നാദാപുരം: കടമേരിയിൽ ആക്രമിസംഘം നാട്ടുകാരെ ആക്രമിച്ചതിനെ തുടർന്ന് നിരവധിപേർക്ക് പരിക്കേറ്റു. പരിക്കേറ്റ വെള്ളിലോട്ട് അബ്ദുല്ല, സലാം, ഫൈസൽ എന്നിവരെ നാദാപുരം താലൂക്ക് ആശുപത്രിയിൽ പ്രവേശിപ്പിച്ചു. ചൊവ്വാഴ്ച രാത്രി എേട്ടാടെയാണ് സംഭവം. കടമേരി കീരിയങ്ങാടി റോഡിൽ പാറേമ്മൽ നിയാസിെൻറ വീട്ടിൽ വൈകീട്ട് അേഞ്ചാടെ എത്തിയ സംഘമാണ് നാട്ടുകാരെ ആക്രമിച്ചത്.
നേരത്തേ കഞ്ചാവ് കേസിൽ അറസ്റ്റിലായി ജാമ്യത്തിൽ ഇറങ്ങിയ നിയാസിെൻറ വീട്ടിലാണ് കണ്ണൂരിൽ നിന്നും രണ്ടു കാറുകളിലായെത്തിയ അക്രമിസംഘം അഴിഞ്ഞാടിയത്. മയക്കുമരുന്ന് വിതരണവുമായി ബന്ധപ്പെട്ട സാമ്പത്തിക ഇടപാട് പ്രശ്നം നിയാസുമായി ചർച്ച ചെയ്യാനാണ് ഇവർ ഇവിടെ എത്തിയതെന്നാണ് നാട്ടുകാർ പറയുന്നത്.
ചർച്ച നടക്കുന്നതിനിടെ സംഘം അക്രമാസക്തരാവുകയും ആയുധങ്ങളുമായി വീട്ടുകാർക്കെതിരെ തിരിയുകയുമായിരുന്നു. ബഹളം കേട്ട് നാട്ടുകാർ ഓടിക്കൂടി. ഇതിനിടെ നാട്ടുകാരെയും ആയുധങ്ങൾ ഉപയോഗിച്ച് ഭയപ്പെടുത്തി ആക്രമിച്ചു.
സംഘം എത്തിയ രണ്ടു കാറുകൾ പൊലീസ് കസ്റ്റഡിയിലെടുത്തിട്ടുണ്ട്. ആക്രമണം നടന്ന വീട്ടിൽ നിന്ന് യുവതിയടക്കം നാലുപേരെ പൊലീസ് കസ്റ്റഡയിലെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.