അറസ്റ്റിലായ പ്രതികൾ
കൊടുങ്ങല്ലൂർ: അന്തർ ജില്ല ആഡംബര ബൈക്ക് മോഷ്ടാക്കളെ മതിലകം പൊലീസ് അറസ്റ്റ് ചെയ്തു. മതിലകം കൂളിമുട്ടം ആലിപ്പറമ്പിൽ അൽത്താഫ് (19), അഴീക്കോട് സ്വദേശി അടിമപ്പറമ്പിൽ ഷിഫാസ് (20) എന്നിവരെയാണ് മതിലകം ഇൻസ്‌പെക്ടർ എം.കെ. ഷാജിയും സംഘവും അറസ്റ്റ് ചെയ്തത്‌.
തിങ്കളാഴ്ച രാത്രി 11ഓടെ പൊലീസ് പട്രോളിങ്ങിനിടെ മതിലകത്താണ് പിടിയിലായത്. നമ്പർ േപ്ലറ്റ് ഇല്ലാത്ത ബൈക്കിൽ പോകുന്നത് കണ്ട് പിന്തുടർന്നെത്തി തടഞ്ഞുനിർത്തി ചോദ്യം ചെയ്തപ്പോഴാണ്‌ മോഷ്ടിച്ച ബൈക്കാണെന്ന് അറിയുന്നത്. കഴിഞ്ഞ 17ന് എറണാകുളം മറൈൻ ഡ്രൈവിൽനിന്നാണ് ആഡംബര ബൈക്ക് മോഷ്ടിച്ചത്. ഇതുസംബന്ധിച്ച് എറണാകുളം സെൻട്രൽ പൊലീസ് കേസെടുത്തിട്ടുണ്ട്.
പ്രതികൾ മോഷ്ടിച്ച മറ്റൊരു ബൈക്ക് വെള്ളാങ്കല്ലൂരിൽനിന്ന് പൊലീസ് കണ്ടെടുത്തിട്ടുണ്ട്. ഈ കേസിൽ മൂന്ന് പേരെകൂടി പിടികൂടാനുണ്ട്. എസ്.ഐ ശ്രീലാൽ, അഡീഷനൽ എസ്.ഐ ഉണ്ണികൃഷ്ണൻ, സ്പെഷൽ ബ്രാഞ്ച് എ.എസ്.ഐ മുഹമ്മദ് അഷ്റഫ്, സി.പി.ഒമാരായ ഷിഹാബ്, ഷിജു, സതീഷ് എന്നിവരും അന്വേഷണ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.