അമരമ്പലം ഉളളാട് വാർഡിൽ ചുമരെഴുത്തിലേർപ്പെട്ട യുവതികൾ
പൂക്കോട്ടുംപാടം: അമരമ്പലത്തെ ഉള്ളാട് വാർഡിൽ ചുമരെഴുതാനും പോസ്റ്റർ പതിക്കാനും പെൺപട സജീവം. പഞ്ചായത്തിലെ പതിനാറാം വാർഡിലെ ഇടതുമുന്നണി സ്ഥാനാർഥി അബ്ദുൽ ഹമീദ് ലബ്ബയുടെ പ്രചാരണത്തിനാണ് സ്ത്രീകളും വിദ്യാർഥികളും സജീവമായി രംഗത്തിറങ്ങിയത്.
വീടുകൾ കയറിയുള്ള പ്രചാരണത്തിലും പതിനാറാം വാർഡിലെ സ്ത്രീകളുടെ സാന്നിധ്യം ശ്രദ്ധേയമാണ്. അബ്ദുൽ ഹമീദ് ലബ്ബക്ക് പുറമെ ബ്ലോക്ക് പഞ്ചായത്ത് അമരമ്പലം ഡിവിഷൻ എൽ.ഡി.എഫ് സ്ഥാനാർഥി പി.എം. ബിജു, ജില്ല പഞ്ചായത്ത് ചുങ്കത്തറ ഡിവിഷൻ സ്ഥാനാർഥി തോമസ് കോശി എന്നിവരുടെയും പ്രചാരണത്തിൽ വനിതകൾ സജീവമാണ്.
കലാലയങ്ങളിൽ ചുമരെഴുത്തിന് നേതൃത്വം നൽകിയ അനുഭവവുമായാണ് വിദ്യാർഥികൾ രംഗത്തുള്ളത്. എസ്. സ്വാതി , കെ.എസ്. ശ്രീഷ്മ, വി. സ്വാതി ശ്രീ, പി.വി. സുധിന, പി.വി. സുധിഷ, കെ. കുട്ടിമാൾ, കെ. സ്മിത, കെ. പ്രമീള, കെ. സുഭദ്ര തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.