മണ്ണാർക്കാട്: ലിഫ്റ്റ് തരാമെന്ന് പറഞ്ഞ് ബൈക്കിൽ കയറ്റി കൊണ്ടുപോയി ഭീഷണിപ്പെടുത്തി പണവും മൊബൈലും തട്ടിയെടുത്ത സംഭവത്തിൽ ഒരാൾ അറസ്റ്റിൽ. ആനമൂളിയിൽ താമസിക്കുന്ന അരക്കുപറമ്പ്‌ കാഞ്ഞിരത്തടം കണ്ടമംഗലത്ത് വീട്ടിൽ മോഹൻകുമാറിനെയാണ് (24) അറസ്റ്റ് ചെയ്തത്.
കൂട്ടുപ്രതികൾക്കായി മണ്ണാർക്കാട് പൊലീസ് അന്വേഷണം ആരംഭിച്ചു. പെരിമ്പടാരി കങ്ങോത്ത് അൻഷാദിെൻറ പരാതിയിലാണ് കേസ്. ജൂലൈ എട്ടിന് വൈകുന്നേരം മൂന്നിന് തെങ്കര വെള്ളാരംകുന്നിൽ കാഞ്ഞിരത്തേക്ക് പോകാൻ വാഹനം കാത്ത് നിൽക്കുകയായിരുന്നു അൻഷാദ്. അത് വഴി ബൈക്കിൽ വന്ന മോഹൻകുമാർ അൻഷാദിന് ലിഫ്റ്റ് നൽകി. വഴിയിൽ കാഞ്ഞിരത്ത് എത്തിക്കാമെന്ന് പറഞ്ഞ് കാറിൽ മാറി കയറി. കൂടെ മറ്റ് മൂന്ന് പേർ കൂടി കാറിലുണ്ടായിരുന്നു.
കല്ലാംകുഴി വെച്ച് അൻഷാദിെൻറ കൈയിലുണ്ടായിരുന്ന 20,000 രൂപയും മൊബൈൽ ഫോണും തട്ടിയെടുക്കുകയായിരുന്നു. കൂടുതൽ പണം ആവശ്യപ്പെടുകയും ഭീഷണിപ്പെടുത്തുകയും ചെയ്ത ശേഷം വിട്ടയച്ച അൻഷാദ് പൊലീസിൽ പരാതി നൽകുകയായിരുന്നു. തുടർന്നാണ് പൊലീസ് മോഹൻകുമാറിനെ അറസ്റ്റ് ചെയ്തത്. ബൈക്കും കസ്റ്റഡിയിലെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.