റേഷൻ അരി കടത്തൽ: ലോറിയും ഡ്രൈവറും കസ്റ്റഡിയിൽ

ക​ഴ​ക്കൂ​ട്ടം: റേ​ഷ​ൻ അ​രി ക​ട​ത്തി​യ ലോ​റി​യും ഡ്രൈ​വ​റും ക​സ്റ്റ​ഡി​യി​ൽ. തു​മ്പ കു​ഴി​വി​ള​യി​ൽ​നി​ന്നാ​ണ് 292 ചാ​ക്ക് റേ​ഷ​ൻ അ​രി​യോ​ടു​കൂ​ടി​യ ലോ​റി തു​മ്പ പൊ​ലീ​സ് ക​സ്റ്റ​ഡി​യി​ലെ​ടു​ത്ത​ത്. ലോ​റി ഡ്രൈ​വ​ർ നെ​യ്യാ​റ്റി​ൻ​ക​ര സ്വ​ദേ​ശി ബി​ജു​മോ​നെ അ​റ​സ്റ്റ് ചെ​യ്തു.

ക​ഴി​ഞ്ഞ​ദി​വ​സം രാ​ത്രി റേ​ഷ​ന​രി ക​ട​ത്തു​ന്നെ​ന്ന് പൊ​ലീ​സി​ന്​ കി​ട്ടി​യ ര​ഹ​സ്യ​വി​വ​ര​ത്തി​ന്റെ അ​ടി​സ്ഥാ​ന​ത്തി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് കു​ഴി​വി​ള എം.​ജി.​എം സ്കൂ​ളി​ന് സ​മീ​പ​ത്തു​നി​ന്ന് ലോ​റി ക​സ്റ്റ​ഡി​യി​ലെ​ടു​ത്ത​ത്. സ​പ്ലൈ​കോ ഉ​ദ്യോ​ഗ​സ്ഥ​ർ ന​ട​ത്തി​യ പ​രി​ശോ​ധ​ന​യി​ൽ 292 ചാ​ക്കും റേ​ഷ​ൻ അ​രി​യാ​ണെ​ന്ന് ക​ണ്ടെ​ത്തി.

പൂ​വാ​ർ ബ​സ് സ്റ്റാ​ൻ​ഡി​ന് അ​ടു​ത്തു​ള്ള ഗോ​ഡൗ​ണി​ൽ​നി​ന്നാ​ണ് അ​രി കൊ​ണ്ടു​വ​ന്ന​തെ​ന്ന് ബി​ജു​മോ​ൻ പൊ​ലീ​സി​നോ​ട് പ​റ​ഞ്ഞു. വി​വി​ധ റേ​ഷ​ൻ ക​ട​ക​ളി​ൽ​നി​ന്ന്​ ശേ​ഖ​രി​ക്കു​ന്ന അ​രി പൂ​വാ​ർ ബ​സ് സ്റ്റാ​ൻ​ഡി​ന​ടു​ത്തു​ള്ള ഗോ​ഡൗ​ണി​ലേ​ക്ക് മാ​റ്റി അ​വി​ടെ​നി​ന്നാ​ണ് ആ​വ​ശ്യ​ക്കാ​ർ​ക്ക് എ​ത്തി​ച്ചു​കൊ​ടു​ക്കു​ന്ന​ത്.

കാ​ല​ടി​യി​ലെ സ്വ​കാ​ര്യ വ്യ​ക്തി​യു​ടെ ഗോ​ഡൗ​ണി​ലേ​ക്ക് കൊ​ണ്ടു​പോ​കും​വ​ഴി​യാ​ണ് പി​ടി​യി​ലാ​യ​ത്. പി​ടി​ച്ചെ​ടു​ത്ത അ​രി മേ​നം​കു​ള​ത്തെ സ​പ്ലൈ​കോ ഗോ​ഡൗ​ണി​ലേ​ക്ക് മാ​റ്റി. ക​സ്റ്റ​ഡി​യി​ലെ​ടു​ത്ത ലോ​റി ജി​ല്ല ക​ല​ക്ട​ർ​ക്ക് കൈ​മാ​റു​മെ​ന്ന് തു​മ്പ പൊ​ലീ​സ് പ​റ​ഞ്ഞു. ത​ല​സ്ഥാ​ന​ത്തു​ട​നീ​ളം ഇ​ത്ത​ര​ത്തി​ൽ റേ​ഷ​ൻ അ​രി മ​റി​ച്ചു​വി​ൽ​ക്കു​ന്ന സം​ഘ​ങ്ങ​ൾ പ്ര​വ​ർ​ത്തി​ക്കു​ന്നു​ണ്ട്. കോ​ട​തി​യി​ൽ ഹാ​ജ​രാ​ക്കി​യ ഡ്രൈ​വ​റെ ജാ​മ്യ​ത്തി​ൽ വി​ട്ടു.