മയക്കുമരുന്ന് കേസിൽ പിടിയിലായ ബബിത, റിഗാസ്
എരുമപ്പെട്ടി: മയക്കുമരുന്ന് ഉപയോഗവും വിൽപനയും നടത്തുന്ന സംഘത്തിലെ രണ്ട് പേരെ കുന്നംകുളം എക്സൈസ് റേഞ്ച് ഇൻസ്പെക്ടർ എസ്. ഷാജിയുടെ നേതൃത്വത്തിൽ നടന്ന പ്രത്യേക പരിശോധനയിൽ പിടികൂടി.
ചാലിശ്ശേരി മയിലാടുംകുന്ന് തുറക്കൽ വീട്ടിൽ റിഗാസ് (21), പഴഞ്ഞി ജെറുസലേം ദേശത്ത് മേക്കട്ടുകുളം വീട്ടിൽ ബബിത (35) എന്നിവരാണ് പിടിയിലായത്. റിഗാസിൽനിന്ന് കഞ്ചാവും ബബിതയിൽനിന്ന് 150 മില്ലിഗ്രാം എം.ഡി.എം.എ എന്ന മയക്കുമരുന്നും കണ്ടെടുത്തു.
പ്രിവിൻറിവ് ഓഫിസർ സുരേഷ് കുമാർ, സിവിൽ എക്സൈസ് ഓഫിസർമാരായ അജീഷ്, രാജേഷ്, രാമകൃഷ്ണൻ, സുധിൻ, വനിത സിവിൽ എക്സൈസ് ഓഫിസർമാരായ സിജ, രതിക എന്നിവരും പരിശോധന സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.