മാനസിക പീഡനവും മർദനവും; അധ്യാപകർക്കെതിരെ വിദ്യാർഥിയുടെ പരാതി

മെ​ഡി​ക്ക​ൽ കോ​ള​ജ്: സ്വ​കാ​ര്യ സ്കൂ​ളി​ലെ ഒ​മ്പ​താം ക്ലാ​സ് വി​ദ്യാ​ർ​ഥി​യെ അ​ധ്യാ​പ​ക​ർ മാ​ന​സി​ക​മാ​യി പീ​ഡി​പ്പി​ക്കു​ക​യും മ​ർ​ദി​ക്കു​ക​യും ചെ​യ്ത​താ​യി പ​രാ​തി. സ്വ​കാ​ര്യ എ​യ്ഡ​ഡ് സ്കൂ​ളി​ലെ നാ​ല് അ​ധ്യാ​പ​ക​ർ​ക്കെ​തി​രെ​യാ​ണ് ആ​ക്കു​ളം ചെ​റു​വ​യ്ക്ക​ൽ സ്വ​ദേ​ശി​യാ​യ വി​ദ്യാ​ർ​ഥി മെ​ഡി​ക്ക​ൽ കോ​ള​ജ് പൊ​ലീ​സി​ൽ പ​രാ​തി ന​ൽ​കി​യ​ത്.

വ്യാ​ഴാ​ഴ്ച​യാ​ണ് കേ​സി​നാ​സ്പ​ദ​മാ​യ സം​ഭ​വം. ചെ​യ്യാ​ത്ത കു​റ്റം ആ​രോ​പി​ക്കു​ക​യും അ​തു​ചോ​ദ്യം ചെ​യ്ത​തി​ലു​ള്ള വി​രോ​ധ​ത്താ​ൽ ക്ലാ​സി​ന് പു​റ​ത്ത് നി​ർ​ത്തി അ​പ​മാ​നി​ച്ചു​വെ​ന്നും പ​രാ​തി​യി​ൽ പ​റ​യു​ന്നു.

ജ​നു​വ​രി 22ന് ​അ​ധ്യാ​പ​ക​രി​ലൊ​രാ​ൾ വി​ദ്യാ​ർ​ഥി ശു​ചി​മു​റി​യി​ൽ പോ​യി വ​രു​ന്ന സ​മ​യം ചൂ​ര​ൽ കൊ​ണ്ട് ഇ​ട​ത്തേ തു​ട​യി​ൽ അ​ടി​ക്കു​ക​യും അ​ടി​ച്ച​തെ​ന്തി​നെ​ന്ന് ചോ​ദി​ച്ച​പ്പോ​ൾ വീ​ണ്ടും അ​ടി​ക്കു​ക​യും ഷ​ർ​ട്ടി​ന്റെ കോ​ള​റി​ൽ പി​ടി​ച്ചു ത​ള്ളി​യെ​ന്നും പൊ​ലീ​സി​ൽ വി​ദ്യാ​ർ​ഥി മൊ​ഴി ന​ൽ​കി.

കൂ​ടാ​തെ മ​റ്റൊ​ര​ധ്യാ​പ​ക​ൻ ‘നി​ന്‍റെ സ്വ​ഭാ​വം ശ​രി​യ​ല്ല, നി​ന്റെ ചെ​കി​ട​ടി​ച്ച് പൊ​ളി​ക്ക​യാ​ണ് വേ​ണ്ട​ത്, നി​ന്നേ പോ​ലെ​യു​ള്ള​വ​രെ ഭൂ​മി​യു​ടെ മു​ക​ളി​ൽ വ​ച്ചേ​ക്ക​ത്തി​ല്ല’ എ​ന്ന് ഭീ​ഷ​ണി​പ്പെ​ടു​ത്തി​യെ​ന്നും പ​രാ​തി​യി​ൽ പ​റ​യു​ന്നു.

പ​രാ​തി​യി​ൽ പൊ​ലീ​സ് ജു​വ​നൈ​ൽ ജ​സ്റ്റി​സ് ആ​ക്ട് പ്ര​കാ​രം കേ​സെ​ടു​ത്തു.