എ​ക്​​സൈ​സി​​ന്റെ വ​ൻ ചാ​രാ​യ വേ​ട്ട; ടെ​റ​സി​ൽ വ്യാ​ജ​ വാ​റ്റ് കേ​ന്ദ്രം

പ​ട്ടി​ക്കാ​ട്​: ടെ​റ​സി​ന് മു​ക​ളി​ൽ മ​റ​കെ​ട്ടി വാ​റ്റ് ന​ട​ത്തി​യയാൾ എ​ക്സൈ​സി​ന്റെ പി​ടി​യി​ൽ. ഓ​ണ​വി​പ​ണി ല​ക്ഷ്യ​മി​ട്ട് ചാ​രാ​യം ത​യാ​റാ​ക്കി​യ വ്യാ​ജ​വാ​റ്റ് കേ​ന്ദ്രം ത​ക​ർ​ക്കു​ക​യും ചെ​യ്തു. ഓ​ണം സ്​​പെ​ഷ​ൽ ഡ്രൈ​വി​​ന്റെ ഭാ​ഗ​മാ​യി പെ​രി​ന്ത​ൽ​മ​ണ്ണ എ​ക്സൈ​സ് സി.​ഐ​യും സം​ഘ​വും മ​ണ്ണാ​ർ​മ​ല, പ​ട്ടി​ക്കാ​ട്, കാ​ര്യ​വ​ട്ടം ഭാ​ഗ​ങ്ങ​ളി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് വ്യാ​ജ​ മ​ദ്യ വി​ൽ​പ​ന​ക്കാ​ര​ൻ പി​ടി​യി​ലാ​യ​ത്.

പെ​രി​ന്ത​ൽ​മ​ണ്ണ കാ​ര്യ​വ​ട്ടം മ​ണ്ണാ​ർ​മ​ല പ​ച്ചീ​രി​യി​ലെ മേ​ച്ചേ​രി വീ​ട്ടി​ൽ ഉ​ണ്ണി​കൃ​ഷ്ണ​നാ​ണ്​ (58) പി​ടി​യി​ലാ​യ​ത്. ഇ​യാ​ളു​ടെ പേ​രി​ൽ മു​മ്പും ചാ​രാ​യം വി​ൽ​പ​ന ന​ട​ത്തി​യ​തി​ന് കേ​സു​ണ്ട്. വീ​ടി​ന്റെ മു​ക​ൾ​ഭാ​ഗ​ത്ത് ടെ​റ​സി​ൽ വ​ല കൊ​ണ്ട് മ​റ​ച്ച നി​ല​യി​ലാ​യി​രു​ന്നു വാ​റ്റു​കേ​ന്ദ്രം.​ വാ​റ്റാ​ൻ ഉ​പ​യോ​ഗി​ക്കു​ന്ന ഗ്യാ​സ് സ്റ്റൗ, ​ഗ്യാ​സ് സി​ലി​ണ്ട​ർ, വ​ലി​യ അ​ലൂ​മി​നി​യം ക​ല​ങ്ങ​ൾ, ചാ​രാ​യം നി​റ​ച്ചു വി​ൽ​പ​ന ന​ട​ത്താ​ൻ ഉ​പ​യോ​ഗി​ച്ചി​രു​ന്ന 500 എം.​എ​ൽ പ്ലാ​സ്റ്റി​ക് കു​പ്പി​ക​ൾ എ​ന്നി​വ​യും ക​ണ്ടെ​ടു​ത്തു. അ​ഞ്ച് ബാ​ര​ലു​ക​ളി​ലാ​യി സൂ​ക്ഷി​ച്ചി​രു​ന്ന 270 ലി​റ്റ​ർ വാ​ഷും 30 ലി​റ്റ​ർ ചാ​രാ​യ​വും ഇ​യാ​ളു​ടെ വീ​ട്ടി​ൽ​നി​ന്ന് ക​ണ്ടെ​ടു​ത്തു.

ചെ​റി​യ കു​പ്പി​ക​ളി​ലാ​ക്കി​യ ചാ​രാ​യം ഓ​ട്ടോ​റി​ക്ഷ​യി​ലാ​ണ് മ​ണ്ണാ​ർ​മ​ല, പ​ച്ചീ​രി, പ​ട്ടി​ക്കാ​ട്, കാ​ര്യ​വ​ട്ടം, പെ​രി​ന്ത​ൽ​മ​ണ്ണ ഭാ​ഗ​ങ്ങ​ളി​ൽ ചി​ല്ല​റ വി​ൽ​പ​ന ന​ട​ത്തി​യി​രു​ന്ന​ത്. ഓ​ട്ടോ​റി​ക്ഷ​യും പി​ടി​ച്ചെ​ടു​ത്തു. എ​ക്സൈ​സ് സി.​ഐ വി. ​അ​നൂ​പ്, അ​സി. എ​ക്സൈ​സ് ഇ​ൻ​സ്പെ​ക്ട​ർ ഗ്രേ​ഡ് കു​ഞ്ഞാ​ല​ൻ​കു​ട്ടി, പ്രി​വ​ന്റീ​വ് ഓ​ഫി​സ​ർ ഗ്രേ​ഡ് സാ​യി​റാം, സി​വി​ൽ എ​ക്സൈ​സ് ഓ​ഫി​സ​ർ​മാ​രാ​യ നി​ബു​ൺ, ടി.​കെ. രാ​ജേ​ഷ്, പ്ര​സീ​ത മോ​ൾ, പു​ഷ്​​പ​രാ​ജ് എ​ന്നി​വ​ർ പ​ങ്കെ​ടു​ത്തു.