വടക്കാഞ്ചേരി: പത്രവിതരണവും കുട്ടികൾക്ക് ട്യൂഷനും ദിനചര്യയാക്കി നാട്ടിലെ താരമായ റിസ്വാനക്ക് പ്ലസ് ടു പരീക്ഷയിലും മിന്നുംവിജയം. 1200ൽ 1193 മാർക്ക് നേടി റിസ്വാന വടക്കാഞ്ചേരി ഗവ. ബോയ്സ് ഹയർ സെക്കൻഡറി സ്കൂളിൽ ഒന്നാമതെത്തി. 'മാധ്യമം' ഏജന്‍റ് മംഗലം കടലക്കാട്ടിൽ വീട്ടിൽ യാക്കൂബിന്‍റെയും റംലത്തിന്‍റെയും മകളായ റിസ്വാന പനങ്ങാട്ടുകര പ്രദേശത്ത് പത്രം വിതരണം ചെയ്താണ് ദിവസം തുടങ്ങുന്നത്. പിതാവിനെ സഹായിക്കാനാണ് പത്രവിതരണം ഏറ്റെടുത്തത്. എസ്.എസ്.എൽ.സി പരീക്ഷയിൽ മുഴുവൻ വിഷയങ്ങളിലും എ പ്ലസ് നേടിയിരുന്നു.
പത്രവിതരണത്തിന് ഇടക്ക് സഹായിയായി സഹോദരിയും ഒമ്പതാം ക്ലാസ് വിദ്യാർഥിനിയുമായി ഫർസാനയും ഉണ്ടാകാറുണ്ട്. വീടിനടുത്തുള്ള കുട്ടികൾക്കാണ് റിസ്വാന ട്യൂഷനെടുക്കാറ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.