അടച്ചിട്ട വീട്ടിൽ അറ്റകുറ്റപ്പണിക്കിടെ സിലിണ്ടർ പൊട്ടിത്തെറിച്ച് തൊഴിലാളിക്ക് പരിക്ക്​

വാ​ടാ​ന​പ്പ​ള്ളി: ചേ​റ്റു​വ​യി​ൽ അ​ട​ച്ചി​ട്ട വീ​ട്ടി​ൽ അ​റ്റ​കു​റ്റ​പ്പ​ണി​യു​ടെ ഭാ​ഗ​മാ​യി ഫ്രി​ഡ്ജി​ൽ ഗ്യാ​സ് നി​റ​ക്കു​ന്ന​തി​നി​ടെ മി​നി സി​ലി​ണ്ട​ർ പൊ​ട്ടി​ത്തെ​റി​ച്ച് തൊ​ഴി​ലാ​ളി​ക്ക് പ​രി​ക്കേ​റ്റു.

വാ​ടാ​ന​പ്പ​ള്ളി കാ​ഞ്ഞി​ര​പ്പ​ള്ളി വീ​ട്ടി​ൽ ജി​മ്മി​ക്കാ​ണ് പ​രി​ക്കേ​റ്റ​ത്. ചേ​റ്റു​വ​യി​ലെ സ്വ​കാ​ര്യ ആ​ശു​പ​ത്രി​യി​ലും തു​ട​ർ​ന്ന്​ തൃ​ശൂ​രി​ലെ ആ​ശു​പ​ത്രി​യി​ലും എ​ത്തി​ച്ചു. ബു​ധ​നാ​ഴ്ച രാ​വി​ലെ 10.30ഓ​ടെ ചേ​റ്റു​വ നാ​ലു​മൂ​ല വൈ​ലി ക്ഷേ​ത്ര​ത്തി​ന​ടു​ത്ത് നെ​ടി​യേ​ട​ത്ത് അ​നൂ​പി​ന്‍റെ വീ​ട്ടി​ലാ​ണ്​ അ​പ​ക​ട​മു​ണ്ടാ​യ​ത്.

സി​ലി​ണ്ട​ർ പൊ​ട്ടി അ​ടു​ക്ക​ള ഭാ​ഗ​ത്ത് തീ​പ​ട​ർ​ന്നു. വാ​ടാ​ന​പ്പ​ള്ളി പൊ​ലീ​സ് സ്റ്റേ​ഷ​ൻ ഹൗ​സ് ഓ​ഫി​സ​ർ ബി.​എ​സ്. ബി​നു​വും ഗു​രു​വാ​യൂ​രി​ൽ​നി​ന്ന്​ അ​ഗ്നി​ര​ക്ഷ സേ​ന​യും എ​ത്തി ര​ക്ഷ​പ്ര​വ​ർ​ത്ത​ന​ത്തി​ന്​ നേ​തൃ​ത്വം ന​ൽ​കി. വീ​ട്ടി​ൽ പ​ണി ന​ട​ക്കു​ന്ന​തി​നാ​ൽ ലി​റ്റ​ർ ക​ണ​ക്കി​ന് ട​ർ​പ​​ൈ​ന്‍റ​നും പെ​യി​ന്‍റും അ​ടു​ക്ക​ള​യി​ൽ വ​ലി​യ ഗ്യാ​സ്​ സി​ലി​ണ്ട​റും ഉ​ണ്ടാ​യി​രു​ന്നു. ഇ​വ മാ​റ്റി​യ​തി​നാ​ൽ വ​ൻ അ​പ​ക​ടം ഒ​ഴി​വാ​യി.

സ്ഥ​ല​ത്തു​ണ്ടാ​യി​രു​ന്ന പ​തി​ന​ഞ്ചോ​ളം തൊ​ഴി​ലാ​ളി​ക​ൾ ചാ​യ കു​ടി​ക്കാ​ൻ പോ​യ നേ​ര​ത്താ​ണ്​ പൊ​ട്ടി​ത്തെ​റി​യു​ണ്ട​യ​ത്. വീ​ട്ടു​ട​മ അ​നൂ​പ്​ ദു​ബൈ​യി​ൽ ടൂ​റി​സം ക​മ്പ​നി ന​ട​ത്തു​ക​യാ​ണ്. അ​ടു​ക്ക​ള ഭാ​ഗ​മു​ൾ​പ്പെ​ടെ വു​ഡ​ൻ പാ​ന​ലു​ക​ളി​ൽ ഇ​ൻ​റീ​രി​യ​ർ വ​ർ​ക്ക്​ ഉ​ള്ള​താ​ണ് തീ ​പെ​ട്ടെ​ന്ന് പ​ട​രാ​ൻ കാ​ര​ണ​മാ​യ​ത്.

ഇ​ർ​ഷാ​ദ്​ കെ. ​ചേ​റ്റു​വ, ദീ​പു വൈ​ലി​ത്ത​റ, കെ.​ആ​ർ. പ്ര​നി​ൽ, ജി​നീ​ഷ്, ദീ​പ​ക്ക്, കി​ര​ൺ, കെ.​ആ​ർ. രാ​ജേ​ഷ് എ​ന്നി​വ​രും ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കി.