തിരുവനന്തപുരം: പ്രസ് ക്ലബ് സംഘടിപ്പിക്കുന്ന യാന ട്രോഫി മീഡിയ ഫുട്ബാൾ ടൂർണമെന്റിന്റെ ഭാഗമായി മുൻ ഇന്ത്യൻ താരങ്ങളും സന്തോഷ് ട്രോഫി താരങ്ങളും പങ്കെടുത്ത പ്രദർശന മത്സരത്തിൽ ഐ.എം. വിജയന്റെ ടീമിനെ ഒന്നിനെതിരെ മൂന്ന് ഗോളുകൾക്ക് തകർത്ത് ജോപോൾ അഞ്ചേരിയുടെ ടീം വിജയിച്ചു. ജോപോൾ അഞ്ചേരിയുടെ ടീമിനുവേണ്ടി ആസിഫ് സഹീർ രണ്ടും എബിൻ റോസ് ഒന്നും ഗോളുകൾ നേടി. ഐ.എം. വിജയന്റെ ടീമിനായി സുരേഷ് കുമാറാണ് സ്കോർ ചെയ്തത്. ചന്ദ്രശേഖരൻ നായർ സ്റ്റേഡിയത്തിൽ ആരംഭിച്ച ടൂർണമെന്റിന്റെ ഉദ്ഘാടനം എൽ.ഡി.എഫ് മുൻ കൺവീനർ എ. വിജയരാഘവനും ഇന്ത്യൻ താരം ഐ.എം. വിജയനും ചേർന്ന് നിർവഹിച്ചു. ഫുട്ബാൾ ലീഗിൽ ശനിയാഴ്ച നടന്ന മത്സരങ്ങളിൽ മനോരമ എതിരില്ലാത്ത നാല് ഗോളുകൾക്ക് ദേശാഭിമാനി ബി ടീമിനെയും ഒന്നിനെതിരെ രണ്ട് ഗോളുകൾക്ക് ഏഷ്യാനെറ്റ് എ ടീം മാധ്യമത്തെയും ന്യൂസ് 18 എതിരില്ലാത്ത ഏഴ് ഗോളുകൾക്ക് കേരളകൗമുദി ബി ടീമിനെയും പരാജയപ്പെടുത്തി. കേരളകൗമുദി എ ടീം രണ്ടിനെതിരെ നാല് ഗോളുകൾക്ക് അമൃത ടി.വി ബി ടീമിനെയും അമൃത എ ടീം എതിരില്ലാത്ത രണ്ട് ഗോളുകൾക്ക് ജനം ടി.വിയെയും പരാജയപ്പെടുത്തി. മനോരമ എതിരില്ലാത്ത എട്ട് ഗോളുകൾക്ക് കേരള കൗമുദി ബി ടീമിനെയും മാതൃഭൂമി എതിരില്ലാത്ത ആറ് ഗോളുകൾക്ക് ഏഷ്യാനെറ്റിനെയും ദേശാഭിമാനി ബി ടീം ഒന്നിനെതിരെ രണ്ട് ഗോളുകൾക്ക് ന്യൂസ് 18 നെയും പരാജയപ്പെടുത്തി. ടൂർണമെന്റ് 31 ന് സമാപിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.