ഒ​റ്റ​പ്പാ​ല​ത്ത് വ​നി​ത​ക​ൾ​ക്ക് ഖാ​ദി നെ​യ്ത്ത് കേ​ന്ദ്ര​മൊ​രു​ങ്ങി

ഒ​റ്റ​പ്പാ​ലം: ഗ്രാ​മീ​ണ സ്ത്രീ​ക​ൾ​ക്ക് തൊ​ഴി​ൽ ന​ൽ​കാ​നാ​യി ഒ​റ്റ​പ്പാ​ലം ബ്ലോ​ക്ക് പ​ഞ്ചാ​യ​ത്ത് നേ​തൃ​ത്വ​ത്തി​ൽ ഖാ​ദി നെ​യ്ത്ത് കേ​ന്ദ്രം പ്ര​വ​ർ​ത്ത​ന​മാ​രം​ഭി​ക്കു​ന്നു.

ല​ക്കി​ടി-​പേ​രൂ​ർ ഗ്രാ​മ​പ​ഞ്ചാ​യ​ത്തി​ലെ പൂ​ക്കാ​ട്ട്കു​ന്ന് പ്ര​ദേ​ശ​ത്താ​ണ് നെ​യ്ത്ത് കേ​ന്ദ്രം ആ​രം​ഭി​ക്കു​ന്ന​ത്. ബ്ലോ​ക്ക് പ​ഞ്ചാ​യ​ത്ത് വി​ക​സ​ന ഫ​ണ്ടി​ൽ​നി​ന്ന് മൂ​ന്ന് ഘ​ട്ട​മാ​യി 30 ല​ക്ഷം രൂ​പ വി​നി​യോ​ഗി​ച്ചാ​ണ് നെ​യ്ത്ത് കേ​ന്ദ്ര​ത്തി​നു​ള്ള കെ​ട്ടി​ടം നി​ർ​മി​ച്ച​ത്.

കേ​ര​ള സം​സ്‌​ഥാ​ന ഖാ​ദി ഗ്രാ​മ​വ്യ​വ​സാ​യ ബോ​ർ​ഡി​ന്‍റെ സ​ഹ​ക​ര​ണ​ത്തോ​ടെ വ​നി​ത​ക​ൾ​ക്ക് നെ​യ്ത്തു പ​രി​ശീ​ല​നം ന​ൽ​കി തൊ​ഴി​ൽ ന​ൽ​കാ​നു​ള്ള യ​ന്ത്ര​ങ്ങ​ൾ ഉ​ൾ​പ്പെ​ടെ​യു​ള്ള​വ ഇ​വി​ടെ ക്ര​മീ​ക​രി​ച്ചി​ട്ടു​ണ്ട്. ആ​ദ്യ​ഘ​ട്ട​ത്തി​ൽ എ​ട്ടു​പേ​ർ​ക്ക് തൊ​ഴി​ൽ ന​ൽ​കാ​നാ​കും. പ്രാ​രം​ഭ ഘ​ട്ട​മെ​ന്നോ​ണം ആ​റു​മാ​സം തൊ​ഴി​ൽ പ​രി​ശീ​ല​ന​വും ന​ൽ​കും. ഇ​തോ​ടൊ​പ്പം മാ​സം ആ​യി​രം രൂ​പ സ്റ്റൈ​പ​ൻ​ഡും ല​ഭി​ക്കും.

പ​രി​ശീ​ല​നം പൂ​ർ​ത്തി​യാ​ക്കു​ന്ന മു​റ​ക്ക് ഇ​വ​രു​ടെ തൊ​ഴി​ലി​ന​നു​സ​രി​ച്ച് വ​രു​മാ​നം ക​ണ്ടെ​ത്താ​നാ​കും. തു​ട​ർ​ന്ന് ഖാ​ദി തൊ​ഴി​ലാ​ളി​ക​ളു​ടെ ആ​നു​കൂ​ല്യ​മു​ൾ​പ്പെ​ടെ​യു​ള്ള വേ​ത​ന​വും ല​ഭി​ക്കും. പ​ത്ത് പേ​ർ​ക്ക് കൂ​ടി തൊ​ഴി​ൽ ചെ​യ്യാ​നു​ള്ള സൗ​ക​ര്യ​വും ഇ​വി​ടെ ഒ​രു​ക്കി​യി​ട്ടു​ണ്ട്. സ്ത്രീ​ക​ൾ​ക്ക് വ​രു​മാ​നം ക​ണ്ടെ​ത്തി അ​വ​രെ സ്വ​യം പ​ര്യാ​പ്ത​രാ​ക്കു​ന്ന​തോ​ടൊ​പ്പം ഖാ​ദി സൗ​ഹൃ​ദ ബ്ലോ​ക്ക് പ​ഞ്ചാ​യ​ത്താ​ക്കു​ക​യാ​ണ് പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​തെ​ന്ന് അ​ധി​കൃ​ത​ർ അ​റി​യി​ച്ചു

ഖാ​ദി നെ​യ്ത്ത് കേ​ന്ദ്ര​ത്തി​ന്റെ പ്ര​വ​ർ​ത്ത​നോ​ദ്ഘാ​ട​നം ഈ ​മാ​സം 11ന് ​വൈ​കീ​ട്ട് മൂ​ന്നി​ന് ഖാ​ദി ഗ്രാ​മ വ്യ​വ​സാ​യ ബോ​ർ​ഡ് വൈ​സ് ചെ​യ​ർ​മാ​ൻ പി. ​ജ​യ​രാ​ജ​ൻ നി​ർ​വ​ഹി​ക്കും. ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് ശോ​ഭ​ന രാ​ജേ​ന്ദ്ര​പ്ര​സാ​ദ് അ​ധ്യ​ക്ഷ​ത വ​ഹി​ക്കും.