നിർമാണച്ചെലവ് ഒരു കോടി; ഡയപ്പര്‍ സംസ്‌കരണ പ്ലാന്റിന്​ നിര്‍ദേശം

കോ​ഴ​ഞ്ചേ​രി: ശു​ചി​ത്വ സം​സ്‌​കാ​രം പ്രോ​ത്സാ​ഹി​പ്പി​ക്കാ​നും മാ​ലി​ന്യ​സം​സ്‌​ക​ര​ണ​ത്തി​ന് കേ​ന്ദ്രീ​കൃ​ത സം​വി​ധാ​നം ഒ​രു​ക്കാ​നു​മാ​യി ഇ​ല​ന്തൂ​രി​ല്‍ ഡ​യ​പ്പ​ര്‍ സം​സ്‌​ക​ര​ണ പ്ലാ​ന്റി​നു നി​ര്‍ദേ​ശം. ഇ​താ​ദ്യ​മാ​യാ​ണ് ജി​ല്ല​യി​ല്‍ ഇ​ത്ത​ര​മൊ​രു സം​സ്‌​ക​ര​ണ കേ​ന്ദ്ര​ത്തി​നു പ​ദ്ധ​തി ത​യാ​റാ​ക്കി​യ​ത്.

ഡ​യ​പ്പ​ര്‍, സാ​നി​ട്ട​റി മാ​ലി​ന്യം തു​ട​ങ്ങി​യ​വ സം​സ്‌​ക​രി​ക്കു​ന്ന​തി​ന് ശു​ചി​ത്വ​മി​ഷ​ന്റെ സ​ഹാ​യ​ത്തോ​ടെ​യാ​ണ് ഒ​രു കോ​ടി ചെ​ല​വി​ല്‍ പ്ലാ​ന്റ് സ്ഥാ​പി​ക്കു​ന്ന​ത്. ജി​ല്ല പ​ഞ്ചാ​യ​ത്ത്, ഇ​ല​ന്തൂ​ര്‍ ബ്ലോ​ക്ക് പ​ഞ്ചാ​യ​ത്ത്, ഏ​ഴ് ഗ്രാ​മ​പ​ഞ്ചാ​യ​ത്തു​ക​ള്‍ എ​ന്നി​വ​യാ​ണ് പ്ലാ​ന്റ് നി​ര്‍മാ​ണ​ത്തി​ന്റെ ചെ​ല​വ് വ​ഹി​ക്കു​ന്ന​ത്. പ്ര​വ​ര്‍ത്ത​ന ചു​മ​ത​ല ഇ​ല​ന്തൂ​ര്‍ ബ്ലോ​ക്ക് പ​ഞ്ചാ​യ​ത്തി​നാ​യി​രി​ക്കും. മാ​ലി​ന്യം ശേ​ഖ​രി​ക്കു​ന്ന​തി​ന് ഹ​രി​ത​ക​ര്‍മ​സേ​ന നി​ല​വി​ല്‍ വാ​ങ്ങു​ന്ന രീ​തി​യി​ലു​ള്ള യൂ​സ​ര്‍ ഫീ​സ്​ ഈ​ടാ​ക്കാ​ന്‍ ആ​ലോ​ചി​ക്കു​ന്നു​ണ്ട്. ഡ​യ​പ്പ​ര്‍, സാ​നി​റ്റ​റി പാ​ഡു​ക​ള്‍ വേ​ര്‍തി​രി​ച്ച് വീ​ടു​ക​ളി​ല്‍ സൂ​ക്ഷി​ക്ക​ണം.

ഇ​ല​ന്തൂ​ര്‍ ബ്ലോ​ക്ക് പ​ഞ്ചാ​യ​ത്ത് ഓ​ഫി​സി​നു പി​ന്നി​ലെ ഒ​രേ​ക്ക​റോ​ളം സ്ഥ​ല​മാ​ണ് പ്ലാ​ന്റി​നാ​യി ക​ണ്ടെ​ത്തി​യി​രി​ക്കു​ന്ന​ത്. നേ​ര​ത്തേ സാ​മൂ​ഹി​ക വ​ന​വ​ത്ക​ര​ണ​ത്തി​നാ​യി വ​നം വ​കു​പ്പി​ന് വി​ട്ടു​ന​ല്‍കി​യ​താ​ണ് ഭൂ​മി. പ്ലാ​ന്റ് നി​ര്‍മി​ക്കാ​ന്‍ ആ​വ​ശ്യ​മാ​യ ഭാ​ഗ​ത്തെ 18 മ​ര​ങ്ങ​ള്‍ മു​റി​ച്ചു​മാ​റ്റു​ന്ന​തി​ന് ജി​ല്ല പ​ഞ്ചാ​യ​ത്ത് മു​ഖേ​ന വ​നം​വ​കു​പ്പി​ന് ക​ത്ത്​ ന​ല്‍കും.

പു​റ​ത്തു​വ​രു​ന്ന​ത് വെ​ള്ള​പ്പു​ക

മാ​ലി​ന്യം സം​സ്‌​ക​രി​ക്കു​മ്പോ​ഴു​ള്ള പു​ക മ​ലി​നീ​ക​ര​ണം ത​ട​യു​ന്ന​തി​നു പ്ലാ​ന്റി​ല്‍ സം​വി​ധാ​ന​മു​ണ്ടാ​കു​മെ​ന്ന് ബ്ലോ​ക്ക് പ​ഞ്ചാ​യ​ത്ത് അ​ധി​കൃ​ത​ര്‍ പ​റ​ഞ്ഞു. ക​റു​ത്ത പു​ക ശു​ദ്ധീ​ക​രി​ച്ച് വെ​ളു​ത്ത​താ​ക്കി പൊ​ക്ക​മു​ള്ള കു​ഴ​ലു​ക​ളി​ലൂ​ടെ പു​റ​ത്തേ​ക്കു​വി​ടും. പ്ലാ​ന്റ് നി​ര്‍മാ​ണ​ത്തി​ന്റെ ചെ​ല​വ് ബ്ലോ​ക്കി​നു കീ​ഴി​ലെ ഏ​ഴ് ഗ്രാ​മ​പ​ഞ്ചാ​യ​ത്തു​ക​ള്‍ ചേ​ര്‍ന്നു വ​ഹി​ക്ക​ണ​മെ​ന്നാ​ണ് നി​ര്‍ദേ​ശം. എ​ന്നാ​ല്‍, ആ​വ​ശ്യ​മാ​യ ഫ​ണ്ട് ത​ങ്ങ​ള്‍ക്കി​ല്ലെ​ന്ന നി​ല​പാ​ടി​ലാ​ണ് ഗ്രാ​മ​പ​ഞ്ചാ​യ​ത്തു​ക​ള്‍.

ഇ​തി​നി​ടെ ഡ​യ​പ്പ​ര്‍, സാ​നി​ട്ട​റി പ്ലാ​ന്റ് നി​ര്‍മാ​ണ​ത്തി​ൽ പ​രി​സ​ര​വാ​സി​ക​ളാ​യ നൂ​റു​പേ​ര്‍ ശു​ചി​ത്വ മി​ഷ​നു പ​രാ​തി ന​ല്‍കി. പ്ലാ​ന്റ് സ്ഥാ​പി​ക്കു​മ്പോ​ള്‍ വാ​യു മ​ലി​നീ​ക​ര​ണ​മു​ണ്ടാ​കു​മെ​ന്നും മ​ണ്ണും തോ​ടു​ക​ളും മ​ലി​ന​മാ​കു​മെ​ന്നു​മാ​ണ് പ​രാ​തി. ജ​ന​വാ​സ മേ​ഖ​ല​യി​ല്‍നി​ന്ന് പ്ലാ​ന്റ് മാ​റ്റ​ണ​മെ​ന്നാ​ണ് ആ​വ​ശ്യ​വും ഉ​യ​ര്‍ന്നു. നേ​ര​ത്തേ പ​ല സ്ഥ​ല​ങ്ങ​ളി​ലും ഇ​ന്‍സി​നേ​റ്റ​ര്‍ സ്ഥാ​പി​ച്ച​തി​ല്‍നി​ന്ന് ക​റു​ത്ത പു​ക​യും രൂ​ക്ഷ​ഗ​ന്ധ​വും ഉ​യ​ര്‍ന്നി​ട്ടു​ണ്ട്. ഇ​ക്കാ​ര്യം പ​രാ​തി​യി​ല്‍ ചൂ​ണ്ടി​ക്കാ​ട്ടി​യി​ട്ടു​ണ്ട്.

ഭ​ര​ണ​സ​മി​തി​യി​ലും വി​യോ​ജി​പ്പ്

പ്ലാ​ന്റ് നി​ര്‍മാ​ണം സം​ബ​ന്ധി​ച്ച് ഇ​ല​ന്തൂ​ര്‍ ബ്ലോ​ക്ക് പ​ഞ്ചാ​യ​ത്ത് ഭ​ര​ണ​സ​മി​തി​ക്കും ഏ​ക​ക​ണ്ഠ​മാ​യ അ​ഭി​പ്രാ​യ​മി​ല്ല. പ്ര​തി​പ​ക്ഷ അം​ഗ​ങ്ങ​ള്‍ പ​ദ്ധ​തി​യെ എ​തി​ര്‍ത്തി​രു​ന്നു. ബ്ലോ​ക്ക് പ​ഞ്ചാ​യ​ത്തി​ന്റെ ഉ​ട​മ​സ്ഥ​ത​യി​ലു​ള്ള സ്ഥ​ലം പ്ലാ​ന്റി​നാ​യി വി​ട്ടു​ന​ല്‍കു​ന്ന​തി​നും എ​തി​ര്‍പ്പു​ണ്ടാ​യി. ഭ​ര​ണ​സ​മി​തി​യു​ടെ അ​വ​സാ​ന​ഘ​ട്ട​ത്തി​ല്‍ ഏ​റ്റെ​ടു​ക്കു​ന്ന പ​ദ്ധ​തി​യു​ടെ ഗു​ണ​ദോ​ഷ​വ​ശ​ങ്ങ​ള്‍ പ​ഠി​ക്കേ​ണ്ട​തു​ണ്ടെ​ന്നാ​ണ് പ്ര​തി​പ​ക്ഷ അം​ഗ​ങ്ങ​ളു​ടെ അ​ഭി​പ്രാ​യം. പ​ദ്ധ​തി നി​ര്‍ദേ​ശ​മാ​യി അം​ഗീ​ക​രി​ക്കാ​മെ​ന്നും അ​ടു​ത്ത ഭ​ര​ണ​സ​മി​തി ന​ട​പ്പാ​ക്ക​ട്ടേ​യെ​ന്ന അ​ഭി​പ്രാ​യ​വും ബ്ലോ​ക്ക് പ​ഞ്ചാ​യ​ത്ത്​ അം​ഗ​ങ്ങ​ള്‍ രേ​ഖ​പ്പെ​ടു​ത്തി.

വാ​യു മ​ലി​നീ​ക​ര​ണം അ​ട​ക്കം വി​ഷ​യ​ങ്ങ​ളി​ല്‍ പ്ര​ദേ​ശ​വാ​സി​ക​ളു​ടെ ആ​ശ​ങ്ക മു​ഖ​വി​ല​യ്‌​ക്കെ​ടു​ക്ക​ണ​മെ​ന്നും അം​ഗ​ങ്ങ​ള്‍ ആ​വ​ശ്യ​പ്പെ​ട്ടി​ട്ടു​ണ്ട്. എ​ന്നാ​ല്‍, പ​രാ​തി​യി​ല്‍ അ​ടി​സ്ഥാ​ന​മി​ല്ലെ​ന്ന്​ എ​ല്ലാ വ​ശ​വും പ​രി​ശോ​ധി​ച്ച ശേ​ഷ​മാ​ണ് തീ​രു​മാ​ന​മെ​ടു​ത്ത​തെ​ന്നും ഇ​ല​ന്തൂ​ര്‍ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് ജെ. ​ഇ​ന്ദി​രാ​ദേ​വി പ​റ​ഞ്ഞു.

ജ​ന​വാ​സ മേ​ഖ​ല​യി​ല്‍ പ്ലാ​ന്റ് നി​ര്‍മി​ക്കു​ന്ന​ത് രോ​ഗ​ങ്ങ​ള്‍ ക്ഷ​ണി​ച്ചു​വ​രു​ത്തു​മെ​ന്നും ബ്ലോ​ക്ക് പ​ഞ്ചാ​യ​ത്ത്​ അം​ഗ​മാ​യ അ​ജി അ​ല​ക്സ് പ​റ​ഞ്ഞു. പ്ലാ​ന്റ് നി​ര്‍മാ​ണം അ​ടു​ത്ത ഭ​ര​ണ​സ​മി​തി​ക്കു വി​ടു​ന്ന​താ​ണ് ന​ല്ല​തെ​ന്നും അ​ജി അ​ഭി​പ്രാ​യ​പ്പെ​ട്ടു.