സുജിത്ത്
ശ്രീകാര്യം: ഹോസ്റ്റലുകൾ കേന്ദ്രീകരിച്ച് മോഷണം നടത്തുന്ന പ്രതികളെ ശ്രീകാര്യം പൊലീസ് അറസ്റ്റ് ചെയ്തു. കഴക്കൂട്ടം മേനംകുളം കരിയിൽ പ്ലാവിലകത്ത് വീട്ടിൽ സുജിത്ത് (18), പ്രായപൂർത്തിയാകാത്ത ഒരാൾ എന്നിവരാണ് അറസ്റ്റിലായത്. ശ്രീകാര്യം എൻജിനീയറിങ് കോളജ് മെൻസ് ഹോസ്റ്റലിൽ നിന്ന് അഞ്ച് മൊബൈൽ ഫോണുകളും ഒരു ലാപ്ടോപ്പും മോഷ്ടിച്ച കേസിലാണ് അറസ്റ്റ്.
പാളയം ഭാഗത്ത് നിന്നും മോഷ്ടിച്ച ബൈക്കിൽ ഹോസ്റ്റലിലെത്തി മോഷണം നടത്തി ഫോണുകൾ ബീമാപള്ളിക്ക് സമീപത്തെ കടയിൽ വിൽക്കുകയും ലാപ്ടോപ്പ് കഴക്കൂട്ടം ഭാഗത്ത് തെറ്റിയാർ തോട്ടിൽ ഉപേക്ഷിക്കുകയുമായിരുന്നു. ആറുമാസം മുൻപ് പാങ്ങപ്പാറയിൽ നിന്നും മോഷ്ടിച്ച സ്കൂട്ടറിൽ അമ്പാടി നഗറിലുള്ള മറ്റൊരു ഹോസ്റ്റലിൽ കയറി ലാപ്ടോപ്പും മൊബൈൽ ഫോണും മോഷ്ടിച്ചതും ഇവർ സമ്മതിച്ചു.
മോഷണം നടത്തിയശേഷം ബൈക്കുകൾ ഉപേക്ഷിക്കുകയാണ് ഇവരുടെ പതിവ്. ശ്രീകാര്യം എസ് എച്ച് ഒ കെ. ആർ. ബിജു, എസ്. ഐ മാരായ ബിനോദ് കുമാർ ജെ, പ്രശാന്ത്, അനൂപ്, സിപിഒ മാരായ ഷേർഷാ ഖാൻ, വിനീത്, പ്രശാന്ത്, ഗോപകുമാർ എന്നിവർ അടങ്ങിയ സംഘമാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.