നെടുങ്ങോട്ടൂർ എ.എൽ.പി സ്കൂൾ
പട്ടാമ്പി: നൂറാം വാർഷികാഘോഷ നിറവിൽ നെടുങ്ങോട്ടൂര്‍ എ.എല്‍.പി സ്കൂള്‍. 1925ല്‍ ഓത്തുപള്ളിക്കൂടമായാണ് നെടുങ്ങോട്ടൂര്‍ പടിഞ്ഞാറക്കളത്തില്‍ തുടക്കം കുറിച്ചത്. ദീര്‍ഘകാലം പടിക്കല്‍വാരിയം കുടുംബത്തിന്‍റെ ഉടമസ്ഥതയിലായിരുന്നു വിദ്യാലയം. ഇപ്പോള് മുന്‍ പാളയം പള്ളി ഇമാം പി.കെ.കെ. അഹമ്മദ് കുട്ടി മൗലവിയാണ് മാനേജര്‍. ഒരു വര്‍ഷം നീളുന്ന പരിപാടികളോടെയാണ് നൂറാം വാര്‍ഷികം ആഘോഷിക്കുന്നത്. ഇതിനായി 101 അംഗ സ്വാഗതസംഘം രൂപവത്കരിച്ചിട്ടുണ്ട്. ഒക്ടോബര് 19ന് നടക്കുന്ന പൂര്‍വ വിദ്യാർഥി സംഗമത്തോടെ ആഘോഷ പരിപാടികള്‍ക്ക് തുടക്കമാവും. തിരുവേഗപ്പുറ ഗ്രാമപഞ്ചായത്ത് പ്രസിഡന്‍റ് കെ.കെ.എ. അസീസ് ഉദ്ഘാടനം ചെയ്യും.
വി.കെ. സുരേഷ് ബാബു മുഖ്യപ്രഭാഷണം നടത്തും.
കായികമേള, രക്തദാന ക്യാമ്പ്, യാത്രയയപ്പ് സമ്മേളനം, ഘോഷയാത്ര, സ്മരണിക പ്രകാശനം, കലാപരിപാടികള്‍ എന്നിവയും വിവിധ ദിവസങ്ങളിലായി നടത്തുമെന്ന് പ്രധാനാധ്യാപകന്‍ എം.വി. അനില്‍ കുമാര്‍, സ്വാഗതസംഘം ചെയര്‍മാന്‍ എം. രാധാകൃഷ്ണന്‍, ടി.പി. അഹമ്മദ്, ടി. ഹൈദ്രു, ടി.പി. മാനു, പി.കെ.എം. ഷഫീഖ് എന്നിവർ വാര്‍ത്തസമ്മേളനത്തില്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.