സി.​വി. ശ്രീ​രാ​മ​ൻ ക​ൾ​ച്ച​റ​ൽ സെ​ന്റ​ർ സ്ഥാ​പി​ക്കു​ന്ന​തി​നെ​ച്ചൊ​ല്ലി ത​ർ​ക്കം; കു​ന്നം​കു​ള​ത്ത് കൗ​ൺ​സി​ൽ യോ​ഗ​ത്തി​ൽ കൈ​യാ​ങ്ക​ളി, കൂ​ട്ട​ത്ത​ല്ല്

കു​ന്നം​കു​ളം: സി.​വി. ശ്രീ​രാ​മ​ൻ ക​ൾ​ച്ച​റ​ൽ സെ​ന്റ​ർ ന​ഗ​ര​സ​ഭ സ്ഥ​ല​ത്ത് നി​ർ​മി​ക്കു​ന്ന​തി​നെ ചൊ​ല്ലി ന​ഗ​ര​സ​ഭ കൗ​ൺ​സി​ൽ യോ​ഗ​ത്തി​ലു​ണ്ടാ​യ ത​ർ​ക്കം കൈ​യാ​ങ്ക​ളി​യി​ൽ ക​ലാ​ശി​ച്ചു. കൗ​ൺ​സി​ൽ ഹാ​ളി​ൽ​നി​ന്ന് പു​റ​ത്തു​പോ​കാ​ൻ ക​ഴി​യാ​ത്ത​വി​ധം പൂ​ട്ടി​യി​ട്ട ചെ​യ​ർ​പേ​ഴ്സ​നെ പൊ​ലീ​സ് സം​ഘം വാ​തി​ൽ ത​ള്ളി​ത്തു​റ​ന്ന് മോ​ചി​പ്പി​ച്ചു. വെ​ള്ളി​യാ​ഴ്ച ന​ട​ന്ന ന​ഗ​ര​സ​ഭ കൗ​ൺ​സി​ൽ യോ​ഗ​ത്തി​ലാ​ണ് പ്ര​ക്ഷു​ബ്ധ രം​ഗ​ങ്ങ​ൾ അ​ര​ങ്ങേ​റി​യ​ത്. സി.​വി. ശ്രീ​രാ​മ​ൻ ക​ൾ​ച്ച​റ​ൽ സെ​ന്റ​ർ നി​ർ​മി​ക്കാ​ൻ എം.​എ​ൽ.​എ​യു​ടെ വി​ക​സ​ന​നി​ധി​യി​ൽ​നി​ന്ന് 80 ല​ക്ഷം അ​നു​വ​ദി​ക്കു​ന്ന​തി​നു​ള്ള ശി​പാ​ർ​ശ​ക്കും സെ​ന്റ​ർ നി​ർ​മി​ച്ച ശേ​ഷം ആ​വ​ർ​ത്ത​ന ചി​ല​വ് ന​ഗ​ര​സ​ഭ വ​ഹി​ക്കു​ന്ന കാ​ര്യം സം​ബ​ന്ധി​ച്ച അ​നു​മ​തി അം​ഗീ​കാ​ര​ത്തി​നു​മാ​യി വ​ന്ന അ​ജ​ണ്ട​യാ​ണ് വാ​ക്കു​ത​ർ​ക്ക​ത്തി​ലും ഒ​ടു​വി​ൽ ഭ​ര​ണ-​പ്ര​തി​പ​ക്ഷാം​ഗ​ങ്ങ​ൾ ത​മ്മി​ലു​ണ്ടാ​യ കൂ​ട്ട അ​ടി​യി​ലും എ​ത്തി​ച്ച​ത്. ക​ൾ​ച​റ​ൽ സെ​ന്റ​ർ നി​ർ​മ്മി​ക്കാ​ൻ മ​ധു​ര​ക്കു​ള​ത്തി​ന് സ​മീ​പം 10 സെ​ന്റ് അ​നു​വ​ദി​ച്ച​ത് കൗ​ൺ​സി​ൽ തീ​രു​മാ​ന പ്ര​കാ​ര​മ​ല്ലെ​ന്ന് പ്ര​തി​പ​ക്ഷാം​ഗ​ങ്ങ​ൾ ചൂ​ണ്ടി​ക്കാ​ട്ടി. ഒ​ന്ന​ര കോ​ടി​യി​ല​ധി​കം വി​ല​യു​ള്ള സ്ഥ​ലം സ്വ​കാ​ര്യ ട്ര​സ്റ്റി​ന് തീ​റെ​ഴു​തി കൊ​ടു​ക്കു​ന്ന ന​ട​പ​ടി തെ​റ്റാ​ണെ​ന്ന് കൗ​ൺ​സി​ല​ർ ലെ​ബീ​ബ് ഹ​സ​ൻ വ്യ​ക്ത​മാ​ക്കി.

ന​ഗ​ര​സ ഓ​ഫി​സി​നു മു​ന്നി​ൽ പു​റ​മ്പോ​ക്ക് ഭൂ​മി​യാ​യ 8.5 സെ​ന്റ് സ്ഥ​ലം ട്ര​സ്റ്റി​ന് ക​ൾ​ച്ച​റ​ൽ സെ​ന്റ​ർ നി​ർ​മി​ക്കാ​ൻ ഏ​ഴ് വ​ർ​ഷം മു​ൻ​പ് കൗ​ൺ​സി​ൽ തീ​രു​മാ​നി​ച്ചി​രു​ന്നു. ഇ​ത് അ​ന്ന​ത്തെ പ്ര​തി​പ​ക്ഷം എ​തി​ർ​ത്തി​രു​ന്നു. ഇ​തോ​ടെ​യാ​ണ് മ​ധു​ര​ക്കു​ള​ത്തെ സ്ഥ​ല​ത്ത് നി​ർ​മ്മി​ക്കാ​ൻ ന​ഗ​ര​സ​ഭ ഭ​ര​ണ​സ​മി​തി​ക്കാ​ർ തീ​രു​മാ​നം കൈ​കൊ​ണ്ടി​രു​ന്ന​ത്. എ​ന്നാ​ൽ ഈ ​സ്ഥ​ല​ത്തി​ന് കൗ​ൺ​സി​ൽ എ​ൻ.​ഒ.​സി​യും കൊ​ടു​ത്തി​ട്ടി​ല്ല.

സ്വ​കാ​ര്യ ട്ര​സ്റ്റി​ന് ക​ൾ​ച്ച​റ​ൽ സെ​ന്റ​ർ നി​ർ​മി​ക്കാ​ൻ അ​നു​വ​ദി​ക്കാ​ൻ ക​ഴി​യി​ല്ലെ​ന്ന് പ്ര​തി​പ​ക്ഷ​ത്തെ കോ​ൺ​ഗ്ര​സ്-​ബി.​ജെ.​പി-​ആ​ർ.​എം.​പി അം​ഗ​ങ്ങ​ൾ ശ​ഠി​ച്ചു.

എം.​എ​ൽ.​എ ഫ​ണ്ടു​പ​യോ​ഗി​ച്ച് ന​ഗ​ര​സ​ഭ ക​ൾ​ച്ച​റ​ൽ സെ​ന്റ​ർ പ​ണി​യു​ന്ന പ​ക്ഷം ശേ​ഷി​ക്കു​ന്ന ചി​ല​വ് ന​ഗ​ര​സ​ഭ​ക്ക് വ​ഹി​ക്കാ​ൻ ക​ഴി​യു​മോ​യെ​ന്ന് ചോ​ദി​ച്ച് ക​ല​ക്ട​ർ ന​ഗ​ര​സ​ഭ​ക്ക് ക​ത്ത് ന​ൽ​കി​യി​രു​ന്നു. ഇ​തും പ്ര​തി​പ​ക്ഷ വാ​ദ​ത്തി​ന് ശ​ക്തി​യേ​കി. ഇ​ത് സം​ബ​ന്ധി​ച്ച് ഭ​ര​ണ-​പ്ര​തി​പ​ക്ഷ അം​ഗ​ങ്ങ​ൾ വാ​ക്കു​ത​ർ​ക്ക​മാ​യി.

എ​ന്നാ​ൽ ഭ​ര​ണ​സ​മി​തി​ക്കൊ​പ്പം കൗ​ൺ​സി​ലി​ൽ നി​ൽ​ക്കു​ന്ന വി​മ​ത കോ​ൺ​ഗ്ര​സ് അം​ഗം ടി. ​സോ​മ​ശേ​ഖ​ര​ൻ ഈ ​തീ​രു​മാ​ന​ത്തെ എ​തി​ർ​ത്തി​രു​ന്നു. ഈ ​സാ​ഹ​ച​ര്യ​ത്തി​ൽ അ​ജ​ണ്ട വോ​ട്ടി​നി​ട​ണ​മെ​ന്ന് പ്ര​തി​പ​ക്ഷം ആ​വ​ശ്യ​പ്പെ​ട്ടു. അ​തി​ന് കൂ​ട്ടാ​ക്കാ​തെ പി​ന്നീ​ടു​ള്ള അ​ജ​ണ്ട വാ​യി​ക്കാ​ൻ ചെ​യ​ർ​പേ​ഴ്സ​ൻ അ​നു​മ​തി ന​ൽ​കി​യ​തോ​ടെ പ്ര​തി​പ​ക്ഷാം​ഗ​ങ്ങ​ൾ പ്ര​തി​ഷേ​ധ​വു​മാ​യി ചെ​യ​ർ​പേ​ഴ്സ​ന്റെ ഡ​യ​സി​ന് മു​ന്നി​ലെ​ത്തി. ഇ​തോ​ടെ എ​ല്ലാ അ​ജ​ണ്ട​ക​ളും പാ​സാ​യ​താ​യി പ്ര​ഖ്യാ​പി​ച്ച് ചെ​യ​ർ​പേ​ഴ്സ​ൻ സീ​ത ര​വീ​ന്ദ്ര​ൻ ര​ക്ഷ​പ്പെ​ടാ​ൻ ശ്ര​മി​ക്കു​ന്ന​തി​നി​ടെ കോ​ൺ​ഗ്ര​സ് വ​നി​ത അം​ഗ​ങ്ങ​ൾ കൗ​ൺ​സി​ൽ ഹാ​ൾ അ​ട​ച്ച് ചെ​യ​ർ​പേ​ഴ്സ​നെ ത​ട​ഞ്ഞു. ഇ​തോ​ടെ ഓ​ടി​യെ​ത്തി​യ അം​ഗ​ങ്ങ​ൾ ത​മ്മി​ലു​ണ്ടാ​യ കൈ​യേ​റ്റം കൂ​ട്ട​ത്ത​ല്ലി​​ലെ​ത്തി. വി​വ​ര​മ​റി​ഞ്ഞ് പൊ​ലീ​സ് സം​ഘ​മെ​ത്തി ത​ള്ളി​പ്പി​ടി​ച്ചി​രു​ന്ന വാ​തി​ൽ ഉ​ന്തി​ത്തു​റ​ന്ന് സീ​ത ര​വീ​ന്ദ്ര​നെ മോ​ചി​പ്പി​ച്ചു. കൈ​യാ​ങ്ക​ളി​യി​ൽ ദേ​ഹാ​സ്വാ​സ്ഥ്യം നേ​രി​ട്ട വ​നി​ത കൗ​ൺ​സി​ല​ർ​മാ​രാ​യ ഗീ​ത ശ​ശി, ലീ​ല ഉ​ണ്ണി​കൃ​ഷ്ണ​ൻ എ​ന്നി​വ​ർ പി​ന്നീ​ട് ചി​കി​ത്സ തേ​ടി.

എ​ൽ.​ഡി.​എ​ഫ് പ്ര​തി​ഷേ​ധ​പ്ര​ക​ട​നം

കു​ന്നം​കു​ളം: ന​ഗ​ര​സ​ഭ​യി​ലെ കോ​ൺ​ഗ്ര​സ്- ബി.​ജെ.​പി കൂ​ട്ടു​കെ​ട്ടി​ന്റെ ജ​നാ​ധി​പ​ത്യ​വി​രു​ദ്ധ ന​ട​പ​ടി​യി​ലും കൗ​ൺ​സി​ൽ യോ​ഗ​ത്തി​ൽ ജ​ന​പ്ര​തി​നി​ധി​ക​ളെ കൈ​യേ​റ്റം ചെ​യ്ത ന​ട​പ​ടി​ക്കെ​തി​രെ​യും എ​ൽ.​ഡി.​എ​ഫ് കു​ന്നം​കു​ളം മു​നി​സി​പ്പ​ൽ ക​മ്മി​റ്റി​യു​ടെ നേ​തൃ​ത്വ​ത്തി​ൽ ന​ഗ​ര​ത്തി​ൽ പ്ര​ക​ട​നം സം​ഘ​ടി​പ്പി​ച്ചു. പ്ര​ക​ട​ന​ത്തി​ൽ ന​ഗ​ര​സ​ഭ ചെ​യ​ർ​പേ​ഴ്സ​ൻ സീ​ത ര​വീ​ന്ദ്ര​ൻ, പി.​എം. സു​രേ​ഷ്, ടി. ​സോ​മ​ശേ​ഖ​ര​ൻ, പി.​ജി. ജ​യ​പ്ര​കാ​ശ്, കെ.​ബി. ഷി​ബു, സി.​സി. ഷെ​റി, സി.​കെ. ലി​ജീ​ഷ്, ജി.​കെ. ജി​ന്നി, സൗ​മ്യ അ​നി​ൽ, പി.​കെ. ഷ​ബീ​ർ, പ്രി​യ സ​ജീ​ഷ്, സ​ജി​നി പ്രേ​മ​ൻ എ​ന്നി​വ​ർ നേ​തൃ​ത്വം ന​ൽ​കി.