി. സെമി സ്ലീപർ ബസുകളാണ് ഷെഡ്യൂൾ ചെയ്തിരിക്കുന്നത്.

സമയക്രമം:

രാവിലെ 8.30 (വഴി : കൽപറ്റ ബത്തേരി മൈസൂർ- ടിക്കറ്റ് നിരക്ക്: 703 രൂപ), ഉച്ചക്ക് 12 മണി (വഴി: കൽപറ്റ ബത്തേരി മൈസൂർ ടിക്കറ്റ് നിരക്ക്: 691), രാത്രി ഏഴു മണി (കോഴിക്കോട്-ബാംഗളൂരു വഴി: കൽപറ്റ മാനന്തവാടി മൈസൂരു ടിക്കറ്റ് നിരക്ക് 761 രൂപ), രാത്രി പത്തു മണി (വഴി: കൽപറ്റ മാനന്തവാടി-മൈസൂരു -ടിക്കറ്റ് നിരക്ക് : 771 രൂപ).

ബംഗളൂരുവിൽനിന്ന് കോഴിക്കോട്ടേക്കുള്ള സർവിസുകൾ: ഉച്ച 12:00 (വഴി: മൈസൂരു ബത്തേരി കൽപറ്റ ടിക്കറ്റ് നിരക്ക്: 759), രാത്രി 08:30 (വഴി: മൈസൂരു മാനന്തവാടി -കൽപറ്റ ടിക്കറ്റ് നിരക്ക്: 848) രാത്രി 10:30 ( വഴി: മൈസൂരു ബത്തേരി കൽപറ്റ ടിക്കറ്റ് നിരക്ക്: 774) രാത്രി 11:45 (വഴി: മൈസൂരു ബത്തേരി കൽപറ്റ ടിക്കറ്റ് നിരക്ക്: 759) www.online.keralartc.com എന്ന സൈറ്റിൽനിന്നോ 'ENTE KSRTC ' ആപ്ലിക്കേഷനിൽ നിന്നോ മുൻകൂട്ടി സീറ്റുകൾ റിസർവ് ചെയ്യാം.

ഉ​ര​സി, ഉ​ര​സി ഉ​ദ്​​ഘാ​ട​നം

കോ​ഴി​ക്കോ​ട്​: തി​രു​വ​ന​ന്ത​പു​ര​ത്തു​നി​ന്ന്​ കോ​ഴി​ക്കോ​ട്ടേ​ക്ക്​ സ​ർ​വി​സ്​ ആ​രം​ഭി​ച്ച ആ​ദ്യ​ബ​സ്​ മാ​വൂ​ർ റോ​ഡ്​ ബ​സ്​ ടെ​ർ​മി​ന​ലി​ൽ ക​യ​റി​യ ആ​ദ്യ ദി​നം ത​ന്നെ മ​റ്റൊ​രു ബ​സി​ൽ ഉ​ര​സി പെ​യി​ന്‍റ്​ ഇ​ള​കി. ഇ​ൻ​ഡി​ക്കേ​റ്റ​റി​ന​ടു​ത്ത്​ കേ​ടു​പാ​ടു സം​ഭ​വി​ച്ചു. വ​ള​രെ പ്ര​യാ​സ​പ്പെ​ട്ടാ​ണ്​ സ്വി​ഫ്​​റ്റ്​ ബ​സു​ക​ൾ കോ​ഴി​ക്കോ​ട്​ ബ​സ്​​സ്​​റ്റാ​ൻ​ഡി​ൽ പ്ര​വേ​ശി​ക്കു​ന്ന​ത്. അ​ശാ​സ്ത്രീ​യ​മാ​യി നി​ർ​മി​ച്ച സ്റ്റാ​ൻ​ഡി​ൽ നി​റ​യെ തൂ​ണു​ക​ളാ​യ​തി​നാ​ൽ ഇ​തി​നി​ട​യി​ൽ ബ​സു​ക​ൾ പ്ര​വേ​ശി​പ്പി​ക്ക​ൽ വ​ലി​യ സാ​ഹ​സ​മാ​ണ്. സ്വി​ഫ്​​റ്റ്​ ഡ്രൈ​വ​ർ​മാ​ർ പു​തു​മു​ഖ​ങ്ങ​ളാ​യ​തി​നാ​ൽ സ്റ്റാ​ൻ​ഡി​ന​ക​ത്തെ ഡ്രൈ​വി​ങ്​​ ക​ടു​ത്ത പ​രീ​ക്ഷ​ണ​മാ​വു​ക​യാ​ണ്.
പ​രി​ച​യ​സ​മ്പ​ന്ന​രാ​യ കെ.​എ​സ്.​ആ​ർ.​ടി.​സി ഡ്രൈ​വ​ർ​മാ​ർ​പോ​ലും ഇ​വി​ടെ തൂ​ണി​ലു​ര​ക്ക​ൽ പ​തി​വാ​ണ്. കോ​ഴി​ക്കോ​ട്​ ബ​സ്​​സ്റ്റാ​ൻ​ഡി​ൽ ഉ​ര​സി​യ ബ​സ് ക​ന്നി​യാ​ത്ര​യി​ൽ​ ക​ല്ല​മ്പ​ല​ത്ത്​ അ​പ​ക​ട​മു​ണ്ടാ​ക്കി​യി​രു​ന്നു. 35,000 രൂ​പ​യോ​ളം വി​ല​യു​ള്ള സൈ​ഡ്​​ മി​റ​ർ ഇ​ള​കി​​പ്പോ​യി​രു​ന്നു. ഇ​തേ ബ​സ്​ തി​രി​ച്ച്​ തി​രു​വ​ന​ന്ത​പു​ര​ത്തേ​ക്ക്​ പോ​കു​മ്പോ​ൾ മ​ല​പ്പു​റം ച​ങ്കു​വെ​ട്ടി​യി​ൽ സ്വ​കാ​ര്യ​ബ​സി​ലു​ര​സി പെ​യി​ന്‍റി​ള​കി.