രജീഷ്
ചേർപ്പ്: ആറാട്ടുപുഴ പല്ലിശ്ശേരിയിൽ യുവാവിനെ വെട്ടി പരിക്കേല്പിച്ചയാളെ പൊലീസ് അറസ്റ്റ് ചെയ്തു. പല്ലിശേരി അമ്പാടത്ത് വീട്ടിൽ രജീഷിനെയാണ് (40) ചേർപ്പ് പൊലീസ് അറസ്റ്റ് ചെയ്തത്. മുൻ വൈരാഗ്യത്തെ തുടർന്ന് ആറാട്ടുപുഴ ഞ്ഞെരുവിശേരി കൊറ്റിക്കൽ വീട്ടിൽ ജോഷിയെയാണ് കഴുത്തിൽ വെട്ടി പരിക്കേൽപ്പിച്ചത്.
ഒളിവിൽ പോയ പ്രതിയെ രഹസ്യ വിവരത്തിന്റെ അടിസ്ഥാനത്തിൽ കാട്ടൂർ വെള്ളാനി പരിസരത്ത് വച്ച് ചേർപ്പ് സർക്കിൾ ഇൻസ്പെക്ടർ സന്ദീപ്കുമാറിന്റെ നേതൃത്വത്തിൽ സബ് ഇൻസ്പെക്ടർ ശ്രീലാൽ, അസി. സബ് ഇൻസ്പെക്ടർ ഷാജു തോമസ്, സീനിയർ സിവിൽ പൊലീസ് ഓഫിസർ സരസപ്പൻ, സിവിൽ പൊലീസ് ഓഫിസർമാരായ ഫൈസൽ, ഷൈജിത്ത്, വിശാഖ് എന്നിവർ ചേർന്നാണ് അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.