അച്​ഛനാരാ മോൻ...!

രാഷ്​ട്രീയ കേരളത്തി​ൽ നിയമസഭയിലെത്തി മികച്ച പ്രകടനം കാഴ്​ചവെച്ച പ്രമുഖ നേതാക്കളും അവരു​െട മക്കളുമുണ്ട്​. ജില്ലയിൽനിന്ന്​ വിവിധ കാലങ്ങളിൽ നിയമസഭയിലെത്തിയവരെക്കുറിച്ച്....

ബാപ്പയുടെ വഴിയേ മകനും

മലപ്പുറം: മുസ്​ലിം ലീഗിലെ എക്കാലത്തെയും മികച്ച നേതാക്കളിലൊരാളായ പത്തായക്കോടൻ സീതി ഹാജി എന്ന പി. സീതി ഹാജി. ആദ്യമായി നിയമസഭയിലെത്തു​േമ്പാൾ അദ്ദേഹത്തി​െൻറ മകൻ പി.കെ. ബഷീറിന്​ 17 വയസ്സേ ഉണ്ടായിരുന്നുള്ളൂ. നർമം വിതറിയും കുറിക്കുകൊള്ളുന്ന മറുപടി നൽകിയും രാഷ്​ട്രീയ കേരളത്തിൽ​ നിറഞ്ഞുനിന്ന സീതി ഹാജി 1991 ഡിസംബര്‍ അഞ്ചിന് ചീഫ്​ വിപ്പായിരിക്കു​േമ്പാഴാണ്​ വിടപറയുന്നത്​. നാലുതവണ കൊണ്ടോട്ടിയിൽനിന്ന്​ ഏറ്റവും ഒടുവിൽ 1991ൽ താനൂരിൽനിന്ന്​​ അദ്ദേഹം തെരഞ്ഞെടുക്കപ്പെട്ടു​. നിയമസഭക്കകത്തും പുറത്തും ശ്രദ്ധേയനായ നേതാവായിരുന്നു സീതി ഹാജി.

അദ്ദേഹത്തി​െൻറ എട്ടുമക്കളിൽ മൂന്നാമനായ ബഷീർ വിദ്യാർഥി രാഷ്​ട്രീയത്തിലൂടെയാണ്​​ പിച്ചവെച്ച്​ വളർന്നത്​​. 22ാം വയസ്സിൽ എടവണ്ണ സർവിസ്​ സഹകരണ ബാങ്ക്​ പ്രസിഡൻറായി. പിന്നീട്​ രണ്ടുതവണ എടവണ്ണ ഗ്രാമപഞ്ചായത്ത്​ പ്രസിഡൻറായി. ബഷീറി​െൻറ ഏഴു സഹോദരങ്ങളിൽ ശംസുദ്ദീൻ മാത്രമാണ്​ പഞ്ചായത്ത്​ അംഗമായത്​. മറ്റാരും പിതാവി​െൻറ വഴിയേ തെരഞ്ഞെടുപ്പ്​ രാഷ്​ട്രീയത്തിലേക്ക്​ വന്നില്ല. എന്നാൽ, ബഷീർ നടന്നത്​ ബാപ്പയുടെ വഴിയേയാണ്​, വിജയകരമായി​.

സീതി ഹാജി മരിച്ച്​ 20 വർഷം കഴിഞ്ഞാണ്​ ബഷീറിന്​ നിയമസഭയിലേക്ക്​ മത്സരിക്കാൻ ആദ്യമായി അവസരം ലഭിച്ചത്​. സ്വന്തം പഞ്ചായത്തായ എടവണ്ണകൂടി ഉൾപ്പെടുന്ന ഏറനാട്​ മണ്ഡലത്തിൽനിന്ന്​ 2011ലാണ്​ നിയമസഭയിലെത്തിയത്​. മണ്ഡലത്തിനും സ്​ഥാനാർഥിക്കും കന്നിയങ്കമായിരുന്നു ആ തെരഞ്ഞെടുപ്പിൽ. 2016ലും ഏറനാട്ടിൽ ജയം ആവർത്തിച്ചു. 2021ൽ മത്സരിക്കാനുള്ള ലീഗ്​ സ്ഥാനാർഥികളെ പാർട്ടി അധ്യക്ഷൻ പാണക്കാട്​ ഹൈദരലി തങ്ങൾ പ്രഖ്യാപിക്കുന്നതിന്​ മുമ്പുതന്നെ ഏറനാട്ടിൽ ബഷീർ സീറ്റുറപ്പിച്ചിരുന്നു. മൂന്നാം അങ്കത്തിന്​ തയാറെടുക്കുന്നതിന്​ തൊട്ടുമുമ്പ്​ സീതിഹാജിയുടെ പേരിൽ സ്ഥാപിച്ച സൗജന്യ അർബുദ നിർണയ ആശുപത്രിയുടെ ഉദ്​ഘാടനം നിർവഹിക്കാനായി.  

അവുക്കാദർകുട്ടി നഹയും മകൻ അബ്​ദുറബ്ബും

1954ൽ മലബാർ ഡിസ്ട്രിക്റ്റ്​ ബോർഡിലേക്ക് തെരഞ്ഞെടുക്കപ്പെട്ടതോടെ പാർലമെൻററി രാഷ്​ട്രീയത്തിലേക്ക്​ കാലെടുത്തുവെച്ചയാളാണ്​ കെ. അവുക്കാദർ കുട്ടി നഹ. 1957 മുതൽ 1987 വരെ നീണ്ട മൂന്നുപതിറ്റാണ്ട്​ തോൽവിയറിയാതെ അദ്ദേഹം തിരൂരങ്ങാടിയുടെ ജനപ്രതിനിധിയായി. അഹമ്മദ് കുരിക്കളുടെ മരണത്തോടെ ഇ.എം.എസ് മന്ത്രിസഭയിൽ അംഗമായി. പിന്നീട് ലീഗ് അധികാരം പങ്കിട്ട സർക്കാറുകളിൽ തദ്ദേശ സ്വയംഭരണം, ഫിഷറീസ്, സിവിൽ സപ്ലൈസ്, പൊതുമരാമത്ത്​ തുടങ്ങിയ വകുപ്പുകൾ കൈകാര്യം ചെയ്തു.

സി.എച്ച്. മുഹമ്മദ് കോയയുടെ മരണത്തെ തുടർന്ന് മൂന്നര വർഷം ഉപമുഖ്യമന്ത്രിയുമായി. അവുക്കാദർക്കുട്ടി നഹ അധികാര രാഷ്​ട്രീയത്തിൽനിന്ന് വിട്ടുനിന്നതോടെ തിരൂരങ്ങാടിയുടെ ജനപ്രതിനിധിയായെത്തിയത് ബന്ധുവായ സി.പി. കുഞ്ഞാലിക്കുട്ടി കേയി. എന്നാൽ, നാട്ടുകാരുടെ സമ്മർദത്തെ തുടർന്ന് നഹയുടെ സീമന്ത പുത്രൻ പി.കെ. അബ്​ദുറബ്ബ് 1988ൽ പരപ്പനങ്ങാടി ഗ്രാമപഞ്ചായത്തിലേക്ക് മത്സരിച്ചു. ആദ്യ മത്സരത്തിൽ തന്നെ ഗ്രാമപഞ്ചായത്ത് പ്രസിഡൻറ്​, എം.എൽ.എയായി തെരഞ്ഞെടുക്കപ്പെട്ടിട്ടും 2000 വരെ ഇരു പദവികളും ഒന്നിച്ചു വഹിച്ചു. (എം.എൽ.എ പദവിയും പഞ്ചായത്ത് പ്രസിഡൻറ്​ പദവിയും ഒന്നിച്ചു വഹിക്കാനാവി​െല്ലന്ന നിയമം വരുന്നതു വരെ).

രണ്ടുതവണ താനൂരിൽനിന്നും പിന്നീട് മഞ്ചേരി, തിരൂരങ്ങാടി മണ്ഡലങ്ങളിൽനിന്നുമായി തെരഞ്ഞെടുക്കപ്പെട്ട അബ്​ദുറബ്ബ് ഉമ്മൻ ചാണ്ടി മന്ത്രിസഭയിൽ വിദ്യാഭ്യാസ മന്ത്രിയായി. 

കെ.കെ.എസ്.​ തങ്ങളുടെ ആബിദ്​ ഹുസൈൻ

കെ.കെ. സെയ്​തുഹുസൈൻ തങ്ങൾ എന്ന കെ.കെ.എസ്.​ തങ്ങൾ 1970ലാണ്​ പെരിന്തൽമണ്ണ എം.എൽ.എയായത്​. മുസ്​ലിം ലീഗ്​ നേതാവായിരുന്ന ബാപ്പ ജനപ്രതിനിധിയാകു​േമ്പാൾ മകൻ ആബിദ്​ ഹുസൈൻ തങ്ങൾ യു.പി സ്​കൂൾ വിദ്യാർഥിയാണ്​. അടിയന്തരാവസ്ഥക്കുശേഷം 77ൽ നടന്ന തെ​രഞ്ഞെടുപ്പിലും കെ​.കെ.എസ്​. തങ്ങൾ പെരിന്തൽമണ്ണയിൽനിന്ന്​ തെരഞ്ഞെടുക്കപ്പെട്ടു. 1980വരെ പെരിന്തൽമണ്ണയുടെ എം.എൽ.എയായി തുടർന്നു.

എസ്​.ടി.യു സംസ്ഥാന പ്രസിഡൻറായിരുന്ന തങ്ങൾ തൊഴിലാളി നേതാവുകൂടിയായിരുന്നു. കർഷക സംഘത്തി​െൻറ സ്ഥാപക നേതാവും പ്രസിഡൻറുമായി​. അനാഥശാലകളുടെയും പള്ളികളുടെയും ഭാരവാഹിയും ചുമതലക്കാരനുമായി പ്രവർത്തിച്ച തങ്ങൾ 1984ൽ മരണംവരെ പൊതുരംഗത്ത്​ സജീവമായിരുന്നു.

ബാപ്പ ജനപ്രതിനിധിയായി 46 വർഷം പിന്നിട്ടതിനുശേഷം 2016ലാണ്​ ആബിദ്​ ഹുസൈൻ തങ്ങൾ കോട്ടക്കലിൽ മത്സര രംഗത്തിറങ്ങിയത്​. ഫാറൂഖ്​ കോളജിൽ സോഷ്യോളജി വിഭാഗം വകുപ്പ്​ മേധാവിയായിരിക്കു​േമ്പാഴായിരുന്നു​ നിയമസഭയിലേക്ക്​ മത്സരിക്കാൻ മുസ്​ലിം ലീഗ്​ കെ.​കെ.എസ്.​ തങ്ങളുടെ അഞ്ചുമക്കളി​െലാരാളായ ആബിദ്​ ഹുസൈന്​ അവസരം നൽകിയത്​.

കന്നിയങ്കത്തിൽ 15,042 ഭൂരിപക്ഷത്തിൽ ജയിച്ചു കയറി. രണ്ടാം തവണയാണ്​ ലീഗ്​ കോട്ടയായ കോട്ടക്കലിൽനിന്ന്​ ജനവിധി തേടുന്നത്​. മുസ്​ലിം ലീഗ്​ സംസ്ഥാന സെക്രട്ടറിമാരിലൊരാളാണ്​. കാലിക്കറ്റ്​ യൂനിവേഴ്​സിറ്റി അക്കാദമിക്​ കൗൺസിൽ, സിൻഡിക്കേറ്റ്​ അംഗം, സംസ്ഥാന ഹയർ സെക്കൻഡറി സ്​കൂൾ എജുക്കേഷനൽ കൗൺസിൽ അംഗം, എൻ.എസ്​.എസ്​ എൻജിനീയറിങ്​ കോളജുകളുടെ ​ഗവേണിങ്​ ബോഡി അംഗം തുടങ്ങിയ നിലകളിലും ആബിദ്​ ഹുസൈൻ തങ്ങൾ പ്രവർത്തിച്ചിട്ടുണ്ട്​.