നിസാർ
കോഴിക്കോട്: സ്വർണമെന്ന വ്യാജേന മുക്കുപണ്ടം പണയംവെച്ച് സ്വകാര്യ ധനകാര്യ സ്ഥാപനത്തിൽനിന്ന് മൂന്നരലക്ഷം രൂപയോളം തട്ടിയ കേസിൽ ഒരാൾ അറസ്റ്റിൽ. മലപ്പുറം വാഴക്കാട് സ്വദേശി ആക്കോട് ചെറുതൊടിക സി. നിസാറിനെയാണ് (40) ടൗൺ പൊലീസ് അറസ്റ്റ് ചെയ്തത്. മാർച്ച് ഒമ്പത്, 14 തീയതികളിലായി ഇയാൾ കോഴിക്കോട് പാളയത്തെ ചെമ്മന്നൂർ ക്രെഡിറ്റ് ആൻഡ് ഇൻവെസ്റ്റ്മെന്റ് ലിമിറ്റഡിൽ 12 വളകൾ സ്വർണമാണെന്ന് പറഞ്ഞ് പണയംവെച്ച് 3,43,700 രൂപ വായ്പയായി വാങ്ങുകയായിരുന്നു.
പിന്നീട് മാർച്ച് 19ന് വീണ്ടും അഞ്ച് വ്യാജ സ്വർണ വളകളുമായി എത്തുകയായിരുന്നു. പരിശോധനക്കിടെ സ്വർണമല്ലെന്ന് കണ്ടെത്തിയതോടെ സ്ഥാപന അധികൃതർ പൊലീസിൽ പരാതി നൽകുകയായിരുന്നു. പിന്നാലെയാണ് ഇയാളെ അറസ്റ്റ് ചെയ്തത്. എസ്.ഐമാരായ സിയാദ്, ഷബീർ, എ.എസ്.ഐ സജീവൻ തുടങ്ങിയവരാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.