ലീഗ്​ കോട്ട തകർക്കാൻ കുതിരപ്പുറമേറി കുഞ്ഞാണിയുടെ 'റോഡ് ഷോ'

മുസ്‌ലിം ലീഗി​െൻറ കോട്ട തകർക്കാൻ കുതിരപ്പുറമേറി കുഞ്ഞാണിയുടെ വോട്ടുതേടൽ. കരുവാരകുണ്ട് പുൽവെട്ട വാർഡിലെ ഇടത് സ്ഥാനാർഥി ഇറശ്ശേരി അബൂബക്കർ എന്ന കുഞ്ഞാണിയാണ് പുൽവെട്ട അങ്ങാടിയിൽ കുതിരപ്പുറത്ത് റോഡ് ഷോ നടത്തിയത്.

സുഹൃത്ത്​ പുന്നക്കാട്ടെ നടുത്തളയൻ അസ്ക്കറി​െൻറ കുതിരയെ കിട്ടിയപ്പോൾ കുഞ്ഞാണിയിലെ സാഹസികത ഉണരുകയായിരുന്നു. സെക്യൂരിറ്റി, ലോഡിങ്, ബസ് ഡ്രൈവർ തുടങ്ങി എല്ലാമാണ്​ കുഞ്ഞാണി.

എക്കാലത്തും മുസ്‌ലിം ലീഗിനെ മാത്രം തുണച്ചിരുന്ന പുൽവെട്ട 2010ൽ ലീഗിനെ ഞെട്ടിച്ച് 84 വോട്ടിന് കുഞ്ഞാണിയെ ജയിപ്പിച്ചിരുന്നു. ഇടവേളക്ക് ശേഷം ജയം ആവർത്തിക്കാനാണ് രണ്ടാം വരവ്. മുസ്‌ലിം ലീഗിലെ സി. മുഹമ്മദലിയും കോൺഗ്രസിലെ സി.പി. കുഞ്ഞാലനുമാണ് മറുഭാഗത്ത്.