ശാസ്ത തിയേറ്റര്‍: ആരവങ്ങള്‍ക്ക് ഇനി കാലം സാക്ഷി...

നേ​മം: ഒ​രു​കാ​ല​ത്ത് നാ​ടി​ന്റെ സാം​സ്‌​കാ​രി​ക മ​ണ്ഡ​ല​ത്തി​ല്‍ നി​റ​സാ​ന്നി​ധ്യ​മാ​യി​രു​ന്ന ശാ​സ്ത തി​യേ​റ്റ​ര്‍ ഇ​ന്ന് ഓ​ര്‍മ മാ​ത്ര​മാ​യി. കാ​ടു​മൂ​ടി ഇ​ഴ​ജ​ന്തു​ക്ക​ളു​ടെ താ​വ​ള​മാ​ണ് വി​ള​പ്പി​ല്‍ശാ​ല​യി​ലെ ഈ ​സി​നി​മാ​ശാ​ല. 1978ല്‍ ​നാ​ട്ടു​കാ​ര​നാ​യ ജി. ​ശ്രീ​ക​ണ്ഠ​ന്‍ നാ​യ​ര്‍ സി​നി​മാ​പ്രേ​മി​ക​ള്‍ക്കാ​യി ത​ന്റെ ര​ണ്ട് ഏ​ക്ക​ര്‍ ഭൂ​മി​യി​ല്‍ സ്ഥാ​പി​ച്ച​താ​ണ് ശാ​സ്ത തി​യേ​റ്റ​ര്‍. 'ശ്രീ ​ഗു​രു​വാ​യൂ​ര​പ്പ​ന്‍' ഉ​ദ്ഘാ​ട​ന ചി​ത്ര​മാ​യി പ്ര​ദ​ര്‍ശി​പ്പി​ച്ചാ​യി​രു​ന്നു തു​ട​ക്കം.

ഓ​ല​പ്പു​ര​യാ​യി​രു​ന്ന തി​യേ​റ്റ​ര്‍ ഇ​ട​ക്ക് തീ​ക​ത്തി ന​ശി​ച്ചു. ന​ല്ലൊ​രു സി​നി​മാ​പ്രേ​മി കൂ​ടി​യാ​യ ശ്രീ​ക​ണ്ഠ​ന്‍ നാ​യ​ര്‍ ഷീ​റ്റ് മേ​ഞ്ഞ് തീ​യ​റ്റ​ര്‍ പു​തു​ക്കി​പ്പ​ണി​തു. ബ്ലാ​ക്ക് ആ​ൻ​ഡ് വൈ​റ്റ് മു​ത​ല്‍ ക​ള​ര്‍ സി​നി​മ​ക​ള്‍ വ​രെ വെ​ള്ളി​ത്തി​ര​യി​ല്‍ തെ​ളി​യി​ച്ച ശാ​സ്ത നാ​ട്ടി​ലെ ഏ​ക സി​നി​മാ​ശാ​ല​യാ​യി ത​ല​യു​യ​ര്‍ത്തി നി​ന്ന​ത് നീ​ണ്ട 30 വ​ര്‍ഷം. ഗ്രാ​മീ​ണ സി​നി​മാ​ശാ​ല​ക​ള്‍ ന​ഷ്ട​ത്തി​ലോ​ടാ​ന്‍ തു​ട​ങ്ങി​യ 2000ല്‍ ​ഇ​ന്റ​ര്‍നെ​റ്റി​നും ടെ​ലി​വി​ഷ​നും മു​ന്നി​ലേ​ക്ക് സി​നി​മാ​സ്വാ​ദ​നം വ​ഴി​മാ​റി​യ​തോ, സി​നി​മ​ക​ള്‍ തേ​ടി ഗ്രാ​മ​വാ​സി​ക​ള്‍ ന​ഗ​രം തേ​ടി​യ​തോ, കാ​ല​ത്തി​നൊ​ത്ത് സി​നി​മാ​ശാ​ല മാ​റാ​ത്ത​തോ ശാ​സ്ത​യു​ടെ അ​ട​ച്ചു​പൂ​ട്ട​ലി​നും കാ​ര​ണ​മാ​യി.

2010ല്‍ ​ശ്രീ​ക​ണ്ഠ​ന്‍ നാ​യ​ര്‍ തി​യേ​റ്റ​ര്‍കെ​ട്ടി​ടം ഉ​ള്‍പ്പ​ടെ ഭൂ​മി ഒ​രു വ​ക്കീ​ലി​ന് വി​റ്റു. വ​ക്കീ​ലി​ല്‍നി​ന്ന് നാ​ല് വ​ര്‍ഷം മു​മ്പ് സി​സ ഫൗ​ണ്ടേ​ഷ​ന്‍ ഭൂ​മി​യും തി​യേ​റ്റ​ര്‍ കെ​ട്ടി​ട​വും വി​ല​യ്ക്കു​വാ​ങ്ങി. ഇ​പ്പോ​ള്‍ വി​ഴി​ഞ്ഞം-​ന​വാ​യി​ക്കു​ളം ഔ​ട്ട​ര്‍ റി​ങ് റോ​ഡി​നാ​യി ഏ​റ്റെ​ടു​ത്ത ഭൂ​മി​യാ​ണി​ത്.

റോ​ഡ് നി​ർ​മാ​ണം ആ​രം​ഭി​ക്കു​മ്പോ​ള്‍ പ​ഴ​യ ശാ​സ്ത തി​യേ​റ്റ​റി​ന്റെ ശേ​ഷി​ക്കു​ന്ന അ​ട​യാ​ള​വും ഇ​ടി​ച്ചു നി​ര​ത്ത​പ്പെ​ടും. അ​തോ​ടെ ശാ​സ്ത​യു​ടെ വ​സ​ന്ത​കാ​ലം പ​ഴ​മ​ക്കാ​രു​ടെ ഓ​ര്‍മ​യി​ല്‍ മാ​ത്ര​മാ​കും. മ​റ​ക്കാ​ന്‍ ഇ​ഷ്ട​പ്പെ​ടാ​ത്ത പ​ഴ​ങ്ക​ഥ​യാ​യി...